Tag: North East United

നോർത്ത് ഈസ്റ്റ് യുണൈറ്റഡ് എഫ്‌സി ഡിഫൻഡർ ആയ ദിനേശ് സിംഗിനെ സ്വന്തമാക്കി. രണ്ട് വർഷത്തെ കരാറിൽ വേഴ്സറ്റൈൽ ഡിഫൻഡർ ഒപ്പുവെച്ചതായി ക്ലബ് അറിയിച്ചു. മണിപ്പൂരിൽ ജനിച്ച ഈ ഫുട്ബോൾ താരം ഷില്ലോംഗ് ലജോംഗ്, റോയൽ വാഹിംഗ്‌ദോ തുടങ്ങിയ ക്ലബിലൂടെയാണ് യുവ കരിയർ ആരംഭിച്ചത്.

2016-ൽ റിയൽ കാശ്മീരിൽ നിന്നാണ് ദിനേശിന്റെ പ്രൊഫഷണൽ യാത്ര ആരംഭിച്ചത്. ഒരു വർഷത്തിന് ശേഷം, TRAU FC-യിൽ കളിക്കാൻ അദ്ദേഹം സ്വന്തം സംസ്ഥാനത്തേക്ക് മടങ്ങി. അവിടെ അദ്ദേഹം മൂന്ന് സീസണുകൾ ചെലവഴിച്ചു. 2021-22 സീസണിന് മുന്നോടിയായി അദ്ദേഹം ശ്രീനിധി ഡെക്കാണിലേക്ക് മാറി. കേരള ബ്ലാസ്റ്റേഴ്സ് താരം സൊറൈഷാം സന്ദീപ് സിംഗിന്റെ അനിയനാണ് സന്ദീപ് സിംഗ്. ബ്ലാസ്റ്റേഴ്സ് ദിനേഷ് സിങിനെ ഈ ട്രാൻസ്ഫർ വിൻഡോയിൽ ടീമിലേക്ക് എത്തിക്കാൻ ശ്രമിച്ചിരുന്നു.

25-കാരന്റെ ഹീറോ ഇന്ത്യൻ സൂപ്പർ ലീഗിലെ ആദ്യ ക്ലബാകും നോർത്ത് ഈസ്റ്റ് യുണൈറ്റഡ്. “നോർത്ത് ഈസ്റ്റ് യുണൈറ്റഡ് എഫ്‌സി ആയിരിക്കും എന്റെ ആദ്യത്തെ ഹീറോ ഐഎസ്‌എൽ ടീം. മണിപ്പൂരിൽ നിന്നുള്ള ഒരു കളിക്കാരനെ സംബന്ധിച്ചിടത്തോളം ഈ ക്ലബ്ബിനെ പ്രതിനിധീകരിക്കുക എന്നത് ഒരു സ്വപ്ന സാക്ഷാത്കാരമാണ്.” താരം കരാർ ഒപ്പുവെച്ച ശേഷം പറഞ്ഞു.

നോർത്ത് ഈസ്റ്റ് യുണൈറ്റഡ് പുതിയ പരിശീലകനെ നിയമിച്ചു. 2 വർഷത്തെ കരാറിൽ ജുവാൻ പെഡ്രോ ബെനാലി ആണ് ടീമിന്റെ ഹെഡ് കോച്ചായി എത്തുന്നത്. ക്ലബ്ബ് ഇന്ന് ഇത് ഔദ്യോഗികമായി പ്രഖ്യാപിച്ചു. 54 കാരനായ ജുവാൻ പെഡ്രോ ബെനാലി യൂറോപ്പ്, ഏഷ്യ, ആഫ്രിക്ക എന്നീ മൂന്ന് വ്യത്യസ്ത ഭൂഖണ്ഡങ്ങളിലെ ടീമുകളെ പരിശീലിപ്പിച്ചിട്ടുണ്ട്. മുമ്പ് ഫിൻലാന്റ് ദേശീയ ടീമിന്റെ ടെക്നിക്കൽ അസിസ്റ്റന്റ് ആയും പ്രവർത്തിച്ചിട്ടുണ്ട്.

2008-ൽ ജപ്പാൻ ക്ലബായ വിസൽ കോബെയുടെ മുഖ്യ പരിശീലകനായി അവർക്ക് ജെ ലീഗിലേക്ക് പ്രൊമോഷൻ വാങ്ങിക്കൊടുക്കാൻ അദ്ദേഹത്തിന് ആയിരുന്നു. 2003-ൽ ഷാർജ ഫുട്ബോൾ ക്ലബ്ബിനൊപ്പം യുഎഇ കപ്പും, 2001-ൽ മൊറോക്കൻ ക്ലബ്ബ് എസ്.സി.സി. മുഹമ്മദീയയ്‌ക്കൊപ്പം അറബ് കപ്പിന്റെ സെമിഫൈനലും ബെനാലി എത്തിയിട്ടുണ്ട്.

ഈസ്റ്റ് ബംഗാൾ എഫ്‌സിയിലേക്ക് പോകുമെന്ന ഊഹാപോഹങ്ങൾക്ക് ഇടയിൽ നോർത്ത് ഈസ്റ്റ് യുണൈറ്റഡ് എഫ്‌സിയുടെ പുതിയ ചീഫ് എക്‌സിക്യൂട്ടീവ് ഓഫീസറായി (സിഇഒ) മന്ദർ തമാനെയെ ഔദ്യോഗികമായി നിയമിച്ചു. മുൻ ബെംഗളൂരു എഫ്‌സി സിഇഒ നോർത്ത് ഈസ്റ്റ് ഇന്ത്യൻ ക്ലബിൽ എത്തിയതായി നോർത്ത് ഈസ്റ്റ് ഇന്ന് അറിയിച്ചു. അവസാന കുറച്ച് സീസണുകളായൊ കഷ്ടപ്പെടുന്ന നോർത്ത് ഈസ്റ്റിനെ കരകയറ്റുക ആണ് മന്ദറിനു മേലുള്ള ദൗത്യം.

മുമ്പ് ബംഗളൂരു എഫ്‌സിയുടെ വിജയങ്ങളിൽ നിർണായക പങ്ക് മന്ദർ വഹിച്ചിട്ടുണ്ട്. 2023 ജനുവരിയിൽ ആയിരുന്നു മന്ദർ ബെംഗളൂരു എഫ് സിയിൽ നിന്ന് അദ്ദേഹം രാജിവെച്ചു. 10 വർഷത്തോളം അദ്ദേഹം ബെംഗളൂരു എഫ് സിക്ക് ഒപ്പം ഉണ്ടായിരുന്നു.

പോയിന്റ് പട്ടികയിലെ അവസാന സ്ഥാനക്കാരുടെ പോരാട്ടത്തിൽ വീണ്ടും തോൽവി ഏറ്റു വാങ്ങി നോർത്ത് ഈസ്റ്റ് യുനൈറ്റഡ്. സ്വന്തം തട്ടകത്തിൽ ജംഷാദ്പൂരിനോടാണ് സീസണിലെ പതിനഞ്ചാം തോൽവി ഏറ്റു വാങ്ങിയത്. റിത്വിക് ദാസ്, ഡാനിയൽ ചുക്വു എന്നിവരാണ് ജംഷദ്പൂരിനായി വല കുലുക്കിയത്. ഇതോടെ പത്താം സ്ഥാനത്ത് ജംഷദ്പൂരിന് പന്ത്രണ്ട് പോയിന്റും അവസാന സ്ഥാനത്ത് നോർത്ത് ഈസ്റ്റിന് നാല് പോയിന്റും ആണുള്ളത്.

ജംഷദ്പൂരിനെ ആധിപത്യം തന്നെ ആയിരുന്നു തുടക്കം മുതൽ. തുടർച്ചയായ ആക്രമണങ്ങളിലും തുടക്കത്തിൽ ഗോൾ മാത്രം അകന്ന് നിന്നു. ജെയ് തോമസിന്റെ ഒരു ശ്രമം പോസ്റ്റിൽ ഇടിച്ചു മടങ്ങി. ആദ്യ ഗോൾ നേടാൻ സന്ദർശകർക്ക് മുപ്പത്തിയൊൻപതാം മിനിറ്റ് വരെ കാത്തിരിക്കേണ്ടി വന്നു. കോർണറിലൂടെ എത്തിയ ബോൾ ക്ലിയർ ചെയ്യുന്നതിൽ നോർത്ത് ഈസ്റ്റിന് പിഴച്ചപ്പോൾ കൂട്ടപ്പോരിച്ചിലിനോടുവിൽ ലഭിച്ച അവസരം റിത്വിക് ദാസ് വലയിൽ എത്തിക്കുകയായിരുന്നു. അൻപതിയേഴാം മിനിറ്റിൽ അടുത്ത ഗോൾ എത്തി. എതിർ പ്രതിരോധത്തെ കീറി മുറിച്ചു റാഫേൽ ക്രിവല്ലറോ നൽകിയ പാസ് ഓടിയെടുത്ത് ഡാനിയൽ ചുക്വു ലക്ഷ്യം കാണുകയായിരുന്നു. ഗോൾ മടക്കാൻ നോർത്ത് ഈസ്റ്റിൽ നിന്നും കാര്യമായ ശ്രമങ്ങൾ ഒന്നും ഉണ്ടായില്ല.

നോർത്ത് ഈസ്റ്റ് യുണൈറ്റഡ് എഫ്‌സി രാജസ്ഥാൻ യുണൈറ്റഡ് എഫ്‌സി താരവും സ്പാനിഷ് മിഡ്‌ഫീൽഡറുനായ ജോസെബ ബെയ്റ്റിയയുടെ സൈനിംഗ് പൂർത്തിയാക്കി. ഇന്ത്യൻ സൂപ്പർ ലീഗ് (ഐ‌എസ്‌എൽ) സീസണിന്റെ ശേഷിക്കുന്ന മത്സരങ്ങളിൽ കളിക്കാനായി താരത്തെ കൊണ്ടുവരാൻ ക്ലബ് വലിയ ട്രാൻസ്ഫർ തുക നൽകിയതായാണ് റിപ്പോർട്ട്.

ബെയ്‌റ്റിയ മുമ്പ് ഐ-ലീഗിൽ തിളങ്ങിയിട്ടുണ്ട് 2019 ൽ മോഹൻ ബഗാനൊപ്പം ഒരു കിരീടം നേടി. തുടർന്ന് 2020ൽ അദ്ദേഹം റൗണ്ട്ഗ്ലാസ് പഞ്ചാബ് എഫ്‌സിയിലേക്ക് മാറി, നിലവിലെ ഐ-ലീഗ് സീസണിൽ രാജസ്ഥാൻ യുണൈറ്റഡിനായി നല്ല പ്രകടനങ്ങൾ നടത്തുന്നതിന് ഇടയിലാണ് ഈ ട്രാൻസ്ഫർ.

മലയാളി യുവതാരം അലക്സ് സജി ഇനി നോർത്ത് ഈസ്റ്റിനായി കളിക്കും. ഹൈദരാബാദ് എഫ് സിയുടെ താരമായ അലക്സ് സജി ലോൺ അടിസ്ഥാനത്തിൽ ആണ് നോർത്ത് ഈസ്റ്റിലേക്ക് പോകുന്നത്. നോർത്ത് ഈസ്റ്റ് യുണൈറ്റഡ് പരിശീലകനായ അനീസെക്ക് ഒപ്പം മുമ്പ് ഗോകുലത്തിൽ അലക്സ് സജി പ്രവർത്തിച്ചിട്ടുണ്ട്. അതുകൊണ്ട് തന്നെ സജിയുടെ നോർത്ത് ഈസ്റ്റ് നീക്കം താരത്തിന് വലിയ നേട്ടമായി മാറും എന്ന് പ്രതീക്ഷിക്കാം.

ഗോകുലം കേരളയുടെ താരമായിരുന്ന അലക്സ് സജിയെ കഴിഞ്ഞ സീസൺ അവസാനം ആണ് ഹൈദരാബാദ് എഫ് സി സ്വന്തമാക്കിയത്. അലക്സ് സജിക്ക് 2025വരെയുള്ള കരാർ ഹൈദരബാദിൽ ഉണ്ട്. ഈ സീസൺ അവസാനം താരം തിരികെ ഹൈദരാബാദിൽ തന്നെ എത്തും. അലക്സ് സജിക്ക് ഈ സീസണിൽ ഹൈദരാബാദിൽ അവസരമേ ലഭിച്ചിരുന്നില്ല.

അവസാന മൂന്ന് സീസണായി സജി ഗോകുലം കേരളക്ക് ഒപ്പം ആയിരുന്നു. ഗോകുലത്തോടൊപ്പം രണ്ട് ഐ ലീഗ് കിരീടങ്ങൾ നേടാൻ അലക്സ് സജിക്ക് ആയിട്ടുണ്ട്.

2019ൽ കേരള ബ്ലാസ്റ്റേഴ്സിൽ നിന്നായിരുന്നു ഡിഫൻഡറായ അലക്സ് സജി ഗോകുലത്തിൽ എത്തിയത്. വയനാട് സ്വദേശിയാണ് അലക്സ് സജി. കേരള ബ്ലാസ്റ്റേഴ്സിന്റെ അണ്ടർ 18 ടീമിനും റിസേർവ്സ് ടീമിനും ഒപ്പമായിരുന്നു താരം ബ്ലാസ്റ്റേഴ്സിൽ ഉള്ളപ്പോൾ കളിച്ചിരുന്നത്.

മുമ്പ് റെഡ് സ്റ്റാർ അക്കാദമിയിലും സജി കളിച്ചിട്ടുണ്ട്. മാർ അത്നീഷ്യസ് കോളോജിന്റെ താരം കൂടിയായിരുന്നു സജി.

കേരള ബ്ലാസ്റ്റേഴ്സ് ഇന്ന് അവരുടെ സീസണിലെ അഞ്ചാം മത്സരത്തിന് ഇറങ്ങുകയാണ്. ഗുവാഹത്തിയിൽ നടക്കുന്ന മത്സരത്തിൽ നോർത്ത് ഈസ്റ്റ് യുണൈറ്റഡ് ആണ് കേരള ബ്ലാസ്റ്റേഴ്സിന്റെ എതിരാളികൾ. അവസാന മൂന്ന് മത്സരങ്ങളും പരാജയപ്പെട്ട കേരള ബ്ലാസ്റ്റേഴ്സിന് വിജയ വഴിയിലേക്ക് എത്തേണ്ടത് അത്യാവശ്യമാണ്. എതിരാളികൾ ആയ നോർത്ത് ഈസ്റ്റ് ആകട്ടെ കളിച്ച നാലു മത്സരങ്ങളും പരാജയപ്പെട്ടു നിൽക്കുകയാണ്.

നോർത്ത് ഈസ്റ്റ് യുണൈറ്റഡ് ലീഗിൽ അവസാന സ്ഥാനത്തും കേരള ബ്ലാസ്റ്റേഴ്സ് 3 പോയിന്റുമായി 9ആം സ്ഥാനത്തും നിൽക്കുന്നു‌. ഇരുടീമുകൾക്കും വിജയം ആവശ്യമായതു കൊണ്ട് തന്നെ ഒരു നല്ല മത്സരം പ്രതീക്ഷിക്കാം‌.

കേരള ബ്ലാസ്റ്റേഴ്സ് ഈസ് ബംഗാളിനോട് വിജയിച്ചതിനു ശേഷം എടികെ, ഒഡീഷ, മുംബൈ സിറ്റി എന്നി ടീമുകളോട് പരാജയപ്പെടുകയുണ്ടായി. 4 മത്സരങ്ങളിൽ നിന്ന് 10 ഗോളുകൾ വഴങ്ങിയ ബ്ലാസ്റ്റേഴ്സിന് ഡിഫൻസും അറ്റാക്കും എല്ലാം ഇപ്പോൾ പ്രശ്നമാണ്.

പരിക്ക് മാറിയ അപോസ്തൊലിസ് ഇന്ന് ടീമിൽ ഉണ്ടാകും. ആദ്യ ഇലവനിൽ കേരള ബ്ലാസ്റ്റേഴ്സ് വലിയ മാറ്റങ്ങൾ ഇന്ന് വരുത്തിയേക്കും. ഇന്ന് രാത്രി 7.30നാണ് മത്സരം. കളി തത്സമയം സ്റ്റാർ സ്പോർട്സിലും ഹോട്സ്റ്റാറിലും കാണാം.