Tag: Neymar

ബ്രസീലിയൻ താരം നെയ്മറിന് ഏറ്റ പരിക്ക് എ സി എൽ ഇഞ്ച്വറി തന്നെ. ഇതോടെ നെയ്മർ ഈ സീസണിൽ ഇനി കളിക്കില്ല എന്ന് ഉറപ്പായി. അടുത്ത ദിവസങ്ങളിൽ തന്നെ നെയ്മർ ശസ്ത്രക്രിയക്ക് വിധേയനാകും. ഈ പരിക്ക് മാനസികമായി ഏറെ വേദന നൽകുന്നു എന്ന് നെയ്മർ പറഞ്ഞു. തന്റെ ജീവിതത്തിലെ ഏറ്റവും മോശം സമയമാണെന്ന് നെയ്മർ പരിക്കിനെ കുറിച്ച് പറഞ്ഞു.

താൻ കരുത്തനാണെന്ന് എനിക്ക് അറിയാം,എങ്കിലും ഇപ്പോൾ തനിക്ക് കുടുംബത്തിന്റെയും സുഹൃത്തുക്കളുടെയും പിന്തുണ വേണം എന്ന് നെയ്മർ പറഞ്ഞു. താൻ എല്ലാം ദൈവത്തെ ഏൽപ്പിക്കുക ആണെന്നും താരം പറഞ്ഞു.

ലോകകപ്പ് യോഗ്യത മത്സരത്തിൽ ഉറുഗ്വേക്ക് എതിരെ കളിക്കുമ്പോൾ ആണ് നെയ്മറിന് പരിക്കേറ്റത്. ഈ സീസണിൽ നെയ്മർ ഇനി കളിക്കില്ല. ആറ് മുതൽ ഒമ്പത് മാസം വരെ താരം പുറത്തിരിക്കേണ്ടി വരും.

നെയ്മർ അവസാന സീസണുകളിൽ എല്ലാം പരിക്ക് കാരണം ഏറെ ബുദ്ധിമുട്ടിയിരുന്നു. 6 മാസത്തോളം പരിക്ക് കാരണം പുറത്തിരുന്ന നെയ്മർ ഒരു മാസം മുമ്പ് മാത്രമണ് കളത്തിലേക്ക് തിരികെയെത്തിയത്‌. അൽ ഹിലാലിനായി ഫുട്ബോൾ കളിച്ച് ഫിറ്റ്നസിലേക്കുൻ ഫോമിലേക്കും തിരികെയെത്തുന്നതിന് ഇടയിലാണ് ഈ പുതിയ പരിക്ക്.

ഏഷ്യൻ ചാമ്പ്യൻസ് ലീഗിൽ മുംബൈ സിറ്റിയെ നേരിടാൻ ആയി നെയ്മർ ഇന്ത്യയിൽ എത്തും എന്ന് പ്രതീക്ഷിച്ച് കാത്തിരിക്കുന്ന ഫുട്ബോൾ ആരാധകർക്കും ഈ വാർത്ത തിരിച്ചടിയാണ്‌.

ബ്രസീലിയൻ താരം നെയ്മറിന് വീണ്ടും പരിക്ക്. ഇന്ന് ലോകകപ്പ് യോഗ്യത മത്സരത്തിൽ ഉറുഗ്വേക്ക് എതിരെ കളിക്കുമ്പോൾ ആണ് നെയ്മറിന് പരിക്കേറ്റത്. മുട്ടിനേറ്റ പരിക്ക് സാരമുള്ളതാണ് എന്നാണ് പ്രാഥമിക വിലയിരുത്തൽ. എ സി എൽ ഇഞ്ച്വറി ആണെന്ന് ഫുട്ബോൾ നിരീക്ഷകർ റിപ്പോർട്ട് ചെയ്യുന്നു‌. അങ്ങനെ എങ്കിൽ ഈ സീസണിൽ നെയ്മർ ഇനി കളിക്കുന്ന കാര്യം സംശയമാണ്. നെയ്മർ ഇന്ന് കരഞ്ഞു കൊണ്ടാണ് കളം വിട്ടത്.

നെയ്മർ അവസാന സീസണുകളിൽ എല്ലാം പരിക്ക് കാരണം ഏറെ ബുദ്ധിമുട്ടിയിരുന്നു. 6 മാസത്തോളം പരിക്ക് കാരണം പുറത്തിരുന്ന നെയ്മർ ഒരു മാസം മുമ്പ് മാത്രമണ് കളത്തിലേക്ക് തിരികെയെത്തിയത്‌. അൽ ഹിലാലിനായി ഫുട്ബോൾ കളിച്ച് ഫിറ്റ്നസിലേക്കുൻ ഫോമിലേക്കും തിരികെയെത്തുന്നതിന് ഇടയിലാണ് ഈ പുതിയ പരിക്ക്.

ഏഷ്യൻ ചാമ്പ്യൻസ് ലീഗിൽ മുംബൈ സിറ്റിയെ നേരിടാൻ ആയി നെയ്മർ ഇന്ത്യയിൽ എത്തും എന്ന് പ്രതീക്ഷിച്ച് കാത്തിരിക്കുന്ന ഫുട്ബോൾ ആരാധകർക്കും ഈ വാർത്ത തിരിച്ചടിയാണ്‌.

ഏഷ്യൻ ചാമ്പ്യൻസ് ലീഗിൽ അൽ ഹിലാലിന് വിജയം. നെയ്മർ തന്റെ അൽ ഹിലാൽ കരിയറിലെ ആദ്യ ഗോൾ കണ്ടെത്തിയ മത്സരത്തിൽ, നസാജി മസാന്ദരൻ ക്ലബിനെ എതിരില്ലാത്ത 3 ഗോളുകൾക്ക് ആണ് സൗദി ക്ലബ് വിജയിച്ചത്. ഇന്ന് മത്സരത്തിന്റെ പതിനെട്ടാം മിനുട്ടിൽ മിട്രോവിചിലൂടെയാണ് അൽ ഹിലാൽ ലീഡ് എടുത്തത്. പിന്നാലെ രണ്ട് ടീമുകളുടെയും ഒരോ താരങ്ങൾ ചുവപ്പ് കാർഡ് കണ്ടത് കളിയുടെ വേഗത മാറ്റി.

രണ്ടാം പകുതിൽ 58ആം മിനുട്ടിൽ ആയിരുന്നു നെയ്മറിന്റെ ഗോൾ. അൽ ദാസരിയുടെ അസിസ്റ്റിൽ നിന്നായിരുന്നു ഗോൾ. 90ആം മിനുട്ടിൽ അ ഷെഹ്രി കൂടെ ഗോൾ നേടിയതോടെ അൽ നസറിന്റെ വിജയം പൂർത്തിയായി. ഗ്രൂപ്പിൽ രണ്ട് മത്സരങ്ങൾ കഴിഞ്ഞപ്പോൾ അൽ ഹിലാലിന് നാലു പോയിന്റാണ് ഉള്ളത്. അടുത്ത ഗ്രൂപ്പ് മത്സരത്തിൽ അൽ ഹിലാൽ മുംബൈ സിറ്റിയെ ആണ് നേരിടേണ്ടത്.

ബ്രസീൽ സൂപ്പർ താരം നെയ്മർ സൗദി അറേബ്യൻ ലീഗിൽ അരങ്ങേറ്റം കുറിച്ചു. ഇന്ന് അൽ ഹിലാലിനായി ഇറങ്ങിയ നെയ്മർ വിജയവുമായാണ് കളം വിട്ടത്. ഇന്ന് അൽ ഹിലാൽ അൽ റിയാദിനെതിരെ ഒന്നിനെതിരെ ആറു ഗോളിന്റെ വിജയം നേടി. ഈ വിജയത്തോടെ അൽ ഹിലാൽ ലീഗിൽ ഒന്നാം സ്ഥാനത്ത് തിരിച്ചെത്തി.

‌

ഇന്ന് നെയ്മർ ആദ്യ ഇലവനിൽ ഉണ്ടായിരുന്നില്ല. ആദ്യ പകുതിയിൽ 30ആം മിനുട്ടിൽ മിട്രോവിചിന്റെ ഒരു പെനാൾട്ടിയിൽ നിന്നാണ് അൽ ഹിലാൽ ലീഡ് എടുത്തത്. ആദ്യ പകുതി അവസാനിക്കും മുമ്പ് അൽ ഷഹ്റാണിയിലൂടെ ഹിലാൽ ലീഡ് ഇരട്ടിയാക്കി.

രണ്ടാം പകുതിയിൽ 64ആം മിനുട്ടിൽ നെയ്മർ സബ്ബായി അരങ്ങേറ്റം നടത്താൻ ആയി കളത്തിൽ എത്തി. 68ആം മിനുറിൽ നെയ്മറിന്റെ പാസിൽ നിന്ന് ഉണ്ടായ അവസരം അൽ ഹിലാലിന്റെ മൂന്നാം ഗോളായി മാറി. നസീർ അൽ ദാസരി ആയുരുന്നു ആ ഗോൾ നേടിയത്.

83ആം മിനുട്ടിൽ നെയ്മറിന്റെ അസിസ്റ്റിൽ നിന്ന് മാൽകോം ഗോൾ കണ്ടെത്തി. സ്കോർ 4-0. 86ആം മിനുട്ടിൽ നെയ്നർ ഒരു പെനാൾട്ടി നേടി‌‌. ആ പെനാൾട്ടി അൽ ദാസരി ലക്ഷ്യത്തിലേക്ക് എത്തിച്ച് അൽ ഹിലാലിന്റെ ലീഡ് ഉയർത്തി. ഇഞ്ച്വറി ടൈമിൽ നെയ്മറിന്റെ ഒരു ഷോട്ട് റിയാദ് കീപ്പർ തടഞ്ഞു എങ്കിലും റീബൗണ്ടിലൂടെ അൽ ദസാരി ആ പന്ത് വലയിലേക്ക് തന്നെ എത്തിച്ച് വിജയം പൂർത്തിയാക്കി.

6 മത്സരങ്ങൾ കഴിഞ്ഞപ്പോൾ അൽ ഹിലാലിന് 16 പോയിന്റ് ആണുള്ളത്. അവരാണ് ലീഗിൽ ഇപ്പോൾ ഒന്നാമത് ഉള്ളത്.

ലോകകപ്പ് യോഗ്യത റൗണ്ടിൽ ബ്രസീൽ ടീമിന് രണ്ടാം വിജയം. ഇന്ന് പെറുവിനെ നേരിട്ട ബ്രസീലിന് കാര്യങ്ങൾ എളുപ്പമായിരുന്നില്ല. അവസാന മിനുട്ട് വേണ്ടി വന്നു അവർക്ക് ഗോൾ കണ്ടെത്താൻ. മറുപടിയില്ലാത്ത ഒരു ഗോളിനായിരുന്നു ബ്രസീലിന്റെ വിജയം. മത്സരത്തിന്റെ അവസാന മിനുട്ടിൽ ഒരു കോർണറിൽ നിന്നായിരുന്നു ഗോൾ വന്നത്‌. നെയ്മറിന്റെ ക്രോസിൽ നിന്ന് ഒരു ഹെഡറിലൂടെയാണ് മാർക്കിനോസ് വിജയ ഗോൾ കണ്ടെത്തിയത്.

ഇന്ന് മധ്യനിരയിൽ പന്ത് സൂക്ഷിക്കുന്നതിലും നല്ല അവസരങ്ങൾ സൃഷ്ടിക്കുന്നതിനും ബ്രസീൽ ഏറെ പ്രയാസപ്പെട്ടിരുന്നു. ഇന്ന് വിജയിച്ചതോടെ ബ്രസീൽ രണ്ടു മത്സരങ്ങളിൽ നിന്ന് 6 പോയിന്റുമായി യോഗ്യത പോരാട്ടത്തിൽ യോഗ്യത റൗണ്ടിൽ ഒന്നാമത് നിൽക്കുകയാണ്. അർജന്റീനക്കും 6 പോയിന്റ് ഉണ്ട്‌.

ലോകകപ്പ് യോഗ്യത റൗണ്ടിലെ ആദ്യ മത്സരത്തിൽ ബ്രസീലിന് വലിയ വിജയം. ഇന്ന് നടന്ന കളിയിൽ ബൊളീവിയയെ നേരിട്ട ബ്രസീൽ ഒന്നിനെതിരെ 5 ഗോളുകൾക്ക് ആണ് വിജയിച്ചത്. നീണ്ടകാലമായി പരിക്ക് കാരണം പുറത്തായിരുന്ന നെയ്മർ ഇന്ന് ഇരട്ട ഗോളുകളുമായി തിരികെയെത്തി. യുവതാരം റോഡ്രിഗോയും ഇരട്ട ഗോളുകൾ നേടി.

ഇന്ന് 17ആം മിനുട്ടിൽ ഒരു പെനാൾട്ടിയിലൂടെ ബ്രസീലിന് ആദ്യ അവസരം വന്നു. എന്നാൽ പെനാൾട്ടി എടുത്ത നെയ്മറിന് പിഴച്ചു‌. എങ്കിലും 24ആം മിനുട്ടിൽ റോഡ്രിഗോ ബ്രസീലിന് ലീഡ് നൽകു. ആദ്യ പകുതി ബ്രസീൽ 1-0ന് അവസാനിപ്പിച്ചു. രണ്ടാം പകുതിയിൽ തുടക്കത്തിൽ തന്നെ നെയ്മറിന്റെ അസിസ്റ്റിൽ നിന്ന് റഫീഞ്ഞ ബ്രസീലിന്റെ രണ്ടാം ഗോൾ നേടി.

അധികം താമസിയാതെ റോഡ്രിഗോയിലൂടെ മൂന്നാം ഗോൾ വന്നു. 60ആം മിനുട്ടിൽ നെയ്മർ തന്റെ ആദ്യ ഗോളും, 90ആം മിനുട്ടിൽ രണ്ടാം ഗോളും നേടി. ഇതോടെ പെലെയുടെ ബ്രസീലിനായുള്ള ഗോൾ സ്ജോറിംഗ് റെക്കോർഡ് നെയ്മർ മറികടന്നു. ബൊളീവിയക്ക് ആയി വിക്ടർ അബ്രെഗോ ആണ് ആശ്വാസ ഗോൾ നേടിയത്.

ബ്രസീൽ ഇനി സെപ്റ്റംബർ 13ന് പുലർച്ചെ പെറുവിനെ നേരിടും.