Tag: Newcastle United

പ്രിമിയർ ലീഗിൽ ന്യൂകാസിലിന്റെ കുതിപ്പ് തുടരുന്നു. സ്വന്തം തട്ടകത്തിൽ നടന്ന മത്സരത്തിൽ എതിരില്ലാത്ത നാല് ഗോളിന് ആസ്റ്റൺ വില്ലയെ തകർത്തു. സ്റ്റീവൻ ജെറാർഡിനെ പുറത്താക്കിയ ശേഷം താൽക്കാലിക കോച്ചിന് കീഴിൽ ഇറങ്ങിയ ആസ്റ്റൻവില്ലക്ക് ന്യൂകാസിലിന്റെ ആക്രമണങ്ങൾക്ക് മുന്നിൽ പകച്ചു നിൽക്കാനെ കഴിഞ്ഞുള്ളൂ. ഇരട്ട ഗോളുകളുമായി കല്ലം വിൽസൺ കളം നിറഞ്ഞപ്പോൾ മറ്റ് ഗോളുകൾ ജോയേലിന്റണിന്റെയും ആൽമിറോണിന്റെയും വകയായിരുന്നു. ഇതോടെ ന്യൂകാസിൽ ലീഗിൽ നാലാം സ്ഥാനത്തേക്ക് കയറി.

ആസ്റ്റൻവില്ലക്ക് മത്സരത്തിൽ ഒരിക്കൽ പോലും എതിർ പോസ്റ്റിലേക്ക് ലക്ഷ്യം വെക്കാൻ ആയില്ല. ഗോൾരഹിതമായി പിരിയേണ്ടിയിരുന്ന ആദ്യ പകുതിയുടെ ഇഞ്ചുറി ടൈമിൽ വീണു കിട്ടിയ പെനാൽറ്റിയിലൂടെയാണ് ന്യൂകാസിൽ ആദ്യ ഗോൾ കണ്ടെത്തിയത്. വിൽസൺ ഉന്നം പിഴക്കാതെ ബോൾ വലയിൽ എത്തിച്ചു.

രണ്ടാം പകുതിയിൽ ന്യൂകാസിൽ ആക്രമണം തുടർന്നു. ഷോർട് കോർണർ എടുത്ത ട്രിപ്പിയർ ബോക്സിലേക്ക് ഉയർത്തി നൽകിയ ക്രോസ് വിൽസൺ തന്നെ ഒരിക്കൽ കൂടി വലയിൽ എത്തിച്ചു. ആസ്റ്റൻവില്ല നിലയുറപ്പിക്കുന്നതിന് മുൻപ് മിനിറ്റുകൾക്കുള്ളിൽ അടുത്ത ഗോൾ എത്തി. ഇത്തവണ ജോയലിന്റനാണ് ന്യൂകാസിൽ സ്‌കോർ ഷീറ്റിൽ ഇടം പിടിച്ചത്. അറുപതിയെട്ടാം മിനിറ്റിൽ ആൽമിറോൺ പട്ടിക പൂർത്തിയാക്കി.

സ്വന്തം തട്ടകത്തിൽ വെച്ചു നടന്ന മത്സരത്തിൽ ന്യൂകാസിലിനോട് കനത്ത തോൽവി ഏറ്റുവാങ്ങി ഫുൾഹാം. ഒന്നിനെതിരെ നാല് ഗോളുകൾക്കാണ് ന്യൂകാസിൽ വിജയം കണ്ടെത്തിയത്. ആൽമിറോൺ ഇരട്ട ഗോളുമായി തിളങ്ങിയപ്പോൾ വിൽസണും ലോങ്സ്റ്റാഫും മറ്റ് ഗോളുകൾ നേടി.

ആദ്യ പകുതിയിൽ തന്നെ മൂന്ന് ഗോളുകൾ നേടിക്കൊണ്ടു ന്യൂകാസിൽ മത്സരത്തിന്റെ വിധി നിർണയിച്ചു. എട്ടാം മിനിറ്റിൽ തന്നെ ചലോബ ചുവപ്പ് കാർഡുമായി കയറിയതോടെ തന്നെ ഫുൾഹാമിന്റെ പിടി അയഞ്ഞിരുന്നു. പതിനൊന്നാം മിനിറ്റിലാണ് ആദ്യ ഗോൾ എത്തിയത്. ട്രിപ്പിയറുടെ ക്രോസ് പോസ്റ്റിലേക്ക് ഹെഡ് ചെയ്ത് ഇടാനുള്ള വിലോക്കിന്റെ ശ്രമം പഴയെങ്കിലും അവസരം കാത്തിരുന്ന വിൽസണ് ഒഴിഞ്ഞ പോസ്റ്റിലേക്ക് ബോൾ എത്തിക്കേണ്ട ചുമതലയെ ഉണ്ടായിരുന്നുള്ളൂ.

മുപ്പത്തിമൂന്നാം മിറ്റിൽ ആൽമിറോണിന്റെ മനോഹര ഗോളിൽ ന്യൂകാസിൽ ലീഡ് ഉയർത്തി. ഗ്വിമറെസ് ബോക്സിലേക്ക് ഉയത്തി നൽകിയ പാസ് നിലം തൊടുന്നതിന് മുൻപ് കീപ്പർക്കും മുകളിലൂടെ ആൽമിറോൺ വലയിൽ എത്തിച്ചു. ഇടവേളക്ക് പിരിയുന്നതിന് മുൻപ് ലോങ്സ്റ്റാഫും വല കുലുക്കിയതോടെ മൂന്ന് ഗോളിന്റെ ലീഡുമായി ന്യൂകാസിലിന് ഇടവേളക്ക് പിരിഞ്ഞു. രണ്ടാം പകുതിയിൽ ന്യൂകാസിൽ നാലാം ഗോൾ കണ്ടെത്തി.

മർഫിയുടെ പാസിൽ നിന്നും ആൽമിറോൺ തന്നെയാണ് സ്‌കോർ ചെയ്തത്. എൺപതിയെട്ടാം മിനിറ്റിൽ ഫുൾഹാമിന്റെ ആശ്വാസ ഗോൾ മുന്നേറ്റ താരം ബോബി റീഡ് നേടി. വിജയത്തോടെ ന്യൂകാസിലിന് പോയിന്റ് പട്ടികയിൽ എട്ടാം സ്ഥാനത്തുള്ള ഫുൾഹാമിന് തൊട്ടു മുകളിൽ എത്താനായി.

പ്രീമിയർ ലീഗിൽ വലിയ സ്വപ്നങ്ങൾ കാണുന്ന ന്യൂകാസിലിന് സ്വന്തം ഹോം ഗ്രൗണ്ടിൽ സമനിലയുടെ നിരാശ. ന്യൂകാസിലിന്റെ പരിശീലകനായ എഡി ഹോയുടെ മുൻ ക്ലബായ ബൗണ്മത് ആണ് ന്യൂകാസിലിനെ 1-1ന്റെ സമനിലയിൽ പിടിച്ചത്. അവസാന ഏഴ് ലീഗ് മത്സരങ്ങൾക്ക് ഇടയിലെ ന്യൂകാസിലിന്റെ അഞ്ചാം സമനില ആണ് ഇത്.

രണ്ടാം പകുതിയിൽ 61ആം മിനുട്ടിൽ ഫിലിപ്പ് ബില്ലിങിന്റെ ഗോൾ ആണ് ബൗണ്മതിന് ലീഡ് നൽകിയത്‌. ഇതിന് ഒരു പെനാൾട്ടിയിലൂടെ സമനില വന്നു. 67ആം മിനുട്ടിൽ ആയിരുന്നു ഒരു ഹാൻഡ് ബോളിന് സമനില വിളിച്ചത്. പന്ത് ഇസാക് പെനാൾട്ടി സ്പോടിൽ നിന്നും ലക്ഷ്യത്തിൽ എത്തിച്ചു. പക്ഷെ ഇതിനപ്പുറം വിജയം ഗോളിലേക്ക് എത്താൻ ന്യൂകാസിലിന് ആയില്ല. ഏഴ് മത്സരങ്ങളിൽ നിന്ന് എട്ട് പോയിന്റുമായി ന്യൂകാസിൽ പത്താം സ്ഥാനത്താണ്. ബൗണ്മത് 8 പോയിന്റുമായി പന്ത്രണ്ടാം സ്ഥാനത്തും.

സ്വന്തം ഗ്രൗണ്ടിൽ വെച്ചു ക്രിസ്റ്റൽ പാലസിനെ നേരിട്ട ന്യൂകാസിലിന് സമനില. ഗോളുകൾ പിറക്കാതെ പോയ മത്സരത്തിൽ ഇരു ടീമുകളും പോയിന്റ് പങ്കു വെച്ചു. ആറു മത്സരങ്ങളിൽ നിന്നും ഏഴു വീതം പോയിന്റ് ആണ് ഇരു ടീമുകൾക്കും ഉള്ളത്.

ഇസാക് തന്നെ ന്യൂകാസിലിന്റെ മുന്നേറ്റത്തെ നയിച്ചു. ആദ്യ പകുതിയിൽ ഇരു ടീമുകളും പലതവണ എതിർ ബോക്സിലേക്ക് ബോൾ എത്തിച്ചു. ക്രിസ്റ്റൽ പാലസ് പ്രതിരോധ നിരക്ക് മുകളിൽ സമ്മർദ്ദം ചെലുത്തി നേടിയെടുത്ത ബോൾ ഇസാക് കീപ്പറുടെ കൈകളിലേക്ക് തന്നെ നൽകി. മട്ടെറ്റ ഉതിർത്ത ഷോട്ട് ന്യൂകാസിൽ കീപ്പർ നിക് പോപ്പ് തടുത്തു. ജോയേലിന്റണ് കിട്ടിയ അവസരം ഗോൾ ലൈൻ സേവുമായി ഡൗക്കോറേ പാലസിന്റെ രക്ഷക്കെത്തി. നിരവധി അവസരങ്ങൾ പിറന്നെങ്കിലും ആദ്യ പകുതി ഗോൾ രഹിതമായി അവസാനിച്ചു.

രണ്ടാം പകുതിയുടെ തുടക്കത്തിൽ ന്യൂകാസിൽ മുന്നേറ്റം ഓൺ ഗോലായി പാലസിന്റെ വലയിൽ എത്തിയെങ്കിലും വാർ ഫൗൾ വിളിച്ചതിനാൽ ഗോൾ അനുവദിച്ചില്ല. പാലസ് മുന്നേറ്റ താരം എഡ്വേർഡിന്റെ മികച്ചൊരു ഷോട്ട് നിക് പോപ്പ് തടഞ്ഞു. മുഴുവൻ സമയത്തിന് മുൻപ് ട്രിപ്പിയറിന്റെ കോർണറിൽ നിന്നും ന്യൂകാസിലിന് വീണ്ടും അവസരം ലഭിച്ചെങ്കിലും ഗോൾ ആക്കാൻ സാധിച്ചില്ല.