ഇന്ത്യന് താരങ്ങളുടെ ഒപ്പത്തിനൊപ്പമുള്ള പോരാട്ടം കണ്ട മത്സരത്തിൽ നയന ജെയിംസിന് സ്വര്ണ്ണം. ആന്സി സോജന്റെയും ഷൈലി സിംഗിന്റെയും വെല്ലുവിളികളെ അതിജീവിച്ചാണ് നയനയുടെ സ്വര്ണ്ണം. 6.37 മീറ്റര് ചാടി ആന്സി ഫെഡറേഷന് കപ്പിന് ശേഷം തന്റെ തുടര്ച്ചയായ രണ്ടാം സ്വര്ണ്ണം കരസ്ഥമാക്കുകയായിരുന്നു.
6.35 മീറ്റര് ചാടി ആന്സി സോജന് ആണ് രണ്ടാം സ്ഥാനത്ത്. ഇന്ത്യയുടെ യുവ പ്രതീക്ഷയായ ഷൈലി സിംഗ് 6.27 മീറ്ററുമായി വെങ്കല മെഡലിന് അര്ഹയായി. ഒഡീഷയിലെ ഭുവനേശ്വറിലാണ് മത്സരങ്ങള് നടക്കുന്നത്.
ഏഷ്യന് ഗെയിംസില് ഇന്ത്യയുടെ മെഡല് നേട്ടം 40ലേക്ക് ഉയര്ന്നു. ഇന്ന് നടന്ന വനിത ലോംഗ് ജംപില് വെള്ളി മെഡലുമായി മലയാളിതാരം നീന വരകില് ആണ് ഇന്ത്യയുടെ ഏറ്റവും പുതിയ മെഡലവകാശിയായി മാറിയത്. 6.51 മീറ്റര് ചാടിയാണ് നീന തന്റെ വെള്ളി മെഡല് ഉറപ്പാക്കിയത്. കോഴിക്കോട് സ്വദേശിയാണ് നീന വരകില്.
മറ്റൊരു ഇന്ത്യന് താരം നയന ജെയിംസിനു 6.14 മീറ്റര് മാത്രമേ താണ്ടുവാനായുള്ളു. 10 സ്ഥാനത്താണ് മത്സരം നയന അവസാനിപ്പിച്ചത്. വിയറ്റ്നാമിന്റെ താവോ തു തി ബുയി സ്വര്ണ്ണവും ചൈനയുടെ ക്സു ക്സിയാലോയിംഗ് വെങ്കലവും നേടി.
