Tag: Mustafizur Rahman

ഐപിഎൽ കളിക്കുവാൻ ബംഗ്ലാദേശ് താരങ്ങളായ ഷാക്കിബ് അൽ ഹസനും മുസ്തഫിസുർ റഹ്മാനും അനുമതി നൽകാനാകില്ല എന്ന് പറഞ്ഞ് ബംഗ്ലാദേശ് ബോർഡ് പ്രസിഡന്റ് നസ്മുൾ ഹസൻ. ഐസിസി ടി20 ലോകകപ്പിനുള്ള തയ്യാറെടുപ്പുകളിലായിരിക്കും ഇരു താരങ്ങളെന്നും അതിനാൽ തന്നെ ഇരു താരങ്ങൾക്കും എൻഒസി നൽകാൻ ബോർഡിന് താല്പര്യമില്ലെന്നും നസ്മുൾ പറഞ്ഞു.

ടി20 ലോകകപ്പ് വരുന്നതിനാൽ തന്നെ ഇനിയങ്ങോട്ടുള്ള ഓരോ മത്സരവും ദേശീയ ടീമിന് വിലയേറിയതാണെന്നും അതിനാൽ തന്നെ ടീമിലെ രണ്ട് പ്രധാന താരങ്ങളെ ഇത്തരത്തിൽ മാറ്റി നിർത്താനാകില്ലെന്നും നസ്മുൾ വ്യക്തമാക്കി. ഷാക്കിബ് കൊൽക്കത്ത നൈറ്റ് റൈഡേഴ്സിനും മുസ്തഫിസുർ രാജസ്ഥാൻ റോയൽസിനും വേണ്ടിയാണ് കളിച്ചത്.

ഷാക്കിന് ആദ്യ ചില മത്സരങ്ങൾക്ക് ശേഷം ടീമിലെ സ്ഥാനം നഷ്ടമായെങ്കിലും രാജസ്ഥാൻ റോയൽസ് നിരയിലെ സ്ഥിരം സാന്നിദ്ധ്യമായിരുന്നു മുസ്തഫിസുർ റഹ്മാൻ.

ഐപിഎലില്‍ നിന്ന് മടങ്ങിയ ബംഗ്ലാദേശ് താരങ്ങളായ ഷാക്കിബ് അല്‍ ഹസനും മുസ്തഫിസുര്‍ റഹ്മാനും സുരക്ഷിതരമായി ബംഗ്ലാദേശിലെത്തി. ബംഗ്ലാദേശിലെത്തിയ ഇരുവരും ഇനി 14 ദിവസത്തെ ക്വാറന്റീനിന് വിധേയരാകണമെന്നാണ് രാജ്യത്തെ നിയമം. ഇന്ത്യയില്‍ നിന്നും ദക്ഷിണാഫ്രിക്കയില്‍ നിന്നും എത്തുന്നവര്‍ക്കായി ബംഗ്ലാദേശിന്റെ ആരോഗ്യ മന്ത്രാലയം നടപ്പിലാക്കിയിട്ടുള്ള പ്രത്യേക നിയമം ആണിത്.

മുസ്തഫിസുര്‍ റഹ്മാന്‍ ആണ് ട്വിറ്ററിലൂടെ തങ്ങള്‍ നാട്ടിലെത്തിയ വിവരം അറിയിച്ചത്. താരം രാജസ്ഥാന്‍ റോയല്‍സിന് വേണ്ടിയും ഷാക്കിബ് കൊല്‍ക്കത്ത നൈറ്റ് റൈഡേഴ്സിന് വേണ്ടിയുമാണ് ഐപിഎലില്‍ കളിച്ചത്. ഐപിഎലില്‍ ആദ്യം കൊറോണ റിപ്പോര്‍ട്ട് ചെയ്തത് കൊല്‍ക്കത്തയുടെ ക്യാമ്പിലായിരുന്നു.

See more

Alhamdulillah, we have safely back in Bangladesh without any trouble. I would like to thank @rajasthanroyals and @KKRiders franchises for making it happen. I would also like to thank our health ministry for it's contribution. pic.twitter.com/IippSdB8Qa

— Mustafizur Rahman (@Mustafiz90) May 6, 2021

തങ്ങളുടെ നാട്ടിലേക്കുള്ള യാത്ര സുഗമമാക്കിയ രാജസ്ഥാന്‍ റോയല്‍സ്, കൊല്‍ക്കത്ത നൈറ്റ് റൈഡേഴ്സ് ഫ്രാഞ്ചൈസികള്‍ക്ക് താരം നന്ദിയും അറിയിച്ചു.

ബംഗ്ലാദേശ് താരങ്ങളായ ഷാക്കിബ് അല്‍ ഹസനും മുസ്തഫിസുര്‍ റഹ്മാനും ഐപിഎലില്‍ നിന്ന് നേരത്തെ മടങ്ങുവാന്‍ സാധ്യത. ബംഗ്ലാദേശില്‍ ആരോഗ്യ മന്ത്രി പ്രഖ്യാപിച്ച പുതിയ ക്വാറന്റീന്‍ നിയമം ആണ് ഇതിന് കാരണമെന്നാണ് ബംഗ്ലാദേശ് ക്രിക്കറ്റ് ബോര്‍ഡ് ചീഫ് നിസ്സാമുദ്ദീന്‍ ചൗധരി പറഞ്ഞത്.

മേയ് 1 മുതല്‍ ബംഗ്ലാദേശിലെ പുതിയ നിയമപ്രകാരം ഇന്ത്യയില്‍ നിന്നും ദക്ഷിണാഫ്രിക്കയില്‍ നിന്നും വരുന്ന ആളുകള്‍ക്ക് 14 ദിവസത്തെ ക്വാറന്റീന്‍ വേണമെന്നാണ് പ്രഖ്യാപിച്ചിരിക്കുന്നത്.

ബംഗ്ലാദേശ് ക്രിക്കറ്റ് ബോര്‍ഡിന് പ്രത്യേക അനുമതി വാങ്ങിയാല്‍ മാത്രമേ ഇതിന് അനുമതി ലഭിയ്ക്കുകയുള്ളു. എന്നാല്‍ രാജ്യത്ത് കോവിഡിന്റെ രണ്ടാം തരംഗം വന്നതിനാല്‍ അത് സാധ്യമാകില്ലെന്നാണ് അറിയുന്നത്.

ശ്രീലങ്കയില്‍ നിന്ന് മടങ്ങിയെത്തുന്ന ബംഗ്ലാദേശ് ടീമിന് ഈ നിയമം ബാധകമല്ലെങ്കിലും ഐപിഎല്‍ കളിക്കുന്ന ഈ രണ്ട് താരങ്ങള്‍ക്കും ടീമിനൊപ്പം ചേരുന്നതിന് വൈകുന്നതിനാല്‍ തന്നെ അവരോട് 15 ദിവസം നേരത്തെ എത്തുവാന്‍ ആവശ്യപ്പെട്ടിട്ടുണ്ടെന്നാണ് അറിയുന്നത്.