Tag: MS Dhoni

ഞായറാഴ്ച ഡൽഹിക്കെതിരെ എംഎസ് ധോണി നടത്തിയ ഗംഭീര പ്രകടനത്തിനു പിനന്നാലെ ധോണി ബാറ്റിങ് ഓർഡറിൽ മുന്നോട്ട് വരണം എന്ന ആവശ്യവുമായി ഓസ്ട്രേലിയൻ താരം സ്റ്റീവ് സ്മിത്ത്. ധോണി 4 ഫോറും 3 സിക്‌സും സഹിതം 16 പന്തിൽ 37 റൺസെടുത്ത് പുറത്താകാതെ നിന്നിരുന്നു. ധോണി എത്താൻ വൈകിയത് കൊണ്ട് തന്നെ 20 റൺസിന്റെ പരാജയം സിഎസ്‌കെ ഏറ്റുവാങ്ങുകയും ചെയ്തു.

“നമുക്ക് അവനെ ബാറ്റിങ് ഓർഡറിൽ മുന്നോട്ട് കൊണ്ടുവരണം. ഇന്ന് രാത്രി അദ്ദേഹത്തിന്റെ എല്ലാ ഷോട്ടും ബാറ്റിൻ്റെ മിഡിൽ തന്നെ കൊണ്ടു എന്ന് ഞാൻ കരുതുന്നു. അദ്ദേഹത്തിന്റെ പ്രകടനത്തിന് സാക്ഷിയായത് അവിശ്വസനീയമായിരുന്നു.” സ്മിത്ത് പറഞ്ഞു.

“മറുവശത്ത് ഉടനീളം ജഡേജ ഷോട്ട് കണ്ടെത്താൻ പാടുപെടുകയായിരുന്നു‌. ഡെൽഹി നന്നായി ബൗൾ ചെയ്തു, പക്ഷേ ധോണി സ്ട്രൈക്കിൽ എത്തിയതോടെ കാര്യങ്ങൾ മാറി. ധോണിയുടെ ഷോട്ടുകൾ കാണാൻ വളരെ മികച്ചതായിരുന്നു, ആരാധകർക്ക് അദ്ദേഹം നേരത്തെ ഇറങ്ങാൻ ആഗ്രഹിക്കുന്നുണ്ടാകും അദ്ദേഹം ഇങ്ങനെ ബാറ്റു ചെയ്യുന്നത് തുടരണം”സ്മിത്ത് പറഞ്ഞു.

ഇന്ന് ഇന്ത്യൻ പ്രീമിയർ ലീഗ് സീസണിൽ ആദ്യമായി എംഎസ് ധോണി ബാറ്റ് ചെയ്യാൻ എത്തി. ധോണി എത്താൻ വൈകിയെങ്കിലും പിന്നീട് കണ്ടത് വെടിക്കെട്ട് ആയിരുന്നു. ചെന്നൈ സൂപ്പർ കിങ്സിന് വിജയം കൈയ്യെത്തും ദൂരത്തിൽ നിന്നും അകന്ന സമയത്ത് ആയിരുന്നു ധോണി ക്രീസിൽ എത്തിയത്. പക്ഷേ ധോണി തന്നെ കൊണ്ടാവുന്നത് ശ്രമിച്ചു. കാണികൾക്ക് അത് ഒരു വിരുന്നുമായി.

വൈഡ് യോർക്കറുകൾ ബൗണ്ടറി അടിക്കാൻ ചെന്നൈ സൂപ്പർ കിംഗ്സിന്റെ യുവ ബാറ്റർമാർ കഷ്ടപ്പെടുന്ന സമയത്ത് എത്തിയ ധോണി. അനായാസം ബോണ്ടറികൾ കണ്ടെത്തി. 16 പന്തുകൾ ബാറ്റു ചെയ്ത ധോണി 37 റൺസുമായാണ് കളി അവസാനിപ്പിച്ചത്. വിജയിക്കാൻ ചെന്നൈക്ക് ആയില്ല എങ്കിലും ധോണിയുടെ ആരാധകർക്ക് ഈ ഇന്നിംഗ്സ് വലിയ സന്തോഷം നൽകും‌‌.

ധോണിയുടെ പല വിന്റേജ് ഷോട്ടുകളും ഇന്ന് കാണാനായി. ഇന്ന് ആറ് വിക്കറ്റുകൾ പോയതിനു ശേഷം ആയിരുന്നു ധോണി കളത്തിൽ എത്തിയത്. വരും മത്സരങ്ങൾ എങ്കിലും ധോണി പെട്ടെന്ന് കളത്തിൽ എത്തണം എന്നായിരിക്കും ആരാധകർ ആഗ്രഹിക്കുന്നത്. ഇതിനു മുമ്പുള്ള രണ്ട് മത്സരങ്ങളിലും ധോണിക്ക് ബാറ്റ് കിട്ടിയിരുന്നില്ല. നാല് ഫോറും മൂന്ന് പടുകൂറ്റൻ സിക്സുകളും ഇന്ന് ധോണി അടിച്ചു.

മഹേന്ദ്ര സിങ് ധോണിക്ക് കിരീടവുമായി വിരമിക്കാൻ ആകും എന്ന് സ്കോട്ട് സ്റ്റൈറിസ്. മെയ് 26ന് ചെന്നൈയിലെ ചെപ്പോക്കിൽ വെച്ച് ആണ് ഇത്തവണ ഫൈനൽ നടക്കുന്നത്. ഈ ഫൈനലിൽ ചെന്നൈ സൂപ്പർ കിംഗ്‌സ് കളിക്കും എന്നും കിരീടം നേടും എന്നും മുൻ ന്യൂസിലൻഡ് ഓൾറൗണ്ടർ സ്‌കോട്ട് സ്‌റ്റൈറിസ് വിശ്വസിക്കുന്നു.

ഇന്ത്യൻ ക്രിക്കറ്റ് ആരാധകരുടെ എല്ലാ കണ്ണുകളും ഈ സീസണിലെ ഏറെ പ്രതീക്ഷയോടെ കാത്തിരിക്കുന്ന അവസാന മത്സരത്തിലായിരിക്കും.. ഈ വർഷം സിഎസ്‌കെയ്‌ക്കൊപ്പം ആറാമത്തെ ഐപിഎൽ ട്രോഫി നേടുന്നതിലൂടെ, തൻ്റെ കരിയറിന് വിജയകരമായ അന്ത്യം കുറിക്കാൻ എംഎസ് ധോണിക്ക് ആകും സ്റ്റൈറിസ് പറഞ്ഞു.

“ആദ്യ മത്സരത്തിൽ ചെന്നൈ ആരംഭിച്ച രീതി വളരെ മികച്ചതാണ്‌. വന്ന പുതിയ കളിക്കാർ എല്ലാം നല്ല സംഭാവനകൾ നൽകി. സിഎസ്‌കെയുടെ കരുത്ത് ഒരിക്കലും ഒന്നോ രണ്ടോ ആൾക്കാർ അല്ല‌,” സ്റ്റൈറിസ് കൂട്ടിച്ചേർത്തു.

ക്യാപ്റ്റൻസി ഒഴിയാനും റുതുരാജിനെ ക്യാപ്റ്റൻ ആക്കാനുമുള്ള തീരുമാനം ധോണിയുടേത് ആയിരുന്നു എന്ന് സി എസ് കെ പരിശീലകൻ സ്റ്റീഫൻ ഫ്ലെമിംഗ്. ധോണി അദ്ദേഹത്തിന്റെ ശൈലിയിൽ ആണ് ഈ കാര്യം പറഞ്ഞത്. പലരും വികാരഭരിതരായിരുന്നു. എന്നാൽ റുതുരാജിന്റെ ക്യാപ്റ്റൻസി എല്ലാവരെയും സന്തോഷവാന്മാരാക്കുന്നു. ഫ്ലെമിംഗ് പറഞ്ഞു.

“ഭാവിയിലേക്ക് ഏറെ ആലോചിച്ചുള്ള എംഎസ് ധോണിയുടെ തീരുമാനം ആണ് ഇത്. തീരുമാനം എടുത്ത സമയം നന്നായിരുന്നു. റുതുരാജിന് ഇത് ഒരു ഗ്രൂമിംഗ് പ്രക്രിയയായിരിക്കും.” ഫ്ലെമിംഗ് പറഞ്ഞു.

“എംഎസ് ഈ സീസണിൽ നന്നായി കളിക്കുമെന്നു ഞാൻ പ്രതീക്ഷിക്കുന്നു. കാൽമുട്ടിന് കഴിഞ്ഞ വർഷം ഉണ്ടായിരുന്ന പരിക്ക് മാറി. ഇപ്പോൾ അദ്ദേഹത്തിന്റെ ഫിറ്റ്നസ് മികച്ചതാണ്‌. ടീമിനായി വലിയ സംഭാവനകൾ ചെയ്യാനുള്ള ആഗ്രഹം എപ്പോഴും അദ്ദേഹത്തിനുണ്ട്.” ഫ്ലമിംഗ് പറഞ്ഞു.

എംഎസ് ധോണി ചെന്നൈ സൂപ്പർ കിംഗ്സിന്റെ ക്യാപ്റ്റൻ ആയി ഈ സീസണിൽ ഉണ്ടാകില്ല. പകരം ഓപ്പണർ റുതുരാജ് ഗെയ്‌ക്‌വാദ് ചെന്നൈ സൂപ്പർ കിംഗ്‌സിൻ്റെ പുതിയ ക്യാപ്റ്റനായി നിയമിക്കപ്പെട്ടു. ഇന്ന് ഐപിഎല്ലിൻ്റെ ഔദ്യോഗിക സോഷ്യൽ മീഡിയ ഹാൻഡിൽ ഇക്കാര്യം സ്ഥിരീകരിച്ചു.

ഇന്ന് ഐ പി എല്ലിന് മുന്നോടിയായി നടന്ന ക്യാപ്റ്റന്മാരുടെ ചടങ്ങി റുതുരാജ് ആണ് എത്തിയത്. ഇതിന്റെ ചിത്രങ്ങൾ പങ്കുവെച്ചു കൊണ്ടാണ് റുതുരാജ് ഗെയ്ക്‌വാദ് സി എസ് കെയുടെ പുതിയ ക്യാപ്റ്റൻ ആണെന്ന് ഐ പി എൽ പ്രഖ്യാപിച്ചത്. ചെന്നൈ സൂപ്പർ കിംഗ്സ് ഇതുസംബന്ധിച്ച ഔദ്യോഗിക പ്രഖ്യാപനം നടത്തി.

കഴിഞ്ഞ വർഷം അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന ഫൈനലിൽ ഗുജറാത്ത് ടൈറ്റൻസിനെ പരാജയപ്പെടുത്തിയതിന് ശേഷമുള്ള വിജയം ഉൾപ്പെടെ, 42 കാരനായ ധോണി സിഎസ്‌കെയുടെ ക്യാപ്റ്റനെന്ന നിലയിൽ അഞ്ച് ഐപിഎൽ കിരീടങ്ങൾ നേടിയിട്ടുണ്ട്.

ധോണി മുമ്പ് ജഡേജയ്ക്ക് വേണ്ടി ക്യാപ്റ്റൻസി ഒഴിഞ്ഞിരുന്നു‌. അന്ന് സി എസ് കെ പ്രതിസന്ധിയിൽ ആവുകയും ധോണി തിരികെ ക്യാപ്റ്റൻസി ഏറ്റെടുക്കേണ്ടതായും വന്നിരുന്നു. ഇത്തവണ റുതുരാജ് ധോണിയുടെ പിൻഗാമി ആയി വിജയം കണ്ടെത്തും എന്നാകും സി എസ് കെയുടെ പ്രതീക്ഷ.

ചെന്നൈ സൂപ്പർ കിംഗ്‌സ് ക്യാപ്റ്റൻ എംഎസ് ധോണി ഇനിയും വർഷങ്ങളോ കളിക്കണമെന്നാണ് തൻ്റെ ആഗ്രഹമെന്ന് മുൻ ഇന്ത്യൻ താരം സുരേഷ് റെയ്‌ന. മാർച്ച് 22 വെള്ളിയാഴ്ച ചെന്നൈയിലെ ചെപ്പോക്ക് സ്റ്റേഡിയത്തിൽ നടക്കുന്ന ഐപിഎൽ 2024 ഉദ്ഘാടന മത്സരത്തിൽ റോയൽ ചലഞ്ചേഴ്‌സ് ബെംഗളൂരുവിനെ നേരിടാൻ ധോണിയും സിഎസ്‌കെയും ഒരുങ്ങുകയാണ്.

“എംഎസ് ധോണിയേക്കാൾ സിഎസ്‌കെയെ സംബന്ധിച്ചിടത്തോളം ഈ വർഷം വളരെ പ്രധാനമാണ്, കാരണം അദ്ദേഹം ആരെയാണ് ഡെപ്യൂട്ടി ആയി തിരഞ്ഞെടുക്കാൻ പോകുന്നതെന്ന് ഞങ്ങൾ കാണും, ‘നിങ്ങൾ ഇത് ഇപ്പോൾ കൈകാര്യം ചെയ്യൂ’ എന്ന് പറഞ്ഞ് ധോണി ആരെയെങ്കിലും ഉത്തരവാദിത്തം ഏൽപ്പിക്കും.” റെയ്ന പറഞ്ഞു.

“അദ്ദേഹത്തിന് ഇപ്പോൾ 42 വയസ്സായി. അവൻ അഞ്ച് വർഷം കൂടി അല്ലെങ്കിൽ കുറഞ്ഞത് 2-3 വർഷമെങ്കിലും കളിക്കുന്നത് കാണാൻ ഞാൻ ആഗ്രഹിക്കുന്നു, ”റെയ്ന പറഞ്ഞു.

അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന ഫൈനലിൽ ഗുജറാത്ത് ടൈറ്റൻസിനെ തോൽപ്പിച്ച് കഴിഞ്ഞ വർഷം സിഎസ്‌കെയുടെ അഞ്ചാം ഐപിഎൽ ട്രോഫി ധോണി നേടിക്കൊടുത്തിരുന്നു.