Tag: MS Dhoni

ധോണിയ്ക്കൊപ്പം ഏറെ കാലത്തിനു ശേഷം വീണ്ടും ഒരുമിച്ച് ബാറ്റ് ചെയ്യാനായതില്‍ ഏറെ സന്തോഷമുണ്ടെന്ന് ദിനേശ് കാര്‍ത്തിക്. ഒരു മാച്ച് ഫിനിഷ് ചെയ്ത് വിജയിച്ച ടീമിനൊപ്പം നില്‍ക്കുക എന്നത് ക്രിക്കറ്റിലെ ഏറ്റവും വലിയ പരീക്ഷണമാണ്. അതിലെ അതികായന്‍ തന്നെയാണ് ധോണിയെന്ന് കാര്‍ത്തിക് പറഞ്ഞു. ഇതുപോലെ മാച്ച് ഫിനിഷ് ചെയ്യുന്നത് ശീലമാക്കിയ ഒരു വ്യക്തിയാണ് എംഎസ്, അദ്ദേഹത്തിനൊപ്പം ടീമിന്റെ വിജയത്തില്‍ ഭാഗമാകുവാന്‍ കഴിഞ്ഞത് ഏറെ അഭിമാനം ഉയര്‍ത്തിയ മുഹൂര്‍ത്തമാണെന്ന് ദിനേശ് കാര്‍ത്തിക് പറഞ്ഞു.

അവസാന ഓവറിലേക്ക് കടക്കുമ്പോള്‍ തന്നെ തങ്ങള്‍ വിജയിക്കുമെന്ന് ഉറപ്പാക്കിയിരുന്നു. ഒരോവറില്‍ ഏഴ് റണ്‍സ് എന്നാല്‍ ബൗളര്‍ സമ്മര്‍ദ്ദത്തില്‍ തന്നെയാണ്. ആറ് മികച്ച പന്തുകള്‍ മാത്രമെറിഞ്ഞാലേ വിജയത്തില്‍ നിന്ന് ബൗളര്‍ക്ക് ഞങ്ങളെ തടയാനാകുകയുള്ളു. ഒരു തെറ്റ് വരുത്തിയാല്‍ ശിക്ഷിക്കുവാന്‍ ബാറ്റ്സ്മാന്മാര്‍ ഒരുങ്ങി നില്‍ക്കുകയാണെന്നത് ബൗളറെ കൂടുതല്‍ സമ്മര്‍ദ്ദത്തിലാക്കും. ഓവറിലെ ആദ്യ പന്തുകളില്‍ തന്നെ സിക്സടിച്ച് ധോണി വിജയം ഉറപ്പാക്കിയപ്പോള്‍ വിജയത്തിനു ഇരട്ടി മധുരമായെന്ന് കാര്‍ത്തിക് പറഞ്ഞു.

സിഡ്നിയില്‍ ഓസ്ട്രേലിയന്‍ പേസ് ബൗളര്‍മാര്‍ തകര്‍ത്തെറിഞ്ഞ ഇന്ത്യന്‍ ബാറ്റിംഗ് ഓര്‍ഡറിനെ ഉപ നായകന്‍ രോഹിത് ശര്‍മ്മയോടൊപ്പം രക്ഷാപ്രവര്‍ത്തനം നടത്തുന്നതിനിടയില്‍ തന്റെ റെക്കോര്‍ഡ് നേട്ടങ്ങളില്‍ ഒരെണ്ണം കൂടി സ്വന്തമാക്കി എംഎസ് ധോണി. ഇന്ത്യയ്ക്കായി ഏകദിനങ്ങളില്‍ പതിനായിരം റണ്‍സ് എന്ന നേട്ടമാണ് ഇന്നത്തെ പ്രകടനത്തിലൂടെ ധോണി സ്വന്തമാക്കിയത്.

4/3 എന്ന നിലയിലേക്ക് വീണ ഇന്ത്യയെ അവിടുന്ന് നാലാം വിക്കറ്റില്‍ നൂറ് റണ്‍സിനു മേലെയുള്ള കൂട്ടുകെട്ടോടെയാണ് ധോണി-രോഹിത് കൂട്ടുകെട്ട് പ്രതീക്ഷ നിലനിര്‍ത്തുവാന്‍ സഹായിച്ചത്.

ഐപിഎലില്‍ നിന്ന് ഇന്ത്യയുടെ ലോകകപ്പ് ബൗളര്‍മാര്‍ വിട്ട് നില്‍ക്കണമെന്ന് അഭിപ്രായപ്പെട്ട് മുന്‍ ഇന്ത്യന്‍ കോച്ച് അനില്‍ കുംബ്ലെ. ലോകകപ്പിന്റെ സമയത്ത് താരങ്ങളെ ഫ്രഷ് ആയി നിലനിര്‍ത്തുവാന്‍ ഐപിഎലില്‍ നിന്ന് വിട്ട് നില്‍ക്കുന്നതാണ് നല്ലതെന്നാണ് മുന്‍ നായകനും കോച്ചുമായിരുന്ന കുംബ്ലെ പറഞ്ഞത്. എല്ലാ മത്സരങ്ങളിലും കളിപ്പിക്കാതെ ചില മത്സരങ്ങളില്‍ മാത്രം കളിപ്പിക്കുന്നതാണ് ഏറ്റവും മികച്ച ഉപാധിയെന്നാണ് കുംബ്ലെ പറഞ്ഞത്.

എന്നാല്‍ ഇത് ഫ്രാഞ്ചൈസികള്‍ക്ക് താല്പര്യമുണ്ടാകില്ലെന്നും എന്നാല്‍ ഇന്ത്യയെ കരുതി ഇത് ചെയ്യേണ്ടതാണെന്നുമാണ് കുംബ്ലെ പറഞ്ഞത്. എന്നാല്‍ അതേ ചര്‍ച്ചയില്‍ പങ്കെടുത്ത ധോണി പറഞ്ഞത് ബൗളര്‍മാര്‍ക്ക് ഏറ്റവും അനുയോജ്യമായ സ്റ്റേജാണ് ഐപിഎല്‍ എന്നാണ്.

ബൗളര്‍മാര്‍ക്ക് തങ്ങളുടെ സര്‍വ്വ കഴിവും പുറത്തെടുക്കുവാനുള്ള ഏറ്റവും മികച്ച പ്ലാറ്റ്ഫോമാണ് ഐപിഎല്‍ എന്ന് അഭിപ്രായപ്പെട്ട് എംഎസ് ധോണി. ഇന്ത്യയെ 2007 ടി20, 2011 ഏകദിന ലോകകപ്പുകളില്‍ കിരീടത്തിലേക്ക് നയിച്ച നായകന്‍ പറയുന്നത് ഐപിഎല്‍ ബൗളര്‍മാരിലെ മികവിനെ പുറത്തെടുക്കുവാന്‍ സഹായിക്കുമെന്നാണ്.

എന്നാല്‍ ഇവര്‍ പരിക്കേല്‍ക്കാതെ കാത്ത് സംരക്ഷിക്കേണ്ട ഒരു അധിക ചുമതല കൂടിയുണ്ടെന്ന് ധോണി പറഞ്ഞു. അവര്‍ക്ക് വിശ്രമം നല്‍കിയാല്‍ അലസരാവുമെന്നും അവസരം നല്‍കിയാല്‍ ഫ്രഷ് അല്ലെന്നുമാണ് കമന്റേറ്റര്‍മാരുടെ പൊതുവേ പറയാറുള്ള നിലപാട്. അതിനാല്‍ തന്നെ ബൗളര്‍മാര്‍ക്ക് സന്തുലിതമായ സാഹചര്യമാണ് ഒരുക്കേണ്ടത്.

ലോകകപ്പിനു ഇനിയും അഞ്ച് മാസം ഇരിക്കേ ഈ കാലയളവില്‍ ഇന്ത്യ 13 ഏകദനിങ്ങളിലാണ് കളിയ്ക്കുന്നത്. ലോകകപ്പിനെ ലോകകപ്പായി കാണാതെ ഒരു ബൈലാറ്ററല്‍ പരമ്പരയായി കാണുകയാണ് ആദ്യം ചെയ്യേണ്ടതെന്ന് ധോണി പറഞ്ഞു.

ഇന്ത്യന്‍ മുന്‍ നായകന്‍ എംഎസ് ധോണിയെ പുകഴ്ത്തി കപില്‍ ദേവ്. ഇന്ത്യ കണ്ട ഏറ്റവും മികച്ച ക്രിക്കറ്റ് താരമാണ് ധോണിയെന്നാണ് കപില്‍ ദേവ് അഭിപ്രായപ്പെട്ടത്. ഒരു കളിക്കാരനെന്ന നിലയില്‍ രാജ്യത്തിനെ എന്നും മുന്നിലെത്തിക്കുവാന്‍ ശ്രമിക്കുന്ന താരമാണ് ധോണിയെന്നാണ് കപില്‍ പറഞ്ഞത്. ടീമിനു വേണ്ടി എന്ത് ത്യാഗം ചെയ്യുവാനും ധോണി തയ്യാറാണ്.

90 ടെസ്റ്റുകളില്‍ കളിച്ച ശേഷം യുവ താരങ്ങള്‍ക്ക് വേണ്ടി ധോണി മാറി. ശ്രമിച്ചിരുന്നുവെങ്കില്‍ നൂറ് ടെസ്റ്റ് താരത്തിനു കളിയ്ക്കാമായിരുന്നു. എന്നാല്‍ ഇന്ത്യയുടെ നല്ലതിനു വേണ്ടി ടെസ്റ്റില്‍ നിന്ന് താന്‍ മാറുന്നതാണ് നല്ലതെന്ന് തോന്നി ധോണി അത് ചെയ്യുകയായിരുന്നുവെന്നും കപില്‍ പറഞ്ഞു.