Tag: Mominul Haque

ബംഗ്ലാദേശിന്റെ നാട്ടിലെയും മറുനാട്ടിലെയും ടെസ്റ്റ് മത്സരങ്ങള്‍ ഉപേക്ഷിക്കപ്പെട്ടതോടെ ടീമിന് 8 മത്സരങ്ങളാണ് നഷ്ടമാകുന്നത്. ഇത് തീരാനഷ്ടമാണെന്നാണ് ക്യാപ്റ്റന്‍ മോമിനുള്‍ ഹക്ക് പറയുന്നത്. ശ്രീലങ്കയിലേക്കുള്ള ടീമിന്റെ പര്യടനവും ബംഗ്ലാദേശിലേക്കുള്ള ന്യൂസിലാണ്ട് പര്യടനവും കൂടാതെ ഓസ്ട്രേലിയ പാക്കിസ്ഥാന്‍ എന്നിവരോടുമുള്ള മത്സരങ്ങളാണ് ഇപ്പോള്‍ മാറ്റി വെച്ചത്.

ഈ മത്സരങ്ങളില്‍ ടീമിനെ നയിക്കുവാനുള്ള അവസരം നഷ്ടമായത് വളരെ ദുഖകരമാണെന്ന് മോമിനുള്ള വ്യക്തമാക്കി. എട്ടോളം മത്സരങ്ങളിലാണ് തനിക്ക് ഇതിനുള്ള അവസരം നഷ്ടമായത്. അതും മികച്ച ടീമുകള്‍ക്കെതിരെയായിരുന്നു ഈ മത്സരങ്ങളെന്നും മോമിനുള്‍ സൂചിപ്പിച്ചു.

എന്നാല്‍ ഇപ്പോളത്തെ സാഹചര്യത്തില്‍ പ്രത്യേകിച്ച് ഒന്നും ചെയ്യാനില്ലെന്നും നമ്മുടെ നിയന്ത്രണത്തിലുള്ള കാര്യങ്ങളല്ല നടക്കുന്നതെന്നും മോമിനുള്‍ വ്യക്തമാക്കി.

ടെസ്റ്റ് ക്രിക്കറ്റില്‍ ഇരുപത് വര്‍ഷം പൂര്‍ത്തിയാക്കിയെങ്കിലും ബംഗ്ലാദേശ് ടെസ്റ്റ് ക്രിക്കറ്റില്‍ ഇനിയും ഏറെ മെച്ചപ്പെടുവാനുണ്ടെന്ന് സമ്മതിച്ച് ടീം ക്യാപ്റ്റന്‍ മോമിനുള്‍ ഹക്ക്. ഇതുവരെ 119 മത്സരങ്ങള്‍ ടെസ്റ്റില്‍ കളിച്ചിട്ടുള്ള ടീം 14 ടെസ്റ്റുകളാണ് ജയിച്ചിട്ടുള്ളത്. 16 മത്സരങ്ങള്‍ സമനിലയായപ്പോള്‍ 89 മത്സരങ്ങള്‍ പരാജയത്തില്‍ കലാശിച്ചു.

ടീമെന്ന നിലയില്‍ ബംഗ്ലാദേശിന്റെ പ്രകടനം ഉദ്ദേശിച്ച തലത്തിലേക്ക് എത്തിയിട്ടില്ലെന്നതാണ് സത്യസന്ധമായ കാര്യമെന്ന് മോമിനുള്‍ വ്യക്തമാക്കി. എന്നാല്‍ ഒട്ടേറെ പോസിറ്റീവ് കാര്യങ്ങളുണ്ടെന്നും വ്യക്തിഗത പ്രതിഭകളുടെ കാര്യത്തില്‍ ടീം സമ്പുഷ്ടമാണെന്നും മോമിനുള്‍ വ്യക്തമാക്കി.

ഹാട്രിക്ക് നേടിയവരുണ്ട്, അഞ്ച് വിക്കറ്റ് നേട്ടക്കാരുണ്ട്, ഇരട്ട ശതകക്കാരുണ്ട് എന്നത് ടീമിന്റെ വ്യക്തിഗത പ്രതിഭയുടെ ശക്തി കാണിക്കുന്നുവെന്നും മോമിനുള്ള വ്യക്തമാക്കി. ആദ്യ കാലത്ത് നാട്ടില്‍ ബംഗ്ലാദേശിന് വിജയങ്ങള്‍ അധികം കൈവരിക്കുവാന്‍ പറ്റിയിരുന്നില്ലെങ്കില്‍ അത് ഇപ്പോള്‍ മാറിയിട്ടുണ്ടെന്നും മോമിനുള്ള വ്യക്തമാക്കി.

ഇന്ത്യയ്ക്കെതിരെയുള്ള ടെസ്റ്റ് പരമ്പരയില്‍ ഒരു ടീമായി ബംഗ്ലാദേശിന് കളിക്കാനായില്ലെന്ന് പറഞ്ഞ് ടീം ക്യാപ്റ്റന്‍ മോമിനുള്‍ ഹക്ക്. ഒട്ടനവധി കാര്യങ്ങളില്‍ ടീം ഇനിയും മെച്ചപ്പെടുവാനുണ്ടെന്നും അവ തിരുത്തിയാല്‍ വരുന്ന ടെസ്റ്റ് മത്സരങ്ങളില്‍ ടീമിന് മികച്ച പ്രകടനം പുറത്തെടുക്കുവാനാകുമെന്നും മോമിനുള്‍ വ്യകതമാക്കി.

പാര്‍ട്ണര്‍ഷിപ്പുകള്‍ പടുത്തുയര്‍ത്തുവാന്‍ ടീമിന് വലിയ പ്രയാസം ഉണ്ടായമെന്നും അതിനാണ് വലിയ വില നല്‍കേണ്ടതെന്നും മോമിനുള്‍ ഹക്ക് വ്യക്തമാക്കി. ഈ പരമ്പരയില്‍ നിന്ന് ഒട്ടനവധി പാഠങ്ങള്‍ ടീമിന് ഉള്‍ക്കൊള്ളാനുണ്ട്, ഇത്തരത്തിലൊരു ബൗളിംഗ് യൂണിറ്റിനെ എങ്ങനെ നേരിടണമെന്നും അതിന് എന്തെല്ലാം തയ്യാറെടുപ്പുകള്‍ വേണമെന്നും ടീമിന് വ്യക്തമായെന്ന് മോമിനുള്‍ പറഞ്ഞു.

ഒരു ടീമെന്ന നിലയില്‍ ഈ പാഠം ഏവരും ഉള്‍ക്കൊള്ളുമെന്നും വരുന്ന പരമ്പരയില്‍ അത് ഞങ്ങളെ സഹായിക്കുമെന്നുമാണ് പ്രതീക്ഷിക്കുന്നതെന്ന് മോമിനുള്‍ പറഞ്ഞു. തങ്ങള്‍ക്ക് ടെക്നിക്കല്‍ ആയി പ്രശ്നങ്ങളെന്നും ഇല്ലെന്നും എന്നാല്‍ അവിടെ മെച്ചപ്പെടുവാന്‍ ഇനിയും ആകുമെന്നും പറഞ്ഞ മോമിനുള്‍ ടീം ഇനി ടാക്ടിക്കലായിയാണ് മെച്ചപ്പെടുവാനുള്ളതെന്ന് പറഞ്ഞു.

ബംഗ്ലാദേശ് തങ്ങളുടെ പേസര്‍മാരെ കൂടുതല്‍ പ്രാധാന്യം നല്‍കേണ്ട സമയമായെന്ന് അഭിപ്രായപ്പെട്ട് ബംഗ്ലാദേശ് ടെസറ്റ് ക്യാപ്റ്റന്‍ മോമിനുള്‍ ഹക്ക്. ഇന്ത്യയ്ക്കെതിരെ ഇരു ടെസ്റ്റുകളിലും പരാജയപ്പെട്ടുവെങ്കിലും വലിയൊരു പാഠമായിരുന്നു ഈ പരമ്പരയെന്നും ഭാവിയില്‍ ടീമിന് മികച്ച രീതിയില്‍ പ്രകടനം പുറത്തെടുക്കുവാന്‍ ഈ പരമ്പര സഹായിക്കുമെന്നും മോമിനുള്‍ പറഞ്ഞു.

ഇന്‍ഡോറിലും കൊല്‍ക്കത്തയിലും ബംഗ്ലാദേശിനെ നിഷ്പ്രഭമാക്കിയാണ് ഇന്ത്യ വിജയം കൊയ്തത്. ബംഗ്ലാദേശ് സ്പിന്നര്‍മാരെ അമിതമായി ആശ്രയിക്കുന്നത് മതിയാക്കി പേസര്‍മാര്‍ക്ക് കൂടുതല്‍ പ്രാമുഖ്യം നല്‍കേണ്ട സമയം ആയെന്നും മോമിനുള്‍ വ്യക്തമാക്കി.

ബംഗ്ലാദേശിലെ ആഭ്യന്തര ക്രിക്കറ്റിലെ പിച്ചുകള്‍ കഴിഞ്ഞ രണ്ട് വര്‍ഷമായി മാറിയെന്നും ഇപ്പോള്‍ പേസര്‍മാര്‍ക്കും പിച്ചുകളില്‍ നിന്ന് പിന്തുണ ലഭിയ്ക്കുന്നുണ്ടെന്നും മുമ്പത്തെ പോലെ സ്പിന്‍ അനുകൂല പിച്ചുകള്‍ മാത്രമല്ലെന്നും മോമിനുള്‍ വ്യക്തമാക്കി.

ഇന്ത്യയുടെ ഇഷാന്ത് ശര്‍മ്മ, മുഹമ്മദ് ഷമി, ഉമേഷ് യാദവ് എന്നിവരടങ്ങിയ പേസ് ബൗളിംഗ് നിരയെ നേരിടുവാനുള്ള മനഃക്കരുത്ത് ബംഗ്ലാദേശിന് ഉണ്ടാകണമെന്നും അത് ഉണ്ടായില്ലെന്നും അറിയിച്ച് ബംഗ്ലാദേശ് നായകന്‍ മോമിനുള്‍ ഹക്ക്. ഇന്ത്യയ്ക്കെതിരെ ഇന്‍ഡോര്‍ ടെസ്റ്റിലെ ആദ്യ ദിവസം 150 റണ്‍സിന് ഓള്‍ഔട്ട് ആയ ശേഷം പ്രതികരിക്കുകയായിരുന്നു താരം. ഇന്ത്യയുടെ പേസ് മൂവര്‍ സംഘം 7 വിക്കറ്റാണ് തമ്മില്‍ നേടിയത്.

വിക്കറ്റ് കളിക്കാനാകാത്ത തരത്തിലുള്ള ഒന്നല്ലായിരുന്നുവെന്നും ലോക ക്രിക്കറ്റിലെ ഒന്നാം നമ്പര്‍ ടീമിനെ നേരിടുമ്പോള്‍ ടീം മാനസികമായ കരുത്തരായിരിക്കണമെന്നും മോമിനുള്‍ വ്യക്തമാക്കി. ടോസ് നേടി ബാറ്റിംഗ് തിരഞ്ഞെടുത്തത് ശരിയായ തീരുമാനം തന്നെയാണെന്നും മോമിനുള്‍ വ്യക്തമാക്കി. തങ്ങള്‍ക്ക് മികച്ച തുടക്കം ലഭിച്ചിരുന്നുവെങ്കില്‍ ഇതിനെ ആരും ചോദ്യം ചെയ്യില്ലായിരുന്നുവെന്നും മോമിനുള്‍ വ്യക്തമാക്കി.