Tag: Mominul Haque

ടീം പരാജയപ്പെടുമ്പോള്‍ ക്യാപ്റ്റനെന്ന നിലയില്‍ തനിക്ക് സമ്മര്‍ദ്ദമുണ്ടെന്നും എന്നാല്‍ താന്‍ തന്റെ ക്യാപ്റ്റന്‍സി ആസ്വിദിക്കുന്നുണ്ടെന്നും പറഞ്ഞ് ബംഗ്ലാദേശ് നായകന്‍ മോമിനുള്‍ ഹക്ക്. സമ്മര്‍ദ്ദ സമയത്ത് മുന്നില്‍ നിന്ന് നയിച്ച് ബാറ്റിംഗിനു കോട്ടം തട്ടാതെ രീതിയില്‍ ടീമിന്റെ ക്യാപ്റ്റന്‍സി ദൗത്യം ഏറ്റെടുക്കുക എന്നതാണ് ഏതൊരു ക്യാപ്റ്റന്റെയും വിജയ മന്ത്രം എന്ന് മോമിനുള്‍ വ്യക്തമാക്കി.

പരാജയങ്ങളില്‍ നിന്നും പോസിറ്റീവുകള്‍ കണ്ടെത്തി അതില്‍ കൂടുതല്‍ ശ്രദ്ധ ചെലുത്തുകയെന്നതാണ് സമ്മര്‍ദ്ദ ഘട്ടത്തില്‍ ഒരു ക്യാപ്റ്റനെന്ന നിലയില്‍ താന്‍ ‍ചെയ്യേണ്ടതെന്നും മോമിനുള്‍ വ്യക്തമാക്കി. സമ്മര്‍ദ്ദത്തിലാകുമ്പോള്‍ ആ സമ്മര്‍ദ്ദം ആസ്വദിക്കുവാന്‍ തുടങ്ങിയാല്‍ ക്യാപ്റ്റനെന്ന നിലയില്‍ നിങ്ങള്‍ വളരുമെന്നും മോമിനുള്‍ സൂചിപ്പിച്ചു.

ടെസ്റ്റ് ഫോര്‍മാറ്റില്‍ ബംഗ്ലാദേശ് മത്സരങ്ങള്‍ വിജയിച്ച് തുടങ്ങേണ്ട സാഹചര്യം അതിക്രമിച്ചു കഴിഞ്ഞുവെന്ന് പറഞ്ഞ് ടീം ക്യാപ്റ്റന്‍ മോമിനുള്‍ ഹക്ക്. എന്നും ലേണിംഗ് മോഡില്‍ തുടരാന്‍ ബംഗ്ലാദേശിന് സാധിക്കില്ലെെന്നും മത്സരങ്ങള്‍ വിജയിക്കേണ്ട സ്ഥിതിയിലേക്ക് ടീം എത്തിയെന്നും മോമിനുള്‍ ഹക്ക് വ്യക്തമാക്കി. ബംഗ്ലാദേശില്‍ എത്തിയ രണ്ടാം നിര വിന്‍ഡീസ് ടീം വരെ രണ്ട് ടെസ്റ്റ് മത്സരങ്ങളും വിജയിച്ച് പരമ്പര സ്വന്തമാക്കി മടങ്ങിയ സാഹചര്യത്തിലൂടെയാണ് ടീം കടന്ന് പോകുന്നത്.

കഴിഞ്ഞ 20 വര്‍ഷമായി ടീം ലേണിംഗ് മോഡിലായിരുന്നുവെന്നും തനിക്ക് ഇനിയും ഈ മോഡില്‍ തുടരണമെന്നില്ലെന്നും പറഞ്ഞ മോമിനുള്‍ ഇനിയൊരു പത്ത് വര്‍ഷം കൂടി ടീം ഈ ഘട്ടത്തിലൂടെ തന്നെ പോകുകയാണെങ്കില്‍ താരങ്ങളുടെ എല്ലാം കരിയര്‍ അവസാനിച്ചതായി കരുതാമെന്നും പറഞ്ഞു. വേഗത്തില്‍ പഠിച്ച് ആ പഠനത്തിന്റെ ഫലം നല്‍കുക എന്നതാണ് ഏറ്റവും പ്രധാനമായ കാര്യമെന്നും മോമിനുള്‍ വ്യക്തമാക്കി.

പരിക്കേറ്റ ബംഗ്ലാദേശ് ടെസ്റ്റ് ക്യാപ്റ്റന്‍ മോമിനുള്‍ ഹക്ക് ഇപ്പോള്‍ നടക്കുന്ന ബംഗബന്ധു ടി20 കപ്പില്‍ കളിക്കില്ല. ചിറ്റോഗ്രാമിന് വേണ്ടി ജെംകോണ്‍ ഖുല്‍നയെ നേരിടുമ്പോള്‍ ആണ് താരത്തിന്റെ കൈവിരലിന് പൊട്ടലേറ്റത്. നാല് മുതല്‍ ആറ് ആഴ്ച വരെ ഈ പരിക്ക് മാറുവാന്‍ വേണ്ടി വരുമെന്നാണ് വിലയിരുത്തപ്പെടുന്നത്.

ജനുവരിയില്‍ വിന്‍ഡീസിനെ നേരിടുവാന്‍ ബംഗ്ലാദേശ് തയ്യാറെടുക്കുന്ന സമയത്തിനുള്ളില്‍ താരത്തിന്റെ പരിക്ക് ഭേദമാകുമെന്നാണ് കരുതപ്പെടുന്നത്. പരമ്പരയില്‍ മൂന്ന് ടെസ്റ്റും ഏകദിനവും രണ്ട് ടി20 മത്സരവുമാണ് ഉണ്ടാകുക.

ലോക്ക്ഡൗണ്‍ പ്രയാസകരമായ അവസ്ഥയാണെങ്കിലും താരങ്ങള്‍ക്ക് അത് ഗുണകരമായി മാറ്റുവാന്‍ പറ്റാവുന്നതാണെന്ന് പറഞ്ഞ് ബംഗ്ലാദേശ് ടെസ്റ്റ് ക്യാപ്റ്റന്‍ മോമിനുള്‍ ഹക്ക്. പരിശീലനമോ വ്യായാമോ പൂര്‍ണ്ണ തോതില്‍ താരങ്ങള്‍ക്ക് ചെയ്യാനായില്ലെങ്കിലും മാനസികമായി ശക്തിപ്പെടുവാനുള്ള അവസരം ഈ ലോക്ക്ഡൗണ്‍ കാലം നല്‍കിയിട്ടുണ്ടെന്ന് മോമിനുള്‍ ഹക്ക് വ്യക്തമാക്കി.

തങ്ങളുടെ ഗെയിം പ്ലാന്‍ മനസ്സിലാക്കുവാനും മൈന്‍ഡ് സെറ്റ് പാകപ്പെടുത്തുവാനും ഈ കാലം ഉപയോഗിച്ചവരാണ് ഭൂരിഭാഗം താരങ്ങളെന്നും താന്‍ വിശ്വസിക്കുന്നുവെന്നും മോമിനുള്‍ വ്യക്തമാക്കി. കോച്ചുമാരുമായി ഓണ്‍ലൈനിലൂടെ താരങ്ങള്‍ സമ്പര്‍ക്കം പുലര്‍ത്തിയിട്ടുണ്ടെന്നും ബംഗ്ലാദേശ് നായകന്‍ അഭിപ്രായപ്പെട്ടു.

ഈ ഇടവേള കാലത്ത് തങ്ങള്‍ എന്താണോ പുതുതായി മനസ്സിലാക്കിയത്, ആ വസ്തുതകളെ മുറുകെ പിടിച്ചാല്‍ മികച്ച ഫലം ഭാവിയില്‍ താരങ്ങള്‍ക്ക് വ്യക്തിഗതമായും ടീമിന് മൊത്തമായും ലഭിയ്ക്കുമെന്നും താരം വ്യക്തമാക്കി.