Tag: Mohun Bagan

എ ടി കെ മോഹൻ ബഗാനിൽ എ ടി കെ മാറ്റിയ മോഹൻ ബഗാൻ അവരുടെ പുതിയ ലോഗോ ഇന്ന് അവതരിപ്പിച്ചു. ജൂൺ 1ആം തീയതിൽ മുതൽ ക്ലബിന്റെ പേര് മോഹൻ ബഗാൻ സൂപ്പർ ജയന്റ്സ് ആക്കിമാറ്റിയിരുന്നു‌. ഇപ്പോൾ പഴയ ലോഗോയോട് സാമ്യമുള്ള മോഹൻ ബഗാൻ Super Giant എന്ന് എഴുതിയ ലോഗോ ആണ് പ്രകാശനം ചെയ്തത്. സാമൂഹിക മാധ്യമങ്ങൾ വഴി മോഹൻ ബഗാൻ ഈ ലോഗോ പങ്കുവെച്ചു. നീണ്ട കാലമായുള്ള ആരാധകരുടെ പ്രതിഷേധത്തിന്റെ ഫലമായാണ് എ ടി കെ മോഹൻ ബഗാൻ എന്ന ടീം പേരു മാറ്റി മോഹൻ ബഗാൻ എന്ന് മാത്രമാക്കിയത്.

ഐ എസ് എൽ കിരീടം നേടിയതിനു പിന്നാലെ മോഹൻ ബഗാൻ ഉടമകൾ ഇതു സംബന്ധിച്ച് ഔദ്യോഗിക പ്രഖ്യാപനം നടത്തിയിരുന്നു. എ ടി കെ എന്ന് ഇനി പേരിൽ എവിടെയും ഉണ്ടാകില്ല. എ ടി കെ കൊൽക്കത്തയും മോഹൻ ബഗാനും മെർജ് ചെയ്ത് ഒന്നാക്കിയത് മുതൽ ആരാധകർ പ്രതിഷേധങ്ങൾ ഉയർത്തുന്നുണ്ടായിരുന്നു.

മൂന്ന് വർഷം മുമ്പായിരുന്നു വലിയ ഡീലിൽ മോഹൻ ബഗാൻ എ ടി കെ കൊൽക്കത്തയും ലയിച്ചത്. ഈ ലയനത്തോടെയാണ് പേര് എ ടി കെ മോഹൻ ബഗാൻ എന്നായത്. ഈ ലയനം മോഹൻ ബഗാൻ ആരാധകരോടുള്ള ചതിയാണെന്നും പഴയ പേരിലേക്ക് മടങ്ങി ക്ലബിന്റെ ഐഡിന്റിറ്റി തിരിച്ചെടുക്കണം എന്നുമായിരുന്നു ക്ലബ് ആരാധകർ പറഞ്ഞിരുന്നത്.

മോഹൻ ബഗാൻ അവരുടെ ടീം ശക്തമാാക്കുന്നത് തുടരുന്നു. ഇപ്പോൾ അവർ അൽബേനിയൻ ഫോർവേഡ് അർമാണ്ടോ സദികുവിനെ ടീമിൽ എത്തിച്ചിരിക്കുകയാണ്‌. ഇന്ന് ഇതു സംബന്ധിച്ച ഔദ്യോഗിക പ്രഖ്യാപനം വന്നു. ഒരു വർഷത്തെ കരാറിലാണ് 32കാരനായ താരം മോഹൻ ബഗാനിലേക്കെത്തുന്നത്.

അൽബേനിയ ദേശീയ ടീമിനായി നാല്പപ്തോളം മത്സരങ്ങൾ സദികു കളിച്ചിട്ടുണ്ട്. അവസാനമായി സ്പാനിഷ് ക്ലബായ കാർറ്റഗെനയ്ക്ക് ആയാണ് കളിച്ചത്. സ്പെയിനിലെ വലിയ ക്ലബുകൾ ആയ മലാഗ, ലെവന്റെ എന്നീ ക്ലബുകൾക്ക് ആയും മുമ്പ് കളിച്ചിട്ടുണ്ട്. തുർക്കി, ബൊളീവിയ, സ്വിറ്റ്സർലാന്റ്, പോളണ്ട് എന്നീ രാജ്യങ്ങളിലെ ക്ലബുകൾക്ക് ആയും സദികു മുൻ വർഷങ്ങളിൽ കളിച്ചിട്ടുണ്ട്.

ചെന്നൈയിൻ എഫ് സിയുടെ താരം അനിരുദ്ധ് താപയെ എ ടി കെ മോഹൻ ബഗാൻ സ്വന്തമാക്കി. ഇന്ന് താപയുടെ സൈനിംഗ് മോഹൻ ബഗാൻ ഔദ്യോഗികമായി പ്രഖ്യാപിച്ചു. വലിയ ട്രാൻസ്ഫർ തുകയും ഒപ്പം ഇന്ത്യൻ ഫുട്ബോളിലെ ഏറ്റവും വലിയ വേതന പാക്കേജുമാണ് താപയ്ക്ക് മോഹൻ ബഗാനിൽ ലഭിക്കുക. ഒരോ വർഷവും 3 കോടിയോളം സാലറിയായി താരത്തിന് ബഗാൻ നൽകും. 3 കോടി ട്രാൻസ്ഫർ തുകയായി മോഹൻ ബഗാൻ ചെന്നൈയിന് നൽകും. മുംബൈ സിറ്റിയും താരത്തിനായി രംഗത്ത് ഉണ്ടായിരുന്നു.

2024 വരെയുള്ള കരാർ താപയ്ക്ക് ചെന്നൈയിനിൽ ഇപ്പോൾ ഉണ്ട്. 2028വരെയുള്ള കരാർ ആണ് താപ മോഹൻ ബഗാനിൽ ഒപ്പുവെച്ചത്. 2016 മുതൽ ചെന്നൈയിനൊപ്പം ഉള്ള താരമാണ് അനിരുദ്ധ്. കഴിഞ്ഞ സീസണിൽ ഒഡീഷയുടെയും മോഹൻ ബഗാനും വലിയ ഓഫറുകൾ താപക്ക് മുന്നിൽ വെച്ചു എങ്കിലും താരം അത് നിരസിച്ചിരുന്നു.
ഇപ്പോൾ ചെന്നൈയിന്റെ ക്യാപ്റ്റൻ ആണ് താപ.

ഇതുവരെ ചെന്നൈയിനായി നൂറിലധികം മത്സരങ്ങൾ കളിച്ചിട്ടുണ്ട്. താരം 8 ഗോളുകളും 10 അസിസ്റ്റും സ്വന്തമാക്കിയിട്ടുണ്ട്. ചെന്നൈയിനായി ഏറ്റവും കൂടുതൽ മത്സരങ്ങൾ കളിച്ച താരവും താപയാണ്.

എ ടി കെ മോഹൻ ബഗാന്റെ മുൻ പരിശീലകൻ അന്റോണിയോ ലോപസ് ഹബ്ബാസ് മോഹൻ ബഗാനിലേക്ക് തിരികെയെത്തി. മുമൊ പരിശീലകൻ ആയിരുന്നു എങ്കിൽ ഇപ്പോൾ ടെക്നിക്കൽ ഡയറക്ടർ ആയാണ് ലോപസ് ഹബാസ് ക്ലബിലേക്ക് തിരികെ എത്തുന്നത്. ഇന്ന് ഇതുസംബന്ധിച്ച ഔദ്യോഗിക പ്രഖ്യാപനം വന്നു.2021 സീസണിനടയിൽ ആയിരുന്നു ഹബാസിനെ പരിശീലക സ്ഥാനത്ത് നിന്ന് മോഹൻ ബഗാൻ പുറത്താക്കിയത്.

അതിനു മുമ്പ് രണ്ടു സീസണുകളിൽ ഹബാസ് ആയിരുന്നു എ ടി കെയെ നയിച്ചത്. 2019-20 സീസണിൽ കിരീടം നേടിക്കൊടുത്തു. 2014ൽ എ ടി കെ കൊൽക്കത്തയെ ഐ എസ് എലിലെ ആദ്യ ചാമ്പ്യൻസ് ആക്കിയതും അന്റോണിയോ ലോപസ് ഹബാസ് ആയിരുന്നു. ഐ എസ് എൽ തുടക്കത്തിൽ കൊൽക്കത്തയിൽ രണ്ട് സീസണിൽ ഉണ്ടായിരുന്ന ലോപസ് പിന്നീട് 2016ൽ പൂനെ സിറ്റിക്ക് ഒപ്പവും ഉണ്ടായിരുന്നു. സ്പാനിഷുകാരനായ ലോപസ് അത്ലറ്റിക്കോ മാഡ്രിഡ്, സെവിയ്യ തുടങ്ങിയ ക്ലബുകൾക്കായി മുമ്പ് ഫുട്ബോൾ കളിച്ചിട്ടുണ്ട്.

ഹബാസിന്റെ വരവ് നിലവിലെ ഐ എസ് എൽ ചാമ്പ്യന്മാരുടെ ശക്തി കൂട്ടും. ഹബാസും ഫെറാണ്ടോയും ചേർന്ന് ടീമിനെ എങ്ങനെ മുന്നോട്ട് കൊണ്ടു പോകുമെന്നായിരിക്കും ഏവരും ഉറ്റു നോക്കുന്നത്.

മോഹൻ ബഗാനെ ഐ എസ് എൽ ജേതാക്കൾ ആക്കിയ പരിശീലകൻ ജുവാൻ ഫെറാണ്ടോ മോഹൻ ബഗാനിൽ തുടരും. അദ്ദേഹം അടുത്ത സീസണിലും ക്ലബിനൊപ്പം ഉണ്ടാകും എന്ന് മോഹൻ ബഗാൻ ഇന്ന് ഔദ്യോഗികമായി അറിയിച്ചു. രണ്ട് സീസൺ മുമ്പ് അന്റോണിയോ ഹബാസിനെ പുറത്താക്കിയതിനു പിന്നാലെ ആയിരുന്നു ഫെറാണ്ടോ ബഗാനിൽ എത്തിയത്.

ഗോവയ്ക്ക് വലിയ തുക നൽകിയായിരുന്നു കോച്ചിനെ അന്ന് മോഹൻ ബഗാൻ സ്വന്തമാക്കിയത്. ഫെറാണ്ടോ വന്നതു മുതൽ മെച്ചപ്പെട്ട പ്രകടനമാണ് മോഹൻ ബഗാൻ കാഴ്ചവെച്ചത്. ആദ്യ സീസണിൽ സെമിയിൽ അവർ ഹൈദരാബാദിന് മുന്നിൽ വീഴുകയായിരുന്നു. എന്നാൽ ഈ സീസണിൽ ബെംഗളൂരുവിനെ തോൽപ്പിച്ച് ഐ എസ് എൽ കിരീടം ഉയർത്താൻ ബഗാനായിരുന്നു.

ബാഴ്സലോണ സ്വദേശിയാണ് ജുവാൻ ഫെറാണ്ടോ. നിരവധി ലാലിഗ ക്ലബുകൾക്ക് ഒപ്പവും വലിയ താരങ്ങൾക്ക് ഒപ്പവും പ്രവർത്തിച്ചിട്ടുള്ള ആളാണ് ഫെറാണ്ടോ.

മലാഗ, എസ്പാനിയോൾ എന്നീ ലാലിഗ ടീമുകൾക്ക് ഒപ്പം പ്രവർത്തിച്ചിട്ടുള്ള കോച്ചാണ് ഫെറാണ്ടോ. മുമ്പ് മലാഗ ബി ടീമിന്റെ മുഖ്യ പരിശീലകനും ആയിട്ടുണ്ട്. വാൻ പേഴ്സിയുടെയും ഫാബ്രിഗസിന്റെയും ഒക്കെ ട്രെയിനർ ആയും ഇദ്ദേഹം പ്രവർത്തിച്ചിട്ടുണ്ട്.