Tag: Mohammed Rizwan

ലോകകപ്പിൽ നിന്ന് പുറത്തായി എന്ന് തോന്നിയ സ്ഥാലത്ത് നിന്ന് തിരിച്ചു വന്ന് ഫൈനലിൽ വരെ എത്തിയത് ദൈവത്തിന്റെ സഹായം കൊണ്ട് ആണെന്ന് പാകിസ്താൻ ഓപ്പണർ മൊഹമ്മദ് റിസ്വാൻ. ഇന്ന് സെമി ഫൈനലിൽ കളിയിലെ മികച്ച താരമായതിനു ശേഷം സംസാരിക്കുക ആയിരുന്നു റിസ്വാൻ. ഞങ്ങളുടെ തുടക്കം നല്ലത് ആയിരുന്നില്ല. എന്നാൽ എല്ലാം ദൈവത്തിന്റെ കൈകളിൽ എന്ന് ഞങ്ങൾക്ക് അറിയാമായിരുന്നു. കഠിനപ്രയത്നം നടത്തിയാൽ ദൈവം ഞങ്ങൾ ആഗ്രഹിക്കുന്നത് നൽകും എന്ന് അറിയാമായിരുന്നു. ഓപ്പണർ പറഞ്ഞു.

സെമിഫൈനലിൽ തന്നെ ഫിഫ്റ്റി വന്നത് നന്നായി എന്ന് റിസ്വാൻ പറഞ്ഞു. ബാബറും ഞാനും ഈ ലോകകപ്പിൽ ഇതുവരെ കഷ്ടപ്പെടുകയായിരുന്നു എന്നതാണ്സത്യം. പക്ഷേ ഞങ്ങൾ കഠിനാധ്വാനം ചെയ്യുകയും ഞങ്ങളിൽ സ്വയം വിശ്വസിക്കുകയും ചെയ്തു. അതിന്റെ ഫലമാണ് ഈ ഇന്നിങ്സ് എന്നും റിസുവാൻ പറഞ്ഞു.

ഇന്ന് ന്യൂസിലൻഡിന് എതിരെ റിസ്വാൻ 43 പന്തിൽ 57 റൺസ് എടുത്തിരുന്നു.

പാകിസ്താൻ ലോകകപ്പ് സെമിയിൽ എത്തി എങ്കിലും അവരുടെ രണ്ട് ഓപ്പണർമാരുടെയും ഫോം ആശങ്ക നൽകുന്നത് ആയിരുന്നു. എന്നാൽ ബാബറും റിസുവാനും വലിയ താരങ്ങൾ ആണെന്നും അവർ ടൂർണമെന്റിന്റെ അവസാന ഘട്ടത്തിൽ ഫോമിലേക്ക് ഉയരും എന്നും പാകിസ്താൻ ടീം മെന്റർ ഹെയ്ഡൻ പറഞ്ഞു.

ബാബറും റിസ്വാനും മികച്ച ഒന്നാം നമ്പർ കോമ്പിനേഷനാണ്. ഇവരുടെ ഫോമിനെ നിങ്ങൾ വിമർശിച്ചിക്കുമ്പോൾ എനിക്ക് നിങ്ങളെ മറ്റൊരു ലോകകപ്പിലേക്ക് കൊണ്ടുപോകാൻ ആണ് താല്പര്യം, അത് 2007 ലോകകപ്പായിരുന്നു, ആദം ഗിൽക്രിസ്റ്റിന് അത് അത്ര നല്ല ലോകകപ്പ് ആയിരുന്നില്ല. പക്ഷെ ശ്രീലങ്കയ്‌ക്കെതിരായ അവസാന മത്സരം നിങ്ങൾ ഓർക്കുകയാണെങ്കിൽ, അദ്ദേഹം അവിശ്വസനീയമായ ഒരു സെഞ്ച്വറി നേടുകയും ആ ടൂർണമെന്റിൽ തന്റെ കഴിവ് എന്താണെന്ന് കാണിച്ചു തരുകയും ചെയ്തു. ഹെയ്ഡൻ പറഞ്ഞു.

ഇതുപോലെ മികച്ച താരങ്ങൾ എപ്പോഴും അവർ എന്താണെന്ന് നിർണായക ഘട്ടത്തിൽ ലോകത്തിന് കാണിച്ചു കൊടുക്കും എന്ന് അദ്ദേഹം പറഞ്ഞു ‌ ബാബർ അസം ഈ ലോകകപ്പിൽ ആകെ 39 റൺസ് ആണ് ഇതുവരെ നേടിയത്.