ന്യൂസിലാണ്ടിനെതിരെയുള്ള രണ്ടാം ടി20യില് മികവാര്ന്ന ബാറ്റിംഗ് പ്രകടനവുമായി ബംഗ്ലാദേശ്. ആദ്യ ഏകദിനത്തില് ദാരുണമായ ബാറ്റിംഗ് പ്രകടനം പുറത്തെടുത്ത താരം 131 റണ്സിന് പുറത്താകുകയായിരുന്നുവെങ്കില് ഇന്ന് ആദ്യം ബാറ്റ് ചെയ്ത ടീം 6 വിക്കറ്റ് നഷ്ടത്തില് 271 റണ്സ് നേടി.
അര്ദ്ധ ശതകങ്ങള് നേടിയ തമീം ഇക്ബാല്, മുഹമ്മദ് മിഥുന് എന്നിവരുടെ പ്രകടനം ആണ് ബംഗ്ലാദേശിന് ഭേദപ്പെട്ട സ്കോറിലേക്ക് നയിച്ചത്. മുഷ്ഫിക്കുര് റഹിം(34), സൗമ്യ സര്ക്കാര്(32) എന്നിവരും നിര്ണ്ണായക സംഭാവന ടീമിനായി നല്കി.
തമീം 78 റണ്സുമായി ടോപ് സ്കോറര് ആയപ്പോള് മുഹമ്മദ് മിഥുന് 57 പന്തില് നിന്ന് 73 റണ്സ് നേടി വെടിക്കെട്ട് ബാറ്റിംഗ് പ്രകടനം പുറത്തെടുക്കുകയായിരുന്നു.
മത്സരത്തിന്റെ രണ്ടാം ഓവറില് തന്നെ ലിറ്റണ് ദാസിനെ നഷ്ടമായ ടീമിന് പിന്നീട് രണ്ടാം വിക്കറ്റില് സൗമ്യ സര്ക്കാര് – തമീം ഇക്ബാല് കൂട്ടുകെട്ട് 81 റണ്സാണ് കൂട്ടിചേര്ത്തത്. ഇക്ബാലും മുഷ്ഫിക്കുറും ചേര്ന്ന് മൂന്നാം വിക്കറ്റില് 48 റണ്സാണ് നേടിയത്. തമീം ഇക്ബാല് പുറത്തായ ശേഷം മുഹമ്മദ് മിഥുന് ഒറ്റയ്ക്കാണ് ബംഗ്ലാദേശിനെ ഈ സ്കോറിലേക്ക് നയിച്ചത്. മുഷ്ഫിക്കുറുമായി നാലാം വിക്കറ്റില് 31 റണ്സ് കൂട്ടുകെട്ട് നേടിയ താരം 43 പന്തില് നിന്ന് തന്റെ അര്ദ്ധ ശതകം തികയ്ക്കുകയായിരുന്നു.