Tag: Michael Vaughan

2021 ടി20 ലോകകപ്പ് ഇംഗ്ലണ്ടിന് തന്നെയെന്നും അതിൽ യാതൊരുവിധ സംശയവും വേണ്ടെന്ന് പറഞ്ഞ് മൈക്കൽ വോൺ. കളിയുടെ സമസ്ത മേഖലയിലും കനത്ത ആധിപത്യം പുലര്‍ത്തുവാന്‍ ഇംഗ്ലണ്ടിന് സാധിക്കുന്നുണ്ടെന്നും വൈറ്റ് ബോള്‍ ക്രിക്കറ്റിൽ ഇംഗ്ലണ്ട് അടുത്ത കാലത്തായി പുലര്‍ത്തുന്ന ആധിപത്യം ടീമിന് കിരീടം നേടിക്കൊടുക്കുമെന്നും മുന്‍ ഇംഗ്ലണ്ട് നായകന്‍ വ്യക്തമാക്കി.

ലോകോത്തര താരങ്ങളുടെ നീണ്ട നിരയാണ് ഇംഗ്ലണ്ടിന് കൈവശമുള്ളതെന്നും അവസാന സ്ക്വാഡ് പ്രഖ്യാപിക്കുവാന്‍ സെലക്ടര്‍മാര്‍ ഏറെ കഷ്ടപ്പെടുമെന്നുമാണ് വോൺ അഭിപ്രായപ്പെട്ടത്. പാക്കിസ്ഥാനെ ഏകദിനത്തിൽ തകര്‍ത്ത് വിട്ട് ഇംഗ്ലണ്ടിന്റെ രണ്ടാം നിരയുടെ വിജയത്തിന് ശേഷം ടി20 പരമ്പരയിൽ ആദ്യ മത്സരം പരാജയപ്പെട്ടുവെങ്കിലും രണ്ടാം മത്സരത്തിൽ ശക്തമായ തിരിച്ചുവരവാണ് പുറത്തെടുത്തത്.

പരമ്പരയിൽ ലിയാം ലിവിംഗ്സ്റ്റണിന്റെ മധ്യനിരയിലെ തകര്‍പ്പന്‍ പ്രകടനം കൂടിയായപ്പോള്‍ ഇംഗ്ലണ്ട് കൂടുതൽ കരുത്തരായി എന്നും താരം ഒരു ക്ലാസ് ആക്ട് ആണെന്നും വോൺ വ്യക്തമാക്കി.

ന്യൂസിലാണ്ട് ലോക ടെസ്റ്റ് ചാമ്പ്യന്‍ഷിപ്പ് വിജയിക്കുമെന്ന് പ്രവചിച്ച തന്നെ കളിയാക്കിയ ആയിരക്കണക്കിന് ഇന്ത്യന്‍ ആരാധകര്‍ തന്നോട് മാപ്പ് പറയേണ്ടതുണ്ടെന്ന് പറഞ്ഞ് മുന്‍ ഇംഗ്ലണ്ട് നായകൻ മൈക്കൽ വോൺ. വോണും അലിസ്റ്റര്‍ കുക്കും വിജയം ന്യൂസിലാണ്ടിനൊപ്പമായിരിക്കുമെന്ന് പ്രവചനം നടത്തിയിരുന്നു. അന്ന് വോണിനോട് സോഷ്യൽ മീഡിയയിൽ ഇന്ത്യന്‍ ആരാധകര്‍ നടത്തിയ പ്രതികരണങ്ങളാകും താരം ഇപ്പോള്‍ പുതിയ ട്വീറ്റിടുവാന്‍ കാരണമായിരിക്കുന്നത്.

തന്റെ പ്രവചനം ശരിയായതിൽ ചില ആരാധകര്‍ക്കെങ്കിലും തന്നോട് മാപ്പ് പറയണമെന്ന് തോന്നുന്നുണ്ടെന്നാണ് താന്‍ കരുതുന്നതെന്നാണ് മൈക്കൽ വോൺ വ്യക്തമാക്കിയത്. ഇതാദ്യമായാല്ല മൈക്കൽ വോൺ ഇന്ത്യന്‍ ആരാധകര്‍ക്ക് പ്രകോപനം സൃഷ്ടിക്കുവാനുള്ള ട്വീറ്റുകളുമായി എത്തുന്നത്. 2019 ലോകകപ്പ് സെമിയിലും ഇന്ത്യയെ ന്യൂസിലാണ്ട് പരാജയപ്പെടുത്തുമെന്നാണ് വോൺ പ്രവചിച്ചത്.

ഇന്ത്യയോട് ഏറ്റ ടെസ്റ്റ് പരമ്പരയിലെ പരാജയം ഓസ്ട്രേലിയയ്ക്ക് ഏറ്റ കനത്ത തിരിച്ചടിയായിരുന്നു. ഇന്ത്യയുടെ പ്രധാന താരങ്ങളാരുമില്ലാതിരുന്നപ്പോളും ഓസ്ട്രേലിയയ്ക്ക് അവരെ പരാജയപ്പെടുത്തുവാന്‍ സാധിച്ചിരുന്നില്ല. ഇതിനെക്കുറിച്ച് മൈക്കല്‍ വോണ്‍ തമാശയായി പറഞ്ഞത് ഇന്ത്യയുടെ മൂന്നാം ഇലവനോടാണ് ഓസ്ട്രേലിയ പരാജയപ്പെട്ടതെന്നാണ്.

എന്നാല്‍ ഇപ്പോള്‍ അതിന് മറുപടിയുമായി ഓസ്ട്രേലിയന്‍ മുഖ്യ കോച്ച് ജസ്റ്റിന്‍ ലാംഗര്‍ എത്തുകയായിരുന്നു. വോണ്‍ ഇത്തരത്തില്‍ ഇന്ത്യയെക്കുറിച്ച് രണ്ടാം നിരയെന്നോ മൂന്നാം നിരയെന്നോ എല്ലാം പറയുമെങ്കിലും സത്യാവസ്ഥ ക്രിക്കറ്റിനെ അത്രമേല്‍ ഇഷ്ടപ്പെടുന്ന ഒരു രാജ്യത്തെ ഒന്നര ബില്യണ്‍ ആളുകളില്‍ നിന്ന് അവസാന ഇലവനില്‍ ഇടം പിടിക്കണമെങ്കില്‍ അവര്‍ അത്രയും മികച്ച കളിക്കാരായിരിക്കണമെന്ന് ഏവരും അറിയാവുന്നതാണെന്ന് ലാംഗര്‍ പറഞ്ഞു.

ഒരു പറ്റം മികച്ച പ്രതിഭയുള്ള താരങ്ങളെയാണ് തങ്ങളന്ന് ഗ്രൗണ്ടില്‍ കണ്ടതെന്നും അവര്‍ അവരുടെ അവസരങ്ങള്‍ കൈക്കലാക്കുവാനായി തീവ്രതയോടെയാണ് മത്സരത്തെ സമീപിച്ചതെന്നും നിര്‍ഭാഗ്യവശാല്‍ തങ്ങളന്ന് എതിര്‍ഭാഗത്തായിരുന്നുവെന്നുമാണ് ലാംഗര്‍ പറഞ്ഞത്.

ഇന്ത്യയുടെ പ്രധാന താരങ്ങള്‍ പരിക്കേറ്റപ്പോള്‍ അവരുടെ യുവനിര ബോര്‍ഡര്‍ ഗവാസ്കര്‍ ട്രോഫി നിലനിര്‍ത്തുവാനായി അരയും തലയും മുറുക്കിയിറങ്ങിയതാണ് നമ്മളേവരും കണ്ടതെന്നും ലാംഗര്‍ വ്യക്തമാക്കി.