Tag: Michael Hussey

ഇംഗ്ലണ്ടിന്റെ ടി20 ലോകകപ്പിനുള്ള കോച്ചിംഗ് സംഘത്തിലേക്ക് മൈക്കൽ ഹസ്സിയെയും ഡേവിഡ് സാക്കറിനെയും ഉള്‍പ്പെടുത്തി. ഈ രണ്ട് ഓസ്ട്രേലിയയ്ക്കാരെയും കോച്ചിംഗ് കൺസള്‍ട്ടന്റ് ആയിട്ടാണ് നിയമിച്ചിരിക്കുന്നത്. മാത്യു മോട്സ് മുഖ്യ കോച്ചായിട്ടുള്ള സംഘത്തിൽ രണ്ട് സഹ പരിശീലകരും ഉണ്ട്. റിച്ചാര്‍ഡ് ഡോസൺ, കാര്‍ള്‍ ഹോപ്കിന്‍സൺ എന്നിവരാണ് അവര്‍.

സാക്കര്‍ ഇംഗ്ലണ്ട് പുരുഷ ടീമിന്റെ ബൗളിംഗ് കോച്ചായി 2010 മുതൽ 2015 വരെ പ്രവര്‍ത്തിച്ചിട്ടുണ്ട്. അദ്ദേഹം ഇംഗ്ലണ്ടിന്റെ പാക്കിസ്ഥാന്‍ പരമ്പരയ്ക്ക് ടീമിനൊപ്പം ചേരും. അതേ സമയം മൈക്കൽ ഹസ്സി ലോകകപ്പിന് വേണ്ടി മാത്രമേ ടീമിനൊപ്പം ചേരുകയുള്ളു.

ബോള്‍ ഷൈന്‍ ചെയ്യിക്കുവാന്‍ തുപ്പല്‍ ഉപയോഗിക്കരുതെന്ന തീരുമാനത്തോടെ ബൗളര്‍മാരുടെ കാര്യം കഷ്ടത്തിലാകുമെന്ന് പറഞ്ഞ് ബംഗ്ലാദേശ് പേസര്‍ എബാദത്ത് ഹൊസൈന്‍. ഇപ്പോള്‍ തന്നെ ക്രിക്കറ്റ് ബാറ്റ്സ്മാന്മാര്‍ക്ക് ആനുകൂല്യമുള്ള കളിയായി മാറിക്കഴിഞ്ഞു. പന്ത് ഷെന്‍ ചെയ്യാതെ പിടിച്ച് നില്‍ക്കുക വളരെ പ്രയാസകരമാണ്. പ്രത്യേകിച്ച് ടെസ്റ്റ് ക്രിക്കറ്റിലാണ് ഇത് കൂടുതല്‍ ഉപകാരപ്പെടുന്നതെന്നും എബാദത്ത് വെളിപ്പെടുത്തി.

തുപ്പലിന്റെ ഉപയോഗം നിയന്ത്രിക്കുകയാണെങ്കില്‍ വേറെന്തെങ്കിലും ഉപയോഗിച്ച് പന്ത് ഷൈന്‍ ചെയ്യാന്‍ അനുവദിക്കുമെന്നാണ് കരുതുന്നതെന്നും എബാദത്ത് ഹൊസൈന്‍ പറഞ്ഞു. ഐസിസി വാസലിന്‍ പോലുള്ള വസ്തുക്കള്‍ ഉപയോഗിച്ച് പന്ത് ഷൈന്‍ ചെയ്യാമെന്നാണ് പറയുന്നത്.

എന്നാല്‍ ഈ തീരുമാനത്തെയും പലരും എതിര്‍ത്ത് വന്നിട്ടുണ്ട്. അതിലൊരാളാണ് മൈക്കല്‍ ഹസ്സി. പുറമെ നിന്നുള്ള വസ്തുക്കുള്‍ ഇത്തരത്തില്‍ പന്തില്‍ ഉപയോഗിക്കുവാന്‍ പാടില്ലെന്നാണ് താന്‍ കരുതുന്നതെന്ന് ഹസ്സി വെളിപ്പെടുത്തി. വീണ്ടും ക്രിക്കറ്റ് പൂര്‍ണ്ണ തോതില്‍ വരുമ്പോള്‍ വലിയ മാറ്റങ്ങളുണ്ടാകില്ലെ്നനാണ് താന്‍ കരുതുന്നതെന്നും ഹസ്സി പറഞ്ഞു.

കോവിഡിന് ശേഷമുള്ള ആദ്യ സീസണ്‍ ഏവര്‍ക്കും പുതിയ അനുഭവമായി തോന്നിയേക്കാമെന്നും എല്ലാവരും അതിനെ അതിജീവിക്കുമെന്നാണ് കരുതുന്നതെന്നും ഹസ്സി പറഞ്ഞു.

ഇംഗ്ലണ്ടില്‍ ഇന്ത്യയുടെ ഏറ്റവും മികച്ച പേസ് നിരയാണ് ഇന്ന് സന്ദര്‍ശനം നടത്തുന്നതെങ്കിലും ഭുവനേശ്വര്‍ കുമാര്‍ പരിക്കിന്റെ പിടിയിലായതും ജസ്പ്രീത് ബുംറ പരിക്കില്‍ നിന്ന് തിരികെ എത്തുന്നതെയുള്ളുവെന്ന ഘടകവും ഇന്ത്യയ്ക്ക് കനത്ത തിരിച്ചടിയാകുമെന്ന് പറഞ്ഞ മൈക്കല്‍ ഹസ്സി. മുഹമ്മദ് ഷമി, ഉമേഷ് യാദവ്, ഇഷാന്ത് ശര്‍മ്മ എന്നിവരെല്ലാം തന്നെ മികച്ച് ബൗളര്‍മാരാണെങ്കിലും ഇന്ത്യയ്ക്ക് നഷ്ടബോധം തോന്നുക ഭുവിയെയും ബുംറയെയും ഓര്‍ത്താകുമെന്നാണ് ഹസ്സി പറഞ്ഞത്.

ബുംറ പരമ്പരയില്‍ പങ്കെടുക്കുമെങ്കിലും താരം എത്ര കണ്ട് ഫിറ്റാണെന്ന് ഉറപ്പില്ല. ഭുവനേശ്വര്‍ ആദ്യ മൂന്ന് ടെസ്റ്റിനുള്ള ടീമിലുമില്ല. ഇരുവര്‍ക്കും പകരക്കാരെ കണ്ടെത്തുക പ്രയാസകരമാണ്. ക്രിക്കറ്റിന്റെ ഏത് ഫോര്‍മാറ്റിലും മികച്ച രണ്ട് ബൗളര്‍മാരാണ് ഇവര്‍. ഈ നഷ്ടം ഇന്ത്യയെ അലട്ടുക തന്നെ ചെയ്യുമെന്ന് ഹസ്സി പറഞ്ഞു.

കൂടുതൽ കായിക വാർത്തകൾക്ക് : www.facebook.com/FanportOfficial