Tag: Michael Holding

ഇംഗ്ലണ്ട് – ഇന്ത്യ ടെസ്റ്റ് പരമ്പരയിൽ വിജയം ഇന്ത്യയ്ക്ക് തന്നെയാകും എന്ന് പറഞ്ഞ് മൈക്കൽ ഹോള്‍ഡിംഗ്. ട്രെന്റ് ബ്രിഡ്ജിൽ ഇന്ത്യയ്ക്ക് വിജയം നേടാനായില്ലെങ്കിലും ഇനിയും പരമ്പര സ്വന്തമാക്കുവാന്‍ മുന്‍ തൂക്കം ഇന്ത്യയ്ക്ക് തന്നെയായിരിക്കുമെന്നും മൈക്കല്‍ ഹോള്‍ഡിംഗ് വ്യക്തമാക്കി.

രണ്ട് മാസമായി ഇംഗ്ലണ്ടിലുള്ള ഇന്ത്യന്‍ ടീം അവിടുത്തെ സാഹചര്യങ്ങളുമായി ഇഴുകി കഴിഞ്ഞുവെന്നും അതിനാൽ തന്നെ അവര്‍ ശക്തരായി തന്നെ തുടരുമെന്നും മൈക്കൽ ഹോള്‍ഡിംഗ് വ്യക്തമാക്കി.

ഇന്ത്യ ഈ പരമ്പര ഫേവറൈറ്റുകളായി ആണ് തുടങ്ങിയതെന്നും അവര്‍ ഫേവറൈറ്റുകളുമായി തന്നെ തുടരുമെന്നും മൈക്കൽ ഹോള്‍ഡിംഗ് വ്യക്തമാക്കി. ഇന്ത്യയുടെ പേസ് ബൗളിംഗ് കരുത്തരാണെന്നും ഇനിയും ശക്തമായ പ്രകടനം പരമ്പരയിൽ അവര്‍ കാണിക്കുമെന്നും മൈക്കൽ ഹോള്‍ഡിംഗ് വ്യക്തമാക്കി.

തനിക്ക് തന്റെ പേസില്‍ വിശ്വാസമുണ്ടെന്നും അതിനാല്‍ തന്നെ ഇന്നത്തെ തലമുറയിലെ അപകടകാരികളായ ബാറ്റ്സ്മാന്മാരായ രോഹിത് ശര്‍മ്മ, എബി ഡി വില്ലിയേഴ്സ് എന്നിവര്‍ക്കെതിരെ പന്തെറിയുന്നതില്‍ തനിക്ക് ഭയമില്ലെന്നും പറഞ്ഞ് മുന്‍ വിന്‍ഡീസ് താരം മൈക്കല്‍ ഹോള്‍ഡിംഗ്. തന്റെ കാലത്തെ ഏറ്റവും വേഗതയേറിയ ബൗളര്‍മാരില്‍ ഒരാളായിരുന്നു ഹോള്‍ഡിംഗ്. വിവിധ രാജ്യങ്ങളിലെ താരങ്ങള്‍ക്കും അന്ന് പേടി സ്വപ്നമായിരുന്നു ഈ വിന്‍ഡീസ് താരം.

പേസോടു കൂടി പന്ത് മൂവ് ചെയ്യിക്കുവാന്‍ കഴിയുന്ന ആളായിരുന്നു ഹോള്‍ഡിംഗ്. അന്നത്തെ കാലത്ത് താരത്തിനെതിരെ റണ്‍സ് കണ്ടെത്തുവാന്‍ പ്രയാസമായിരുന്നു. കൂടാതെ ക്രിക്കറ്റില്‍ അന്ന് വേഗത്തില്‍ സ്കോര്‍ ചെയ്യുന്നതും അത്ര പതിവുള്ള കാഴ്ചയായിരുന്നില്ല.

രോഹിത് – എബിഡി പോലുള്ള ക്രിക്കറ്റിലെ വിസ്ഫോടനമായ ബാറ്റിംഗ് കാഴ്ച വയ്ക്കുന്ന താരങ്ങള്‍ക്കെതിരെ പന്തെറിയുവാന്‍ പേിടിയുണ്ടോ എന്നായിരുന്നു ഒരു റിപ്പോര്‍ട്ടര്‍ ചോദിച്ചത്. പേസിനെ അടിസ്ഥാനപ്പെടുത്തിയാണ് ബാറ്റസ്മാന്മാര്‍ ഷോട്ടുകള്‍ കളിക്കുന്നതെന്നും തന്റെ പേസില്‍ ഇത്തരം ഷോട്ടുകളൊക്കെ അത്ര എളുപ്പത്തില്‍ കളിക്കാനാകില്ലെന്നും ഹോള്‍ഡിംഗ് വ്യക്തമാക്കി.

ബ്രെറ്റ് ലീ, ഷൊയ്ബ് അക്തര്‍, ഡെയില്‍ സ്റ്റെയിന്‍ എന്നീ താരങ്ങള്‍ക്കെതിരെ അനായാസത്തില്‍ ഷോട്ടുകള്‍ കളിക്കുവാന്‍ എളുപ്പമല്ലെന്നും ഹോള്‍ഡിംഗ് വ്യക്തമാക്കി. കാര്യമെന്തായാലും തനിക്ക് ഇപ്പോളത്തെ ബാറ്റ്സ്മാന്മാര്‍ക്കെതിരെ കളിക്കുന്നതില്‍ യാതൊരുവിധ ഭയവുമില്ലെന്ന് ഹോള്‍ഡിംഗ് അഭിപ്രായപ്പെട്ടു.

കൊറോണ വൈറസ് ബാധയെ തുടർന്ന് ഇംഗ്ലണ്ട് പരമ്പരയിൽ നിന്ന് വെസ്റ്റിൻഡീസ് താരങ്ങൾ വിട്ടുനിന്നത് ദൗർഭാഗ്യകരമാണെന്ന് വെസ്റ്റിൻഡീസ് ബൗളിംഗ് ഇതിഹാസം മൈക്കിൾ ഹോൾഡിങ്. ഇംഗ്ലണ്ടിനെതിരായ ടെസ്റ്റ് പരമ്പരയിൽ നിന്ന് വെസ്റ്റിൻഡീസ് താരങ്ങളായ ഷിംറോൺ ഹേറ്റ്മേയർ, ഡാരൻ ബ്രാവോ, കീമോ പോൾ എന്നിവർ വിട്ടുനിന്നിരുന്നു.

ഇംഗ്ലണ്ടിൽ ഡാരൻ ബ്രാവോയുടെയും ഹേറ്റ്മേയരുടെയും സേവനം വെസ്റ്റിൻഡീസിന് ലഭിക്കാത്തത് തിരിച്ചടിയാണെന്നും ഹോൾഡിങ് പറഞ്ഞു. വെസ്റ്റിൻഡീസ് ക്രിക്കറ്റിനെ സംബന്ധിച്ചിടത്തോളം താരങ്ങൾ വിട്ടുനിന്നത് ദൗർഭാഗ്യകരമാണെന്നും എന്നാൽ അവരെ ഇംഗ്ലണ്ടിലേക്ക് പോവാൻ നിർബന്ധിക്കാൻ പറ്റില്ലെന്നും ഹോൾഡിങ് പറഞ്ഞു. ഈ താരങ്ങൾ എല്ലാം മികച്ച പ്രതിഭയുള്ളവരാണെന്നും അത്കൊണ്ട് തന്നെ അവരുടെ സേവനം വെസ്റ്റിൻഡീസിന് ലഭിക്കാത്തത് തിരിച്ചടിയാണെന്നും ഹോൾഡിങ് പറഞ്ഞു.

ഡാരൻ ബ്രാവോക്ക് ഇംഗ്ലണ്ട് പരമ്പര തന്റെ കരിയർ തിരിച്ചുപിടിക്കാനുള്ള അവസരമായിരുന്നെന്നും കൂടുതൽ മത്സരങ്ങൾ കളിച്ച് വെസ്റ്റിൻഡീസിന്റെ വലിയ താരമാവാനുള്ള അവസരമായിരുന്നു ഇതെന്നും ഹോൾഡിങ് പറഞ്ഞു. അതെ സമയം ഇംഗ്ലണ്ട് പരമ്പരയിൽ നിന്ന് വിട്ടുനിൽക്കുന്ന താരങ്ങളെ കുറ്റപ്പെടുത്തുന്നതിൽ കാര്യമില്ലെന്നും മുൻ ഫാസ്റ്റ് ബൗളർ പറഞ്ഞു.