Tag: Messi

പി എസ് ജിക്ക് ലയണൽ മെസ്സിയെ അടുത്ത മത്സരത്തിലും നഷ്ടമായേക്കും. കൊറോണ നെഗറ്റീവ് ആയെങ്കിൽ താൻ പൂർണ്ണ ആരോഗ്യവാൻ ആകാൻ സമയം എടുക്കുന്നു എന്ന് ലയണൽ മെസ്സി തന്നെ അറിയിച്ചു. കൊറോണ നെഗറ്റീവ് ആയി പാരീസിലേക്ക് തിരിച്ച് എത്തി എങ്കിലും ഇത്ര ദിവസവും മെസ്സി ഒറ്റയ്ക്ക് ആണ് പരിശീലനം നടത്തുന്നത്. താൻ പ്രതീക്ഷിച്ചതിനേക്കാൾ അധികം സമയം കൊറോണ മുക്തമാകാൻ എടുക്കുന്നു എന്ന് മെസ്സി പറഞ്ഞു.

എന്നാൽ താൻ പൂർണ്ണ ഫിറ്റ്നെസിന്റെ അടുത്ത് ആണെന്നും പെട്ടെന്ന് കളത്തിൽ തിരികെയെത്തും എന്നും മെസ്സി പറഞ്ഞു. എന്നാൽ ബ്രെസ്റ്റിനെതിരായ പി എസ് ജിയുടെ അടുത്ത മത്സരത്തിൽ മെസ്സി കളിക്കില്ല.

ബാഴ്‌സലോണ സൂപ്പർ താരം ലയണൽ മെസ്സി ടീമിൽ തന്നെ അടുത്ത സീസണിലും തുടരുമെന്നാണ് തന്റെ പ്രതീക്ഷയെന്ന് ബാർസിലോണ പ്രസിഡന്റ് ജോവാൻ ലപോർട്ട. ബാഴ്‌സലോണ കോപ്പ ഡെൽ റേ കിരീടം നേടിയതിന് ശേഷം സംസാരിക്കുകയായിരുന്നു ബാഴ്‌സലോണ പ്രസിഡന്റ്. ഇരട്ട ഗോളുകൾ നേടിയ മെസ്സിയുടെ മികവിൽ ബാഴ്‌സലോണ കോപ്പ ഡെൽ റേ കിരീടം സ്വന്തമാക്കിയിരുന്നു. മത്സരത്തിൽ മെസ്സി ഒരു ലോകോത്തര ഗോളും സ്വന്തമാക്കിയിരുന്നു.

2018ൽ മെസ്സി ക്യാപ്റ്റനായതിന് ശേഷം ആദ്യമായാണ് ബാർസിലോണ കോപ്പ ഡെൽ റേ കിരീടം സ്വന്തമാക്കുന്നത്. നിലവിൽ ലോകത്തിലെ ഏറ്റവും മികച്ച താരമാണ് ലയണൽ മെസ്സിയെന്നും ബാഴ്‌സലോണയുമായി മെസ്സിക്ക് വളരെ അടുത്ത ബന്ധമാണ് ഉള്ളതെന്നും ലപോർട്ട പറഞ്ഞു. മെസ്സി ബാഴ്‌സലോണയിൽ തുടരാൻ ആഗ്രഹിക്കുന്നുണ്ടെന്ന് തനിക്ക് ബോധ്യമുണ്ടെന്നും അത്കൊണ്ട് തന്നെ മെസ്സിയെ നിലനിർത്താൻ ആവശ്യമായതെല്ലാം ചെയ്യുമെന്നും ലപോർട്ട കൂട്ടിച്ചേർത്തു.

നിലവിൽ മെസ്സിക്ക് പിന്തുണയുമായി മനോഹരമായി ഫുട്ബോൾ കളിക്കുന്ന മികച്ച ഒരു ടീം ഉണ്ടെന്നും സീസണിന്റെ തുടക്കത്തിൽ ബാഴ്‌സലോണ മികച്ച പ്രകടനം പുറത്തെടുത്തില്ലെങ്കിലും ഇപ്പോൾ മികച്ച പ്രകടനമാണ് പുറത്തെടുക്കുന്നതിനും ലപോർട്ട പറഞ്ഞു.