അരീക്കോട് അഖിലേന്ത്യാ സെവൻസിൽ മെഡിഗാഡ് അരീക്കോടിന് വിജയം. ഇന്ന് ഉദ്ഘാടന ദിവസം നടന്ന മത്സരത്തിൽ അൽ മിൻഹാൽ വളാഞ്ചേരിയെ ആണ് മെഡിഗാഡ് അരീക്കോട് പരാജയപ്പെടുത്തിയത്. പെനാൾട്ടി ഷൂട്ടൗട്ട് വരെ ഇന്നത്തെ മത്സരം നീണ്ടു നിന്നു. നിശ്ചിത സമയത്ത് രണ്ട് ടീമുകളും 2-2 എന്ന നിലയിൽ പിരിഞ്ഞു. അവസാനം പെനാൾട്ടി ഷൂട്ടൗട്ടിൽ 3-2നാണ് മെഡിഗാഡ് അരീക്കോട് വിജയിച്ചത്.
നാളെ അരീക്കോട് സെവൻസിൽ അൽ മദീന ചെർപ്പുളശ്ശേരി ഫിറ്റ്വെൽ കോഴിക്കോടിനെ നേരിടും.
അഖിലേന്ത്യാ സെവൻസിൽ ഇന്ന് പൂങ്ങോട് ടൂർണമെന്റിൽ നടന്ന മത്സരത്തിൽ ബെയ്സ് പെരുമ്പാവൂരിന് വിജയം. എതിരില്ലാത്ത രണ്ടു ഗോളുകൾക്ക് ആണ് ഇന്ന് ബെയ്സ് പെരുമ്പാവൂർ മെഡിഗാഡ് അരീക്കോടിനെ തോൽപ്പിച്ചത്. ബെയ്സ് പെരുമ്പാവൂരിന്റെ സീസണിലെ ആദ്യ മത്സരമായിരുന്നു ഇത്. ആദ്യ പകുതിയിൽ ബെയ്സ് ഒരു ഗോളിന്റെ ലീഡെടുത്തു. രണ്ടാം പകുതിയിൽ ലീഡ് ഇരട്ടിയാക്കി. രണ്ടാം പകുതിയിൽ മെഡിഗാഡ് അരീക്കോട് ചുവപ്പ് കാർഡ് കാണുന്നതും കാണാൻ ഇടയായി.
നാളെ പൂങ്ങോട് സെവൻസിൽ ലക്കി സോക്കർ കോട്ടപ്പുറം സബാൻ കോട്ടക്കലിനെ നേരിടും. പെരിന്തൽമണ്ണ കാദറലി സെവൻസിൽ നാളെ അൽ മദീന ചെർപ്പുളശ്ശേരി എഫ് സി പെരിന്തൽമണ്ണയെയും നേരിടും.
