Tag: Marcus Rashford

മാഞ്ചസ്റ്റർ യുണൈറ്റഡ് ഫോർവേഡ് മാർക്കസ് റാഷ്‌ഫോർഡ് നാളെ നടക്കുന്ന മാഞ്ചസ്റ്റർ യുണൈറ്റഡിന്റെ നിർണായകമായ യൂറോപ്പ ലീഗ് ക്വാർട്ടർ ഫൈനൽ പോരാട്ടത്തിന് ഉണ്ടാകില്ല. താരം രണ്ട് ആഴ്ച എങ്കിലും പുറത്തിരിക്കും എന്ന് ക്ലബ് അറിയിച്ചു. എവർട്ടനെതിരായ മത്സരത്തിന് ഇടയിൽ ആയിരുന്നു റാഷ്ഫോർഡിന് പരിക്കേറ്റത്. ഗ്രോയിൻ ഇഞ്ച്വറി ആയതു കൊണ്ട് തന്നെ ചുരുങ്ങിയത് രണ്ടാഴ്ച എങ്കിലും താരം പുറത്ത് ഇരിക്കും. നാളെ സെവിയ്യയെ ആണ് യുണൈറ്റഡ് നേരിടേണ്ടത്.

റാഷ്‌ഫോർഡ് ഈ സീസണിൽ 28 ഗോളുകൾ യുണൈറ്റഡിനായി നേടിയിട്ടുണ്ട്. റാഷ്ഫോർഡിന്റെ അഭാവത്തിൽ മാർഷ്യൽ സ്ട്രൈക്കർ ആയി കളിച്ചേക്കും. നാളെ ലൂക് ഷോയും ഉണ്ടാകില്ല എന്ന് പരിശീലകൻ ടെൻ ഹാഗ് അറിയിച്ചു. എന്നാൽ ലൂക് ഷോ അടുത്ത ആഴ്ച തിരികെയെത്തും. ഗർനാചോ തിരികെ ടീമിൽ എത്താൻ ആയിട്ടില്ല എന്നും ടെൻ ഹാഗ് ഇന്ന് മാധ്യമങ്ങളോട് പറഞ്ഞു.

ഇംഗ്ലീഷ് പ്രീമിയർ ലീഗിൽ വിജയമില്ലാത്ത മൂന്ന് മത്സരങ്ങൾക്ക് ശേഷം മാഞ്ചസ്റ്റർ യുണൈറ്റഡ് ഒരു വിജയം കണ്ടെത്തി. ഇന്ന് ബ്രെന്റ്ഫോർഡിനെ ഓൾഡ്ട്രാഫോർഡിൽ വെച്ച് നേരിട്ട മാഞ്ചസ്റ്റർ യുണൈറ്റഡ് മറുപടിയില്ലാത്ത ഒരു ഗോളിനാണ് പരാജയപ്പെടുത്തിയത്. ചെറിയ ഇടവേളയ്ക്ക് ശേഷം ഗോൾ സ്കോറിംഗ് ഫോമിലേക്ക് മടങ്ങിയെത്തിയ റാഷ്ഫോഡ് ആണ് ഇന്നും യുണൈറ്റഡിന്റെ വിജയശില്പി ആയത്.

ഇന്ന് തുടക്കം മുതൽ നല്ല പ്രസിംഗ് ഫുട്ബോൾ കളിച്ച് നിരന്തരം അറ്റാക്ക് നടത്താൻ യുണൈറ്റഡിനായി. ആദ്യ പകുതിയിൽ തന്നെ ഗോൾ നേടാൻ യുണൈറ്റഡിന് ആയി. 27ആം മിനുട്ടിൽ സബിറ്റ്സറിന്റെ ഒരു അസിസ്റ്റിൽ നിന്നായിരുന്നു റാഷ്ഫോർഡിന്റെ ഗോൾ. റാഷ്ഫോർഫിന്റെ ഈ സീസണിലെ 28ആം ഗോളായിരുന്നു ഇത്.

രണ്ടാം പകുതിയി ബ്രെന്റ്ഫോർഡ് സമനിലക്കായി ആഞ്ഞു ശ്രമിച്ചു. യുണൈറ്റഡ് ഡിഫൻസും ഡി ഹിയയും ആ ആക്രമണങ്ങളെ തടഞ്ഞു വിജയം ഉറപ്പിച്ചു. ഈ ജയത്തോടെ മാഞ്ചസ്റ്റർ യുണൈറ്റഡ് 53 പോയിന്റുമായി ലീഗിൽ നാലാം സ്ഥാനത്തേക്ക് ഉയർന്നു.