Tag: Marcus Rashford

മാഞ്ചസ്റ്റർ യുണൈറ്റഡ് ഫോർവേഡ് മാർക്കസ് റാഷ്‌ഫോർഡ് ലോൺ ആസ്റ്റൺ വില്ലയിൽ ചേരും എന്ന് ഉറപ്പായി. രണ്ട് ക്ലബ്ബുകളും ലോൺ കരാറിൽ ധാരണയിൽ എത്തി. വില്ല റാഷ്ഫോർഡിന്റെ ശമ്പളത്തിന്റെ 70% ത്തിലധികം നൽകും. കരാറിൽ 40 മില്യൺ പൗണ്ട് വിലമതിക്കുന്ന ഒരു ബൈ ഓപ്ഷൻ ക്ലോസും ഉൾപ്പെടുന്നു, ഇത് വില്ലയ്ക്ക് സ്ഥിരമായി റാഷ്‌ഫോർഡിനെ സ്വന്തമാക്കാനുള്ള അവസരം നൽകുന്നു.

സ്ഥിരമായി നിൽക്കുക ആണെങ്കിൽ മൂന്നര വർഷത്തെ കരാറിൽ താരം ഈ സീസൺ അവസാനം ഒപ്പുവെക്കുമെന്ന് പ്രതീക്ഷിക്കുന്നു. ഇന്ന് മെഡിക്കൽ പരിശോധനകൾ ബുക്ക് ചെയ്തിട്ടുണ്ട്, നീക്കം ഉടൻ പൂർത്തിയാകുമെന്ന് പ്രതീക്ഷിക്കുന്നു.

മാനേജർ റൂബൻ അമോറിമിന്റെ കീഴിൽ സ്റ്റാർട്ടിംഗ് ലൈനപ്പിൽ നിന്നും സ്ക്വാഡിൽ നിന്നും ഒഴിവാക്കിയിരുന്നു. ടീമിൽ ഇനി അവസരം ഉണ്ടാകില്ല എന്ന് ഉറപ്പായതിനാൽ കൂടെയാണ് റാഷ്ഫോർഡ് ക്ലബ് വിടുന്നത്.

മാഞ്ചസ്റ്റർ യുണൈറ്റഡ് ഫോർവേഡ് മാർക്കസ് റാഷ്‌ഫോർഡ് ആസ്റ്റൺ വില്ലയിൽ ചേരാൻ ഒരുങ്ങുന്നതായി റിപ്പോർട്ട്. റാഷ്ഫോർഡും ആസ്റ്റൺ വില്ലയുമായി കരാർ ധാരണയിൽ എത്തി കഴിഞ്ഞു. ലോൺ കരാറിൽ ആകും താരം വില്ലയിൽ എത്തിക. വേനൽക്കാലത്ത് വില്ലയിലേക്ക് സ്ഥിരമായി മാറാനുള്ള ഓപ്ഷനും ഈ കരാറിൽ ഉൾപ്പെടുമെന്ന് പ്രതീക്ഷിക്കുന്നു. റാഷ്‌ഫോർഡിന്റെ £325,000 ആഴ്ച ശമ്പളത്തിന്റെ ഒരു പ്രധാന ഭാഗം നൽകാൻ ആസ്റ്റൺ വില്ല സമ്മതിച്ചു.

ഡിസംബർ പകുതി മുതൽ റാഷ്‌ഫോർഡ് മാഞ്ചസ്റ്റർ യുണൈറ്റഡിന്റെ ടീമിൽ ഇടം നേടിയിട്ടില്ല, പരിശീലനത്തിലെ പ്രശ്‌നങ്ങളാണ് അദ്ദേഹത്തെ ഒഴിവാക്കാനുള്ള കാരണമെന്ന് മാനേജർ റൂബൻ അമോറിം ചൂണ്ടിക്കാട്ടിയിരുന്നു. വില്ലയിൽ പോയാൽ ചാമ്പ്യൻസ് ലീഗ് ഫുട്‌ബോൾ കളിക്കാം എന്നതാണ് റാഷ്ഫോർഫ് വില്ലയുമായി അടുക്കാൻ കാരണം.

തിങ്കളാഴ്ച രാത്രി ട്രാൻസ്ഫർ വിൻഡോ അവസാനിക്കുന്നതിന് മുമ്പ് കരാർ അന്തിമമാക്കാൻ ആസ്റ്റൺ വില്ല ആഗ്രഹിക്കുന്നു. ജോൺ ഡുറാനെ അൽ നാസറിന് അടുത്തിടെ വിറ്റതിനെത്തുടർന്ന് ക്ലബ് ആക്രമണ ഓപ്ഷനുകൾ ശക്തിപ്പെടുത്താൻ ശ്രമിക്കുകയാണ്.

മാഞ്ചസ്റ്റർ യുണൈറ്റഡ് ഫോർവേഡ് മാർക്കസ് റാഷ്‌ഫോർഡിനെ ലോണിൽ സ്വന്തമാക്കാനുള്ള സാധ്യത ആസ്റ്റൺ വില്ല പരിശോധിക്കുന്നു. യുണൈറ്റഡ് മാനേജർ റൂബൻ അമോറിമിന്റെ കീഴിൽ സ്ക്വാഡിൽ നിന്ന് അകന്ന 27-കാരൻ ക്ലബ് വിടാൻ ശ്രമിച്ചു കൊണ്ടിരിക്കുകയാണ്. കഴിഞ്ഞ 12 മത്സരങ്ങളിൽ റാഷ്ഫോർഡ് യുണൈറ്റഡിനായി കളിച്ചിട്ടില്ല.

ജോൺ ഡുറാൻ അൽ നാസറിലേക്ക് മാറുന്നതും എമി ബ്യൂണ്ടിയ ബേയർ ലെവർകുസനിലേക്ക് ലോണിൽ പോകുന്നതും കാരണം ടീമിനെ ശക്തിപ്പെടുത്താൻ വില്ല മാനേജർ ഉനായ് എമെറി അറ്റാക്കിംഗ് താരങ്ങളെ അന്വേഷിക്കുകയാണ് ഇപ്പോൾ.

ബാഴ്‌സലോണയിലേക്ക് മാറാനാണ് റാഷ്ഫോർഡ് ഇഷ്ടപ്പെടുന്നത്. എന്നാൽ ബാഴ്സലോണ ഈ വിൻഡോയിൽ റാഷ്ഫോർഡിനായി ബിഡ് ചെയ്യാൻ സാധ്യതയില്ല. ഇനി 2 ദിവസം കൂടി മാത്രമെ ട്രാൻസ്ഫർ വിൻഡോ അടക്കാൻ ഉള്ളൂ.

മാർക്കസ് റാഷ്‌ഫോർഡിന്റെ മനോഭാവം മാറിയാക് അദ്ദേഹത്തിന് ടീമിലേക്ക് തിരിച്ചുവരാം എന്ന് മാഞ്ചസ്റ്റർ യുണൈറ്റഡ് മാനേജർ റൂബൻ അമോറിം വ്യക്തമാക്കി. ഫോർവേഡിന്റെ മാച്ച് സ്ക്വാഡിലെ അഭാവത്തെക്കുറിച്ച് സംസാരിക്കുക ആയിരുന്നു അമോറിം.

“മാർക്കസ് റാഷ്‌ഫോർഡ് മാറുകയാണെങ്കിൽ കാര്യങ്ങൾ മാറും. റാഷ്‌ഫോർഡ് ഞങ്ങൾക്ക് ഒപ്പം ഉള്ളതിൽ ഞങ്ങൾക്ക് സന്തോഷം മാത്രമെ ഉള്ളൂ. പക്ഷേ ഞങ്ങൾക്ക് ടീമിൽ ഒരു നിശ്ചിത സ്റ്റാൻഡേർഡ് സൂക്ഷിക്കേണ്ടതുണ്ട്. ഇത് വ്യക്തിപരമല്ല.” അമോറിം പറഞ്ഞു.

തന്റെ തീരുമാനം റാഷ്‌ഫോർഡിനെ മാത്രമല്ല, കളിക്കാരുടെ മൊത്തത്തിലുള്ള പ്രതിബദ്ധതയെയും കുറിച്ചാണെന്ന് അദ്ദേഹം ഊന്നിപ്പറഞ്ഞു. “പരമാവധി നൽകാത്ത ഒരു കളിക്കാരനെയും ഞാൻ ഉൾപ്പെടുത്തില്ല എന്നായിരുന്നു എന്റെ വാചകം. മാർക്കസ് റാഷ്‌ഫോർഡിന് മാത്രമായാണ് ഇത് എന്ന് മാത്രം ഞാൻ പറഞ്ഞിട്ടില്ല,” അമോറിം പറഞ്ഞു.

“റാഷ്ഫോർഡ് ഉണ്ടെങ്കിൽ ഞങ്ങൾ ഇതിനേക്കാൾ മികച്ച ടീമാണ്, അത് വ്യക്തമാണ്, പക്ഷേ ശരിയായ നിമിഷം വരുന്നത ഞാൻ എന്റെ തീരുമാനം മാറ്റില്ല.” അമോറിം പറഞ്ഞു.