Tag: Manchester United

മാഞ്ചസ്റ്റർ യുണൈറ്റഡ് പരിശീലകൻ ജോസ് മൗറീഞ്ഞോക്കെതിരെ രൂക്ഷ വിമർശനവുമായി യൂണൈറ്റഡ് ഇതിഹാസ താരം പോൾ സ്കോൾസ്. ശനിഴാഴ്ചത്തെ തോൽവിക്ക് ശേഷവും മൗറീഞ്ഞോ യുണൈറ്റഡ് പരിശീലകനായി തുടരുന്നത് തന്നെ അത്ഭുതപ്പെടുത്തുന്നു എന്നും മൗറീഞ്ഞോ മാഞ്ചസ്റ്റർ യുണൈറ്റഡിനെ പരിഹാസ പാത്രമാക്കി മാക്കിയിരിക്കുകയാണെന്നും സ്കോൾസ് പറഞ്ഞു.

യുണൈറ്റഡ് ചരിത്രത്തിലെ തന്നെ ഏറ്റവും മോശം തുടക്കമാണ് ഈ സീസണിൽ മൗറീഞ്ഞോക്ക് കീഴിൽ യുണൈറ്റഡ് നടത്തിയത്. വെസ്റ്റ് ഹാമിനെതിരെ 3-1 ന് തോറ്റ യുണൈറ്റഡ് ഇന്നലെ ചാമ്പ്യൻസ് ലീഗിൽ ഇന്നലെ വലൻസിയക്ക് എതിരെ ഗോൾ രഹിത സമനില വഴങ്ങിയിരുന്നു. മുൻപ് ലൂയിസ് വാൻ ഗാൽ യുണൈറ്റഡ് പരിശീലകനായിരിക്കെയും സ്കോൾസ് സമാന വിമർശനം നടത്തിയിരുന്നു.

കളിക്കാരിൽ നിന്ന് മികച്ച പ്രകടനം പുറത്തെടുക്കാൻ മൗറീഞ്ഞോക്ക് ആകുന്നില്ലെന്നും സംസാരം മാത്രമാണ് മൗറീഞ്ഞോ നടത്തുന്നതും എന്നും ചാമ്പ്യൻസ് ലീഗിന് മുന്നോടിയായുള്ള ചാനൽ ചർച്ചയിൽ സ്കോൾസ് പങ്ക് വച്ചു. മറ്റൊരു യൂണൈറ്റഡ്‌ മുൻ താരമായ റിയോ ഫെർഡിനൻഡും മൗറീഞ്ഞോക്കെതിരെ രംഗത്ത് വന്നിട്ടുണ്ട്.

മാഞ്ചസ്റ്റർ യുണൈറ്റഡിൽ പോൾ പോഗ്ബ- മൗറീഞ്ഞോ പോര് എന്ന റിപ്പോർട്ടുകൾ തുടരുന്നതിനിടെ പ്രതികരണവുമായി മൗറീഞ്ഞോ രംഗത്ത്. ഇന്ന് നടന്ന പത്ര സമ്മേളനത്തിലാണ് അദ്ദേഹം തന്റെ പ്രതികരണം വ്യക്തമാക്കിയത്. ഒരു കളിക്കാരനും മാഞ്ചസ്റ്റർ യൂണിറ്റഡിനേക്കാൾ വലുതല്ല എന്ന് മൗറീഞ്ഞോ വ്യക്തമാക്കി.

നേരത്തെ മൗറീഞ്ഞോയും പോഗ്ബയും ട്രെയിനിങ് ഗ്രൗണ്ടിൽ ഉണ്ടായ തർക്കം എന്ന പേരിൽ വീഡിയോ പുറത്തായിരുന്നു. ഇതോടെയാണ് മാഞ്ചസ്റ്റർ യുണൈറ്റഡ് റെക്കോർഡ് സൈനിങ്ങുമായി മൗറീഞ്ഞോയുടെ ബന്ധത്തെക്കുറിച്ച് ചോദ്യം ഉയർന്നത്. ” പോഗ്ബ മറ്റ് എല്ലാവരെയും പോലെ ഉള്ള ഒരു കളിക്കാരൻ മാത്രമാണ്, ഒരാളും യൂണിറ്റഡിനേക്കാൾ വലുതല്ല, അയാളുടെ ജോലി മികച്ചതാണെങ്കിൽ അയാൾ കളിക്കും, ഇല്ലെങ്കിൽ കളിക്കില്ല”എന്നാണ് മൗറീഞ്ഞോ പറഞ്ഞത്.

നേരത്തെ യുണൈറ്റഡിന്റെ വൈസ് ക്യാപ്റ്റൻ പദവിയിൽ നിന്ന് മൗറീഞ്ഞോ പോഗ്ബയെ നീക്കിയിരുന്നു. വോൾവ്സിനെതിരായ മത്സര ശേഷം മൗറീഞ്ഞോയുടെ പ്രതിരോധ ഫുട്ബോളിന് എതിരെ പോഗ്ബ സംസാരിച്ചതോടെയാണ് വിവാദങ്ങൾക്ക് തുടക്കമായത്.

യുണൈറ്റഡ് താരങ്ങളുടെ സമീപനത്തിലെ അപാകതകൾ ചൂണ്ടിക്കാട്ടി പരിശീലകൻ ജോസ് മൗറീഞ്ഞോ രംഗത്ത്. വോൾവ്സിന് എതിരായ സമനിലക്ക് ശേഷമാണ് തന്റെ കളിക്കാരുടെ മത്സര സമീപന രീതിയെ ചോദ്യം ചെയ്ത് മൗറീഞ്ഞോ രംഗത്ത് എത്തിയത്.

തന്റെ പഴയ ശിഷ്യൻ എസ്പേരിറ്റോ സാന്റോ പരിശീലിപ്പിച്ച വോൾവ്സിന് മുൻപിൽ സ്വന്തം മൈതാനത്ത് 1-1 ന്റെ സമനില നേടാൻ മാത്രമാണ് മൗറീഞ്ഞോയുടെ ടീമിന് ആയത്. മത്സരത്തിൽ വോൾവ്സ് താരങ്ങൾ കാണിച്ച ആത്മാർത്ഥത യുണൈറ്റഡ് താരങ്ങൾ കാണിച്ചില്ല, സമീപന രീതിയാണ് മത്സരത്തിന്റെ ഫലം നിർണയിച്ചത്. യുണൈറ്റഡ് താരങ്ങൾ വോൾവ്സ് താരങ്ങൾക്ക് മത്സരത്തെ സമീപിച്ച രീതി പാഠമാക്കാവുന്നതാണ്. എന്നിങ്ങനെയുള്ള ശതമായ വിമർശനങ്ങളാണ് മൗറീഞ്ഞോ ഉയർത്തിയത്.

നിലവിൽ 10 പോയിന്റുമായി ആറാം സ്ഥാനത്താണ് യുണൈറ്റഡ്.

താൻ ഇപ്പോഴും ലോകത്തെ മികച്ച പരിശീലകരിൽ ഒരാളാണെന്ന് ജോസ് മൗറീഞ്ഞോ. പ്രീമിയർ ലീഗിൽ ബേൻലിക്ക് എതിരായ മത്സരത്തിന് മുന്നോടിയായുള്ള പത്ര സമ്മേളനത്തിലാണ് മൗറീഞ്ഞോ നയം വ്യക്തമാക്കിയത്. കഴിഞ്ഞ സീസണിലെ രണ്ടാം സ്ഥാനം കരിയറിലെ മികച്ച നേട്ടങ്ങളിൽ ഒന്നാണെന്നും പോർച്ചുഗീസുകാരൻ കൂട്ടി ചേർത്തു.

‘ ഞാൻ ലോകത്തിലെ ഏറ്റവും മികച്ച ക്ലബ്ബ്കളിൽ ഒന്നിന്റെ പരിശീലകനാണ്, ഞാൻ ലോകത്തിലെ മികച്ച പരിശീലകരിൽ ഒരാളുമാണ്’ എന്നാണ് മൗറീഞ്ഞോ പറഞ്ഞത്. പ്രീമിയർ ലീഗിൽ തുടർച്ചയായ 2 തോൽവികളോടെ ഏറെ വിമർശനം നേരിടുന്ന മൗറീഞ്ഞോ നേരത്തെ സ്പർസിന് എതിരായ തോൽവിക്ക് ശേഷം താൻ 3 പ്രീമിയർ ലീഗ് കിരീടം നേടിയതാണെന്നും താൻ ബഹുമാനം അർഹിക്കുന്നുണ്ടെന്നും പറഞ്ഞിരുന്നു.

മാഞ്ചസ്റ്റർ യുണൈറ്റഡിന് ഒപ്പം ലീഗ് കിരീടം നേടാൻ സാധിച്ചില്ലെങ്കിലും തന്റെ കരിയർ മികച്ചതായി തന്നെ കണക്കാക്കപ്പെടും എന്നും മൗറീഞ്ഞോ പത്ര പ്രവർത്തകരുടെ ചോദ്യത്തിന് മറുപടിയായി പറഞ്ഞു.

ഓൾഡ് ട്രാഫോഡിൽ എതിരില്ലാത്ത 3 ഗോളുകൾക്ക് സ്പർസ് മാഞ്ചസ്റ്റർ യുണൈറ്റഡിനെ മറികടന്നപ്പോൾ പിറന്നത് ഒരു റെക്കോർഡ് കൂടിയാണ്. ജോസ് മൗറീഞ്ഞോയുടെ കരിയറിലെ ഹോം ഗ്രൗണ്ടിലെ ഏറ്റവും വലിയ തോൽവിയാണ് പോചെട്ടിനോ സമ്മാനിച്ചത്.

കരിയറിൽ ഒരിക്കൽ പോലും സ്വന്തം മൈതാനത്ത് എതിരില്ലാത്ത 3 ഗോളുകൾക്ക് മൗറീഞ്ഞോ തോറ്റിട്ടില്ല. ലുകാസ്‌ മോറയുടെ ഇരട്ട ഗോളുകൾക്ക് പുറമെ ഹാരി കെയ്ൻ നേടിയ ഗോളിന്റെയും പിൻബലത്തിലാണ് സ്പർസ് ജയം സ്വന്തമാക്കിയത്.

നിലവിൽ 13 ആം സ്ഥാനത്തിരിക്കുന്ന മാഞ്ചസ്റ്റർ യുണൈറ്റഡിന് ഇനി വരുന്ന മത്സരങ്ങൾ അതി നിർണായകമായി.