സൗദി പ്രോ ലീഗിലെ ആദ്യ മത്സരത്തിൽ അൽ ഹിലാലിന് വിജയം. ഇന്ന് അബഹയെ എവേ മത്സരത്തിൽ നേരിട്ട അൽ ഹിലാൽ ഒന്നിനെതിരെ മൂന്ന് ഗോളുകൾക്ക് ആണ് തോൽപ്പിച്ചത്. ഇന്ന് സാവിചുൻ കൗലിബലിയും അൽ ഹിലാലിനൊപ്പം ഉണ്ടായിരുന്നില്ല. എങ്കിലും ബ്രസീലിയൻ താരം മാൽകോമിന്റെ ഹാട്രിക്ക് അവരുടെ വിജയം ഉറപ്പിച്ചു.
31ആം മിനുട്ടിൽ ആയിരുന്നു മാൽകോം ആദ്യ ഗോൾ നേടിയത്. പക്ഷെ 33ആം മിനുട്ടിൽ ബുഗൈറിലൂടെ അബഹ സമനില നേടി. രണ്ടാം പകുതിയുടെ തുടക്കത്തിൽ വീണ്ടും മാൽകോം അൽ ഹിലാലിന് ലീഡ് തിരികെ നൽകി. 77ആം മിനുട്ടിൽ മാൽകോം ഹാട്രിക്ക് പൂർത്തിയാക്കുകയും ചെയ്തു. ഇതോടെ അവർ 3-1ന്റെ വിജയം നേടി.
ഇന്ന് നടന്ന മറ്റൊരു മത്സരത്തിൽ അൽ ഇത്തിഹാദ് അൽ റയിദിനെ എതിരില്ലാത്ത മൂന്ന് ഗോളുകൾക്ക് തോൽപ്പിച്ചു. ബെൻസീമ ഗോൾ കണ്ടെത്തിയില്ല എങ്കിലും വിജയത്തിൽ ഒരു അസിസ്റ്റുമായി നിർണായക പങ്കുവെച്ചു. കൊറണാഡോ ഇത്തിഹാദിനായി ഇന്ന് ഇരട്ട ഗോളുകൾ നേടി.