Tag: Lionel Messi

ഇന്റർ മിലാനെതിരെയുള്ള ചാമ്പ്യൻസ് ലീഗ് മത്സരത്തിനുള്ള ടീമിൽ സ്ഥാനം നേടി ലയണൽ മെസ്സി. നേരത്തെ സെവിയ്യക്കെതിരെ പരിക്കേറ്റ മെസ്സി മൂന്ന് ആഴ്ചയോളം പുറത്തിരിക്കേണ്ടി വരുമെന്നായിരുന്നു വാർത്തകൾ വന്നിരുന്നത്. എന്നാൽ രണ്ടു ആഴ്ച കൊണ്ട് തന്നെ പരിക്ക് മാറി മെസ്സി പരിശീലനം ആരംഭിച്ചതോടെയാണ് ഇന്റർ മിലാനെതിരെയുള്ള മത്സരത്തിനുള്ള ടീമിൽ ഉൾപെടുത്താൻ തീരുമാനിച്ചത്.

കഴിഞ്ഞ ബുധനാഴ്ചയാണ് മെസ്സി പരിക്ക് മാറി പരിശീലനം ആരംഭിച്ചത്.  നാളെയാണ് ഗ്രൂപ്പ് ബി ഇയിലെ ഇന്റർ മിലാനെതിരെയുള്ള ചാമ്പ്യൻസ് ലീഗ് മത്സരം. ഇതിനുള്ള 22 അംഗ ടീമിനെയാണ് ബാഴ്‌സലോണ പ്രഖ്യാപിച്ചത്. മെസ്സി മത്സരത്തിൽ ആദ്യ ഇലവനിൽ ഉണ്ടാവില്ലെന്നാണ് സൂചനകൾ. പരിക്കിന്റെ പിടിയിലുള്ള തോമാസ് വെർമലൻ, സെർജി സംപേർ, സാമുവൽ ഉംറ്റിറ്റി എന്നിവർ ടീമിനൊപ്പം ഇറ്റലിയിലേക്ക് യാത്ര ചെയ്യുന്നില്ല.

അതെ സമയം മെസ്സിയില്ലാതെ ബാഴ്‌സലോണ കളിച്ച നാല് മത്സരങ്ങൾ ബാഴ്‌സലോണ ജയിച്ചിരുന്നു. ഇന്റർ മിലാൻ, റയൽ മാഡ്രിഡ്, റയോ വയ്യേകാനോ, കൾച്ചറൽ ലിയോനെസ  എന്നി ടീമുകൾക്കെതിരെയാണ് മെസ്സിയുടെ അസാന്നിദ്ധ്യത്തിൽ ബാഴ്‌സലോണ ജയിച്ചത്.

കഴിഞ്ഞ ആഴ്ചയിലെ ചാമ്പ്യൻസ് ലീഗിലെ മികച്ച താരമായി മെസ്സി തിരഞ്ഞെടുക്കപ്പെട്ടു. ടോട്ടൻഹാമിനെതിരെ പുറത്തെടുത്ത മികച്ച പ്രകടനം പരിഗണിച്ചാണ് മെസ്സി വിജയിയായത്. മത്സരത്തിൽ വെംബ്ലിയിൽ 4-2ന് ബാഴ്‌സലോണ വിജയിച്ചിരുന്നു. ഗ്രൂപ്പിൽ രണ്ടു മത്സരങ്ങളും വിജയിച്ച ബാഴ്‌സലോണ.

മത്സരത്തിൽ രണ്ടു ഗോൾ നേടിയ മെസ്സി മികച്ച പ്രകടനവും പുറത്തെടുത്തിരുന്നു. രണ്ടു ഗോളിന് പുറമെ മെസ്സിയുടെ രണ്ടു ശ്രമങ്ങൾ പോസ്റ്റിൽ തട്ടി തെറിക്കുകയും ചെയ്തിരുന്നു. ഹാട്രിക് പ്രകടനം നടത്തിയ നെയ്മറിന്റെയും ദിബാലയുടെയും ജെക്കോയുടെയും പ്രകടനത്തെ മറികടന്നാണ് മെസ്സി വിജയിയായത്.

മെസ്സി എക്കാലത്തെയും മികച്ച ഫുട്ബോൾ താരമാണെന്ന് ബാഴ്‌സലോണയിൽ മെസ്സിയുടെ സഹ താരമായ കൂട്ടീഞ്ഞോ. ടോട്ടൻഹാമിനെതിരായ മത്സരത്തിന് ശേഷമാണു മെസ്സിയെ പ്രശംസിച്ച്കൊണ്ട് കൂട്ടീഞ്ഞോ രംഗത്തെത്തിയത്. മത്സരത്തിൽ മികച്ച പ്രകടനം പുറത്തെടുത്ത മെസ്സി രണ്ടു ഗോളുകളും നേടിയിരുന്നു. മെസ്സിയുടെ രണ്ടു ശ്രമങ്ങൾ പോസ്റ്റിൽ തട്ടി പുറത്തു പോവുകയും ചെയ്തിരുന്നു.

“മെസ്സി എക്കാലത്തെയും മികച്ച താരമാണ്, മെസ്സി എപ്പോഴും പുതിയ കാര്യങ്ങൾ ചെയ്യുന്നുണ്ട്, മെസ്സി രണ്ടു ഗോൾ നേടിയതിൽ ഞാൻ സന്തോഷവാനാണ്” കൂട്ടീഞ്ഞോ പറഞ്ഞു. മത്സരത്തിൽ ആദ്യ ഗോൾ നേടിയ കൂട്ടീഞ്ഞോയുടെ ഗോളിന് പിന്നിലും മെസ്സിയുടെ കരങ്ങൾ ആയിരുന്നു.  മത്സരത്തിൽ മെസ്സിയുടെ ഇരട്ട ഗോളുകളും കൂട്ടീഞ്ഞോയുടെയും റാകിറ്റിച്ചിന്റെയും ഗോളുകളുടെ പിൻബലത്തിൽ ബാഴ്‌സലോണ ടോട്ടൻഹാമിനെ രണ്ടിനെതിരെ നാല് ഗോളുകൾക്ക് തോൽപ്പിച്ചിരുന്നു.