Tag: Leicester City

ലെസ്റ്റർ സിറ്റി ക്യാപ്റ്റൻ വെസ് മോർഗൻ ഈ സീസണിന്റെ അവസാനത്തോടെ സജീവ ഫുട്ബോളിൽ നിന്ന് വിരമിക്കും. 2016ൽ ലെസ്റ്റർ സിറ്റി ഏവരെയും ഞെട്ടിച്ച് കൊണ്ട് പ്രീമിയർ ലീഗ് കിരീടം നേടിയപ്പോൾ വെസ് മോർഗൻ തന്നെയായിരുന്നു ടീമിന്റെയും ക്യാപ്റ്റൻ. ഒൻപത് വർഷം ലെസ്റ്റർ സിറ്റിക്ക് വേണ്ടി കളിച്ച വെസ് മോർഗൻ 324 മത്സരങ്ങൾ ലെസ്റ്റർ സിറ്റിക്ക് വേണ്ടി കളിച്ചിട്ടുണ്ട്.

ഈ കാലയളവിൽ 14 ഗോളുകളും വെസ് മോർഗൻ ലെസ്റ്റർ സിറ്റിക്ക് വേണ്ടി നേടിയിട്ടുണ്ട്. ഈ സീസണിൽ ലെസ്റ്റർ സിറ്റിയിൽ കരാർ അവസാനിക്കാനിരിക്കെയാണ് വിരമിക്കുന്ന കാര്യം മോർഗൻ പ്രഖ്യാപിച്ചത്. വെസ് മോർഗൻ കൂടാതെ ക്രിസ്ത്യൻ ഫുക്‌സും മാറ്റ് ജെയിംസും ഈ സീസണിന്റെ അവസാനത്തോടെ ലെസ്റ്റർ സിറ്റി വിടുമെന്നും ഉറപ്പായിട്ടുണ്ട്. 324 മത്സരങ്ങൾ ലെസ്റ്റർ സിറ്റിക്ക് വേണ്ടി കളിച്ച ഫുക്സ് 14 ഗോളുകളും ടീമിന് വേണ്ടി നേടിയിട്ടുണ്ട്.

പ്രീമിയർ ലീഗിൽ ടോപ് ഫോർ ഉറപ്പിക്കാനുള്ള പോരാട്ടത്തിൽ നിർണായക ജയം സ്വന്തമാക്കി ലെസ്റ്റർ സിറ്റി. ഇന്ന് ക്രിസ്റ്റൽ പാലസിനെതിരെ നടന്ന മത്സരത്തിൽ പിന്നിൽ പോയതിന് ശേഷം തിരിച്ചടിയാണ് ലെസ്റ്റർ സിറ്റി ജയം സ്വന്തമാക്കിയത്. 2-1നാണ് ലെസ്റ്റർ സിറ്റി ക്രിസ്റ്റൽ പാലസിനെ പരാജയപ്പെടുത്തിയത്. ജയത്തോടെ ലെസ്റ്റർ സിറ്റിയുടെ ടോപ് ഫോർ സാധ്യതകൾ വർദ്ധിച്ചു. നിലവിൽ അഞ്ചാം സ്ഥാനത്തുള്ള വെസ്റ്റ്ഹാമിനെക്കാൾ 7 പോയിന്റിന്റെ ലീഡ് ലെസ്റ്റർ സിറ്റിക്കുണ്ട്.

മത്സരത്തിന്റെ തുടക്കത്തിൽ തന്നെ വിൽഫ്രഡ് സാഹയിലൂടെയാണ് ക്രിസ്റ്റൽ പാലസ് മുൻപിൽ എത്തിയത്. തുടർന്ന് ആദ്യ പകുതിയിൽ ലീഡ് നിലനിർത്താനും ക്രിസ്റ്റൽ പലാസിനായി. എന്നാൽ രണ്ടാം പകുതിയിൽ ശക്തമായി തിരിച്ചുവന്ന ലെസ്റ്റർ സിറ്റി ആദ്യം തിമോത്തി കാസ്റ്റൈനിലൂടെ സമനില ഗോൾ നേടുകയും തുടർന്ന് മത്സരം അവസാനിക്കാൻ 10 മിനുറ്റ് ബാക്കി നിൽക്കെ ഇഹിനാചോവിലൂടെ വിജയ ഗോളും നേടുകയുമായിരുന്നു. ലെസ്റ്ററിന്റെ ആദ്യ ഗോളിന് വഴി ഒരുക്കുകയും തുടർന്ന് മികച്ചൊരു ഗോളിലൂടെ ലെസ്റ്റർ സിറ്റിക്ക് ജയം സമ്മാനിക്കുകയും ചെയ്ത ഇഹിനാചോ ആണ് മത്സരത്തിലെ താരം. അവസാന 14 മത്സരങ്ങളിൽ നിന്ന് ഇഹിനാചോവിന്റെ 14മത്തെ ഗോളായിരുന്നു ഇത്.

അടുത്ത സീസണിലേക്കുള്ള ചാമ്പ്യൻസ് ലീഗ് യോഗ്യതയിലേക്ക് ഒരുപടികൂടി അടുത്ത് ലെസ്റ്റർ സിറ്റി. ഇന്ന് നടന്ന മത്സരത്തിൽ വെസ്റ്റ്ബ്രോമിനെ തരിപ്പണമാക്കിയാണ് ലെസ്റ്റർ സിറ്റി ജയം സ്വന്തമാക്കിയത്. ഏകപക്ഷീയമായ മൂന്ന് ഗോളുകൾക്കായിരുന്നു ലെസ്റ്റർ സിറ്റിയുടെ ജയം. ജയത്തോടെ ലെസ്റ്റർ സിറ്റി ചാമ്പ്യൻസ് ലീഗ് പ്രതീക്ഷകൾ സജീവമാക്കിയപ്പോൾ പ്രീമിയർ ലീഗിൽ വെസ്റ്റ്ബ്രോമിന്റെ നിലനിൽപിന് തന്നെ ഭീഷണിയാകും ഇന്നത്തെ തോൽവി.

ആദ്യ പകുതിയിൽ 13 മിനുറ്റിനിടെ 3 ഗോളുകൾ നേടിയാണ് ലെസ്റ്റർ സിറ്റി ഇന്നത്തെ മത്സരം കൈപ്പിടിയിൽ ഒതുക്കിയത്. വാർഡിയിലൂടെ ഗോളടി തുടങ്ങിയ ലെസ്റ്റർ സിറ്റി തുടർന്ന് ഇവൻസിലൂടെ രണ്ടാമത്തെ ഗോളും നേടുകയായിരുന്നു. തുടർന്ന് 2021ൽ തന്റെ മികച്ച ഫോം തുടരുന്ന ഇഹിനാചോ ലെസ്റ്റർ സിറ്റിക്ക് വേണ്ടി മൂന്നാമത്തെ ഗോളും നേടി. 2021ൽ എല്ലാ മത്സരങ്ങളിലും കൂടി ഇഹിനാചോവിന്റെ 13മത്തെ ഗോളായിരുന്നു ഇത്.

ലെസ്റ്റർ സിറ്റി താരം കെലെച്ചി ഇഹിനാചോ മാർച്ച് മാസത്തിലെ ഏറ്റവും മികച്ച പ്രീമിയർ ലീഗ് താരത്തിനുള്ള അവാർഡ് സ്വന്തമാക്കി. മാർച്ചിൽ ലെസ്റ്റർ സിറ്റിക്ക് വേണ്ടി താരം പുറത്തെടുത്ത മികച്ച പ്രകടനമാണ് താരത്തെ അവാർഡിന് അർഹനാക്കിയത്.

മാർച്ചിൽ ലെസ്റ്റർ സിറ്റിക്ക് വേണ്ടി മാർച്ചിൽ കളിച്ച മൂന്ന് മത്സരങ്ങളിൽ നിന്ന് താരം 5 ഗോളുകൾ നേടിയിരുന്നു. ഷെഫീൽഡ് യൂണൈറ്റഡിനെതിരെ ഹാട്രിക് നേടിയ ഇഹിനാചോ ബ്രൈറ്റനെതിരെയും ബേൺലിക്കെതിരെയും മാർച്ചിൽ ഗോളുകൾ നേടിയിരുന്നു.

ചെൽസി താരം ആന്ദ്രെസ് ക്രിസ്റ്റൻസൺ, ടോട്ടൻഹാം താരം ഹാരി കെയ്ൻ, വെസ്റ്റ്ഹാം താരം ജെസ്സെ ലിംഗാർഡ്, മാഞ്ചസ്റ്റർ സിറ്റി താരം റിയാദ് മെഹ്റാസ്, ലീഡ്സ് യുണൈറ്റഡ് ഗോൾ കീപ്പർ ഇല്ലാൻ മെസ്ലിർ, മാഞ്ചസ്റ്റർ യുണൈറ്റഡ് പ്രതിരോധ താരം ലുക്ക് ഷോ, ബ്രൈറ്റൻ താരം ലിയാനാഡോ ട്രോസ്സഡ് എന്നിവരെ മറികടന്നാണ് ഇഹിനാചോ അവാർഡ് സ്വന്തമാക്കിയത്.

പ്രീമിയർ ലീഗ് ക്ലബായ ലെസ്റ്റർ സിറ്റിയുടെ പരിശീലകൻ ബ്രെണ്ടൻ റോജേഴ്‌സിന് കൊറോണ വൈറസ് ബാധ. തനിക്ക് കൊറോണ വൈറസ് ബാധ ഉണ്ടായിരുന്നുവെന്ന്  ബ്രെണ്ടൻ റോജേഴ്‌സ് തന്നെയാണ് വെളിപ്പെടുത്തിയത്. നിലവിൽ തനിക്ക് കൊറോണ വൈറസ് മാറിയെന്നും മാർച്ച് 13ന് പ്രീമിയർ ലീഗ് സസ്‌പെൻഡ് ചെയ്തതിന് ശേഷമാണ് തനിക്ക് കൊറോണ വൈറസ് പിടിപെട്ടതെന്നും റോജേഴ്‌സ് വ്യക്തമാക്കി.

കൊറോണ വൈറസ് ബാധയുടെ ലക്ഷണങ്ങൾ കണ്ടതിനെ തുടർന്ന് താനും തന്റെ ഭാര്യയും ടെസ്റ്റ് ചെയ്യുകയും കൊറോണ വൈറസ് ബാധയുണ്ടെന്ന് സ്ഥിരീകരിക്കുകയും ചെയ്യുകയായിരുന്നുവെന്ന് റോജേഴ്‌സ് വെളിപ്പെടുത്തി. വൈറസ് ബാധയുള്ള സമയങ്ങളിൽ തനിക്ക് നടക്കാനും ശ്വസിക്കാനും ബുദ്ധിമുട്ട് ഉണ്ടായിരുന്നെന്നും റോജേഴ്‌സ് പറഞ്ഞു. നിലവിൽ ലെസ്റ്റർ സിറ്റി പ്രീമിയർ ലീഗിൽ മൂന്നാം സ്ഥാനത്താണ്. നേരത്തെ ആഴ്‌സണൽ പരിശീലകൻ മൈക്കിൾ അർടെറ്റക്കും കൊറോണ വൈറസ് ബാധ സ്ഥിരീകരിച്ചിരുന്നു.

വാർ തുണയായി മത്സരത്തിൽ ബേൺലിക്കെതിരെ ലെസ്റ്റർ സിറ്റിക്ക് ജയം. ഒന്നിനെതിരെ രണ്ട് ഗോളുകളാക്കായിരുന്നു ലെസ്റ്റർ സിറ്റിയുടെ ജയം. മത്സരം അവസാനിക്കാൻ മിനുറ്റുകൾ മാത്രം ബാക്കി നിൽക്കെ ബേൺലി നേടിയ ഗോൾ വാർ നിഷേധിച്ചതാണ് ലെസ്റ്ററിന് തുണയായത്.

ലെസ്റ്ററിനെ ഞെട്ടിച്ചുകൊണ്ട് മത്സരത്തിൽ ബേൺലിയാണ് ആദ്യം ഗോൾ നേടിയത്. മത്സരത്തിന്റെ 26മത്തെ മിനുറ്റിൽ ക്രിസ് വുഡിലൂടെയാണ് ബേൺലി ഗോൾ നേടിയത്. എന്നാൽ ആദ്യ പകുതിയുടെ ഇഞ്ചുറി ടൈമിൽ വാർഡിയിലൂടെ ലെസ്റ്റർ സമനില പിടിച്ചു.  തുടർന്ന് രണ്ടാം പകുതിയിൽ ടിലെമൻസ് ആണ് ലെസ്റ്ററിന് വിജയ ഗോൾ നേടി കൊടുത്തത്.

തുടർന്നാണ് ക്രിസ് വുഡിന്റെ ഗോൾ വാർ നിഷേധിച്ചത്.  ലെസ്റ്റർ താരം ക്രിസ് ഇവൻസിനെ ഫൗൾ ചെയ്തതിനാണ് വാർ ബേൺലിക്ക് ഗോൾ നിഷേധിച്ചത്.

ലെസ്റ്റർ സിറ്റി സ്‌ട്രൈക്കർ ഷിൻജി ഒകസാക്കി ഈ സീസൺ അവസാനിക്കുന്നതോടെ ഫോക്‌സസിനോട് വിട പറയും. 33 വയസുകാരനായ താരം ലെസ്റ്റർ കിരീടം നേടിയ 2015/2016 സീസണിൽ ടീമിൽ അംഗമായിരുന്നു. പരിശീലകൻ ബ്രെണ്ടൻ റോഡ്‌ജെഴ്‌സുമായി സംസാരിച്ചസ് ശേഷമാണ് വെറ്ററൻ സ്‌ട്രൈക്കർ ക്ലബ്ബ് വിടാൻ തീരുമാനിച്ചത്. ഈ സീസൺ അവസാനത്തോടെ താരത്തിന്റെ ലെസ്റ്റർ കരാർ അവസാനിക്കും.

ലെസ്റ്റർ കിരീടം നേടിയ സീസണിൽ 30 മത്സരങ്ങളിൽ കളിച്ച താരമാണ് ഒകസാക്കി. പക്ഷെ പിന്നീട് ടീമിൽ അവസരങ്ങൾ കുറഞ്ഞു. എന്നും വാർഡിക് പിന്നിലായിരുന്നു സ്‌ട്രൈക്കറായ താരത്തിന് സ്ഥാനം. ക്രിസ്ത്യൻ ഫൂച്സ്, ഡാനി സിംസൻ എന്നിവരുടെയും കരാർ ഈ സീസണിൽ അവസാനികുമെങ്കിലും അവരുടെ കാര്യത്തിൽ ഇതുവരെ ലെസ്റ്റർ തീരുമാനം പ്രഖ്യാപിച്ചിട്ടില്ല.