Tag: Leicester City

ഇംഗ്ലീഷ് പ്രീമിയർ ലീഗിൽ ബ്രന്റ്ഫോർഡിനെ ഒന്നിനെതിരെ രണ്ടു ഗോളുകൾക്ക് തോൽപ്പിച്ചു ലെസ്റ്റർ സിറ്റി. സീസണിൽ തരം താഴ്ത്തൽ ഒഴിവാക്കാൻ പൊരുതുന്ന ബ്രന്റ്ഫോർഡിനെ സുന്ദര ഗോളുകളുടെ മികവിൽ ആണ് ലെസ്റ്റർ മറികടന്നത്. മത്സരത്തിൽ 20 മത്തെ മിനിറ്റിൽ ഹാർവി ബാർൺസിന്റെ പാസിൽ നിന്നു പരിക്കിൽ നിന്നു തിരിച്ചു വന്ന തിമോത്തി കാസ്റ്റാഗ്‌നെ ആണ് ലെസ്റ്ററിന്റെ ആദ്യ ഗോൾ നേടിയത്.

ബോക്സിന് പുറത്ത് നിന്ന് അതുഗ്രൻ ഗോൾ ആയിരുന്നു ഇത്. തുടർന്ന് 33 മത്തെ മിനിറ്റിൽ ലഭിച്ച ഫ്രീകിക്ക് മനോഹരമായി ലക്ഷ്യത്തിൽ എത്തിച്ച ജെയിംസ് മാഡിസൺ ലെസ്റ്ററിന് രണ്ടാം ഗോളും സമ്മാനിച്ചു. രണ്ടാം പകുതിയിൽ അവസാന നിമിഷങ്ങളിൽ വിസ്സയുടെ ബോക്സിന് പുറത്ത് നിന്നുള്ള ഷോട്ടിലൂടെ ഒരു ഗോൾ ബ്രന്റ്ഫോർഡ് തിരിച്ചടിച്ചു എങ്കിലും ലെസ്റ്റർ ജയം പിടിച്ചെടുത്തു. നിലവിൽ ലെസ്റ്റർ ലീഗിൽ പത്താം സ്ഥാനത്തും ബ്രന്റ്ഫോർഡ് പതിനഞ്ചാം സ്ഥാനത്തും ആണ്.

പ്രീ സീസൺ മത്സരത്തിനിടെ പരിക്കേറ്റ ലെസ്റ്റർ സിറ്റി താരം വെസ്ലി ഫോഫാനയുടെ പരിക്ക് വിചാരിച്ചതിലും ഗുരുതരമാണെന്ന് ലെസ്റ്റർ സിറ്റി പരിശീലകൻ ബ്രെണ്ടൻ റോജേഴ്‌സ്. താരം തിങ്കളാഴ്ച ശസ്ത്രക്രിയക്ക് വിധേയനാവുമെന്നും അടുത്ത വർഷം മാത്രമേ താരം പരിക്ക് മാറി തിരിച്ചുവരുമെന്നും ലെസ്റ്റർ സിറ്റി പരിശീലകൻ പറഞ്ഞു.

കഴിഞ്ഞ ദിവസം വില്ലറയലുമായുള്ള പരിശീലന മത്സരത്തിനിടെയാണ് വെസ്ലി ഫോഫാനക്ക് പരിക്കേറ്റത്. വില്ലറയൽ താരം ഫെർ നിനോയുടെ ടാക്കിളിൽ താരത്തിന്റെ കാലിന് പൊട്ടലേറ്റിരുന്നു. താരം ശസ്ത്രക്രിയ കഴിഞ്ഞ് അടുത്ത ആഴ്ച തന്നെ ടീമിന്റെ ട്രെയിനിങ് സെന്ററിൽ എത്തുമെങ്കിലും താരത്തിന്റെ തിരിച്ചുവരവിന് ഒരു വ്യക്തമായ തിയ്യതി ലെസ്റ്റർ സിറ്റി പുറത്തുവിട്ടിട്ടില്ല.

പ്രീമിയർ ലീഗ് ക്ലബ്ബുകളായ ചെൽസിക്കും ലെസ്റ്റർ സിറ്റിക്കും വമ്പൻ പിഴയിട്ട് ഇംഗ്ലീഷ് ഫുട്ബോൾ അസോസിയേഷൻ. ഏകദേശം 23 ലക്ഷം രൂപ വീതമാണ് ഇംഗ്ലീഷ് ഫുട്ബോൾ അസോസിയേഷൻ ഇരു ടീമുകൾക്കും പിഴയിട്ടത്. ചെൽസിയുടെ ഗ്രൗണ്ടിൽ നടന്ന പ്രീമിയർ ലീഗ് മത്സരത്തിനിടെ ഇരു ടീമിലെയും താരങ്ങൾ ഗ്രൗണ്ടിൽ വാക്കുതർക്കത്തിൽ ഏർപ്പെട്ടിരുന്നു. ലെസ്റ്റർ സിറ്റി താരം റിക്കാർഡോ പെരേര ചെൽസി താരം ബെൻ ചിൽവെല്ലിനെ ഫൗൾ ചെയ്തതിനെ തുടർന്നാണ് ഇരു ടീമിലെയും താരങ്ങൾ വാക്കുതർക്കത്തിൽ ഏർപ്പെട്ടത്. ഇരു ടീമിലെയും ഒട്ടുമിക്ക താരങ്ങളും ഇതിൽ ഉൾപ്പെടുകയും ചെയ്തിരുന്നു.

തുടർന്ന് ഇരു ടീമുകളും തങ്ങളുടെ താരങ്ങളെ നിയന്ത്രിക്കുന്നതിൽ പരാജയപ്പെട്ടെന്നും ഫുട്ബോൾ അസോസിയേഷൻ പറഞ്ഞിരുന്നു. തുടർന്നാണ് ഇംഗ്ലീഷ് ഫുട്ബോൾ അസ്സോസിയയേഷൻ ഇരു ടീമുകൾക്കും പിഴയിട്ടത്. ചാമ്പ്യൻസ് ലീഗ് യോഗ്യതക്ക് വളരെയധികം നിർണായകമായ ഈ മത്സരത്തിൽ ചെൽസി ലെസ്റ്റർ സിറ്റിയെ പരാജയപ്പെടുത്തിയിരുന്നു. എന്നാൽ ഈ മത്സരത്തിന് മൂന്ന് ദിവസം മുൻപ് മാത്രം നടന്ന എഫ്.എ കപ്പ് ഫൈനലിൽ ചെൽസിയെ പരാജയപ്പെടുത്തി ലെസ്റ്റർ സിറ്റി എഫ്.എ കപ്പ് കിരീടം കൂടിയിരുന്നു.