ഇന്ന് വീണ്ടും ഒരു മാഞ്ചസ്റ്റർ യുണൈറ്റഡ് യുണൈറ്റഡ് ആസ്റ്റൺ വില്ല പോരാട്ടം. കഴിഞ്ഞ മത്സരത്തിൽ പ്രീമിയർ ലീഗിൽ ഇരുവരും ഏറ്റുമുട്ടിയപ്പോൾ മാഞ്ചസ്റ്റർ യുണൈറ്റഡിനെ ആസ്റ്റൺ വില്ല തകർത്തിരുന്നു. ഇന്ന് ലീഗ് കപ്പിൽ ആണ് ഇരുടീമുകളും വീണ്ടും ഏറ്റുമുട്ടുന്നത്. അന്ന് വില്ലപാർക്കിൽ ആയിരുന്നു കളി എങ്കിൽ ഇന്ന് കളി ഓൾഡ്ട്രാഫോർഡിൽ ആണ്.
ലീഗ് കപ്പ് ആയതു കൊണ്ട് തന്നെ വലിയ മാറ്റങ്ങളും ആയാകും ഇരു ടീമുകളും ഇറങ്ങുന്നത്. മാഞ്ചസ്റ്റർ യുണൈറ്റഡ് അവരുടെ പ്രധാനതാരങ്ങൾക്ക് എല്ലാം ഇന്ന് വിശ്രമം നൽകും. യുവതാരങ്ങളിൽ പലരും ഇന്ന് ആദ്യ ഇലവനിൽ എത്തും. ഫകുണ്ടോ പെലിസ്ട്രി, സിദാൻ ഇഖ്ബാൽ, എന്നിവർ ഇന്ന് ആദ്യ ഇലവനിൽ ഉണ്ടായേക്കും. പരിക്ക് മാറി എത്തുന്ന മാർഷ്യലും ആദ്യ ഇലവനിൽ എത്തും.
ഗോൾ കീപ്പർ ഡി ഹിയക്കും ഇന്ന് വിശ്രമം ലഭിക്കാൻ ആണ് സാധ്യത. ഈ മത്സരം ഉൾപ്പെടെ ഇനി രണ്ട് മത്സരങ്ങൾ മാത്രമെ ലോകകപ്പിനു മുമ്പ് മാഞ്ചസ്റ്റർ യുണൈറ്റഡിന് ഉള്ളൂ. ഇന്ന് രാത്രി 1.30നാകും മത്സരം നടക്കുക. കളി ഇന്ത്യയിൽ ടെലികാസ്റ്റ് ഇല്ല.
