Tag: Kylian Mbappe

പിഎസ്ജിയിൽ അസംതൃപ്തൻ, വീണ്ടും ചൂട് പിടിച്ച് എംബപ്പെ കൂടുമാറ്റം

കിലിയൻ എമ്പാപ്പെയുടെ കൂടുമാറ്റ ചർച്ചകൾ ഒരിക്കൽകൂടി ചൂടുപിടിക്കുന്നു. ഫ്രഞ്ച് സൂപ്പർതാരത്തെ സ്വന്തം കൂടാരത്തിൽ തന്നെ പിടിച്ചു നിർത്താൻ ഇത്തവണ പിഎസ്ജിക്കായെങ്കിലും കാര്യങ്ങൾ കൈവിട്ടു പോയിക്കൊണ്ടിരിക്കുകയാണ് എന്നാണ് പുതിയ വാർത്തകൾ. എമ്പാപ്പെയും പിഎസ്ജിയും തമ്മിലുള്ള ബന്ധം പൂർണമായും വഷളായെന്നും ടീം വിടാൻ തന്നെയാണ് താരത്തിന്റെ തീരുമാനം എന്നും മാർക്ക അടക്കമുള്ള പ്രമുഖ മാധ്യമങ്ങൾ എല്ലാം റിപ്പോർട്ട് ചെയ്തു. ഉയർന്ന വരുമാനത്തിന് പുറമെ മറ്റനേകം ആനുകൂല്യങ്ങളും താരത്തിനായി പിഎസ്ജി നൽകിയിരുന്നെങ്കിലും നിലവിലെ ക്ലബ്ബിന്റെ സാഹചര്യങ്ങളിൽ താരം ഒട്ടും സംതൃപ്തനല്ല. ഒരു പക്ഷെ ജനുവരിയിൽ തന്നെ പുതിയ തട്ടകം തേടാൻ എമ്പാപ്പെ ഒരുങ്ങിയേക്കും. ഒരു പക്ഷെ പ്രതീക്ഷിച്ച പോലെ ടീമിന്റെ ഒരേയൊരു മുഖമായി തന്നെ ഉയർത്തി കാണിക്കാത്തതിലും താരത്തിന് അസംതൃപ്തി ഉണ്ടായിരുന്നിരിക്കണം.

റയൽ മാഡ്രിഡ് ജേഴ്‌സി എന്നും സ്വപ്നം കണ്ടിരുന്ന എമ്പാപ്പെക്ക് ബെർണബ്യുവിലേക്ക് തന്നെ എത്തിച്ചേരാനാണ് ആഗ്രഹം. ഇത്തവണ താരത്തെ എത്തിക്കുന്നതിന്റെ വക്കിൽ നിന്നും കാര്യങ്ങൾ വഴുതി പോയെങ്കിലും വീണ്ടും എമ്പാപ്പെക്കായി ശ്രമിച്ചേക്കുമെന്ന സൂചനകൾ ഫ്ലോരന്റിനോ പെരെസ് നൽകിയിരുന്നു. എന്നാൽ താരത്തിന്റെ കൈമാറ്റം പിഎസ്ജി ഒരിക്കലും എളുപ്പമാക്കി കൊടുക്കില്ല എന്ന കാര്യം ഉറപ്പാണ്.

പി എസ് ജിയിൽ തുടരാൻ കാരണം പണം അല്ല എന്ന് എമ്പപ്പെ ആവർത്തിച്ചു. റയൽ മാഡ്രിഡിന് മുകളിൽ താൻ പി എസ് ജി തിരഞ്ഞെടുത്തത് പണം കൊണ്ട് അല്ല എന്ന് എമ്പപ്പെ പറഞ്ഞു. പണം താൻ എവിടെയായാലും ലഭിക്കും. താൻ അങ്ങനെ ഒരു കളിക്കാരൻ ആണ്‌. എമ്പപ്പെ പറഞ്ഞു. ഈ സമ്മർ ട്രാൻസ്ഫർ വിൻഡോയിൽ ഈ ലോകത്ത് ഒരു ഫുട്ബോൾ താരത്തിനും ലഭിക്കാത്ത കരാർ നൽകിയാണ് പി എസ് ജി എമ്പപ്പെയെ നിലനിർത്തിയത്. ഫ്രഞ്ച് പ്രസിഡന്റ് അടക്കം എമ്പപ്പയോട് ക്ലബിൽ തുടരാൻ ആവശ്യപ്പെട്ടിരുന്നു‌.

തന്നെ പ്രസിഡന്റ് വിളിക്കും എന്ന് ഒരിക്കലും പ്രതീക്ഷിച്ചിരുന്നില്ല എന്ന് എമ്പപ്പെ പറഞ്ഞു. അദ്ദേഹം തന്നോട് ഫ്രാൻസിൽ തുടരാൻ ആവശ്യപ്പെട്ടു എന്നും എമ്പപ്പെ പറഞ്ഞു. ഇനി ഭാവിയിൽ റയൽ മാഡ്രിഡിലേക്ക് താൻ പോകുമോ എന്നതിനെ കുറിച്ച് അറിയില്ല എന്നും എമ്പപ്പെ പറഞ്ഞു. റയൽ മാഡ്രിഡ് ഒരു വീട് പോലെയാണെന്നും എമ്പപ്പെ പറഞ്ഞു.