Tag: Kylian Mbappe

സാൻ മാമെസിൽ അത്‌ലറ്റിക് ക്ലബിനോട് 2-1ന് തോറ്റ റയൽ മാഡ്രിഡിൻ്റെ ലാ ലിഗയിൽ ബാഴ്സലോണക്ക് മേൽ ലീഡ് നേടാനുള്ള പ്രതീക്ഷകൾ തകർന്നു. തോൽവിയോടെ 15 മത്സരങ്ങളിൽ നിന്ന് 33 പോയിൻ്റുമായി ലോസ് ബ്ലാങ്കോസ് രണ്ടാം സ്ഥാനത്താണ്. അധിക മത്സരം കളിച്ച ബാഴ്‌സലോണയേക്കാൾ നാല് പോയിൻ്റ് പിന്നിലാണ് അവർ ഇപ്പോൾ.

ഇന്ന് 53-ാം മിനിറ്റിൽ അലെക്‌സ് ബെറെൻഗറിലൂടെ അത്‌ലറ്റിക് ക്ലബ് സ്‌കോറിംഗ് ആരംഭിച്ചു, ഇനാക്കി വില്യംസിൻ്റെ ക്രോസ് റയൽ മാഡ്രിഡിൻ്റെ പ്രതിരോധത്തിൽ കുഴപ്പമുണ്ടാക്കിയതിന് ശേഷം റീബൗണ്ട് മുതലെടുത്തായിരുന്നു ഗോൾ. 68-ാം മിനിറ്റിൽ സന്ദർശകർക്ക് സമനില നേടാനുള്ള സുവർണാവസരം ലഭിച്ചെങ്കിലും കൈലിയൻ എംബാപ്പെ പെനാൽറ്റി ഗോളാക്കി മാറ്റുന്നതിൽ പരാജയപ്പെട്ടു.

78-ാം മിനിറ്റിൽ ജൂഡ് ബെല്ലിംഗ്ഹാമിലൂടെ മാഡ്രിഡ് സമനില ഗോൾ കണ്ടെത്തി. എന്നാൽ, രണ്ട് മിനിറ്റിനുള്ളിൽ അത്‌ലറ്റിക് ലീഡ് തിരിച്ചുപിടിച്ചു. പകരക്കാരനായി എത്തിയ ഗോർക്ക ഗുരുസെറ്റ പ്രതിരോധത്തിൽ ഫെഡറിക്കോ വാൽവെർഡെയുടെ പിഴവ് മുതലാക്കുകയായിരുന്നു.

അത്‌ലറ്റിക് ക്ലബിൻ്റെ വിജയം അവരെ ടേബിളിൻ്റെ നാലാം സ്ഥാനത്ത് നിർത്തുന്നു.

മാഡ്രിഡ്: സാൻ്റിയാഗോ ബെർണബ്യൂവിൽ ഇന്ന് റയൽ മാഡ്രിഡ് ഗെറ്റാഫെയ്‌ക്കെതിരെ തകർപ്പൻ വിജയം നേടി. ജൂഡ് ബെല്ലിംഗ്ഹാമിൻ്റെയും കൈലിയൻ എംബാപ്പെയുടെയും ഗോളുകളുടെ ബലത്തിൽ റയൽ മാഡ്രിഡ് 2-0ന് ആണ് ഗെറ്റഫയെ തകർത്തത്. ഈ വിജയത്തോടെ 14 മത്സരങ്ങളിൽ നിന്ന് റയലിന് 33 പോയിൻ്റായി. ടേബിൾ ടോപ്പർമാരായ ബാഴ്‌സലോണയ്ക്ക് ഒരു പോയിൻ്റ് മാത്രം പിന്നിലാണ് റയൽ. ബാഴ്സലോണ റയലിനെക്കാൾ ഒരു മത്സരം കൂടുതൽ കളിച്ചിട്ടുണ്ട്.

30-ാം മിനിറ്റിൽ ബെല്ലിംഗ്ഹാം ഒരു പെനാൽറ്റി മിഡിൽ ഡൗൺ ചെയ്ത് ആണ് റയൽ മാഡ്രിഡിന് ലീഡ് നൽകിയത്. റുദിഗറിനെ വീഴ്ത്തിയതിന് ആയിരുന്നു പെനാൾട്ടി ലഭിച്ചത്. എട്ട് മിനിറ്റുകൾക്ക് ശേഷം, ജൂഡിന്റെ പാസിൽ നിന്ന് എംബപ്പെ റയലിന്റെ ലീഡ് ഇരട്ടിയാക്കി. പെനാൾട്ടി ബോക്സിന് ഏറെ പുറത്ത് നിന്നുള്ള ഒരു അളന്നു മുറിച്ച സ്ട്രൈക്കിലൂടെ ആയിരുന്നു എംബപ്പെ വല കണ്ടെത്തിയത്.

റയൽ മാഡ്രിഡിലെ കൈലിയൻ എംബാപ്പെയുടെ മോശം തുടക്കത്തിൽ പ്രതികരണവുമായി ബെൻസെമ. “എന്നെ സംബന്ധിച്ചിടത്തോളം എംബാപ്പെ ഒരു നമ്പർ 9 അല്ല. അവൻ ഒരു ഇടതു വിങ്ങറാണ്.” എന്ന് ബെൻസീമ പറഞ്ഞു. സ്ട്രൈക്കർ ആയി കളിക്കുന്നത് ആണ് റയലിൽ അദ്ദേഹം വിഷമിക്കാൻ കാരണം എന്നാണ് ബെൻസെമ പറയുന്നത്.

എന്നിരുന്നാലും, വിങ്ങിൽ എംബപ്പെയ്ക്ക് സ്ഥാനം ലഭ്യമാകുന്നതിൻ്റെ ബുദ്ധിമുട്ട് ബെൻസെമ ചൂണ്ടിക്കാട്ടി, “ഇടത് വിംഗിൽ ലോകത്തിലെ ഏറ്റവും മികച്ച താരമായ വിനീഷ്യസ് ജൂനിയർ ഉണ്ട് എന്നതാണ് പ്രശ്നം.” ബെൻസെമ പറഞ്ഞു.

“റയൽ മാഡ്രിഡിൽ വളരെയധികം സമ്മർദ്ദമുണ്ടെന്ന് എംബാപ്പെയ്ക്ക് അറിയാം. മാഡ്രിഡിൽ, നിങ്ങൾ ഗോളുകളില്ലാതെ 2-3 മത്സരങ്ങൾ കളിച്ചാൽ തന്നെ ആരാധകരും മാധ്യമങ്ങളും നിങ്ങളെ ‘കൊല്ലും’.” ബെൻസെമ പറഞ്ഞു.

“നിങ്ങൾക്ക് ബാലൺ ഡി ഓർ നേടാം, എന്നാൽ അതിന് ശേഷം മൂന്ന് മത്സരങ്ങളിൽ നിങ്ങൾ സ്കോർ ചെയ്തില്ലെങ്കിലും, വിമർശനം സമാനമാണ്…” അദ്ദേഹം കൂട്ടിച്ചേർത്തു.