ഇറാന്റെ കരുത്തനായ ഗുസ്തി താരത്തിനെതിരെ പ്രതിരോധത്തിലായിരുന്ന ഇന്ത്യന്‍ താരം ബജ്രംഗ് പൂനിയ രണ്ടാം പിരീഡിൽ മലര്‍ത്തിയടിച്ച് ഇന്ത്യയുടെ ബജ്രംഗ് പൂനിയ സെമിയിൽ. ഇന്ന് രണ്ട് പാസ്സീവ് കോഷന് നേരിടേണ്ടി വന്ന ഇന്ത്യന്‍ താരം മത്സരം അവസാനിക്കുവാന്‍ ഒരു മിനിട്ടുള്ളപ്പോളാണ് എതിരാളിയെ പിന്‍ ഡൗണ്‍ ചെയ്തത്.
ആ ഘട്ടം വരെ ബജ്രംഗ് 0-1ന് പിന്നിലായിരുന്നു. തന്റെ രണ്ടാം കോഷന് അവസാനിക്കുമ്പോള്‍ എട്ട് സെക്കന്‍ഡുള്ളപ്പോള്‍ ബജ്രംഗ് തന്റെ ആദ്യ രണ്ട് ടെക്നിക്കൽ പോയിന്റ് നേടുകയും ആ മൂവിന്റെ തുടര്‍ച്ചയായി പിന്‍ഡൗണ്‍ വിജയം നേടുകയായിരുന്നു.
ഇറാന്റെ മൊര്‍തേസ ഖിയാസിയെ പരാജയപ്പെടുത്തി എത്തിയ ബജ്രംഗ് പൂനിയ സെമിയിൽ അസര്‍ബൈജാന്റെ ഹാജി ആലിയേവിനെയാണ് നേരിടുന്നത്. ഹാജി കസാകിസ്ഥാന്റെ ദൗലത്ത് നിയാസ്ബെക്കോവിനെ 9-1ന് പരാജയപ്പെടുത്തിയാണ് സെമിയിലെത്തുന്നത്.
