ഗ്രൂപ്പ് ഘട്ടത്തിലെ തോൽവിക്ക് അർജന്റീനയുടെ മറുപടി, ബ്രസീലിനെ തോൽപ്പിച്ചു വെങ്കലം

Wasim Akram

Download the Fanport app now!
Appstore Badge
Google Play Badge 1

ഒളിമ്പിക് പുരുഷ വോളിബോളിൽ വലിയ ശത്രുക്കൾ ആയ ബ്രസീലിനെ വീഴ്‌ത്തി അർജന്റീനക്ക് വെങ്കലം. ഗ്രൂപ്പ് ഘട്ടത്തിൽ ആദ്യ രണ്ടു സെറ്റും ജയിച്ച ശേഷം മത്സരം കൈവിട്ട നിരാശ അർജന്റീന വെങ്കല മെഡലിനായുള്ള മത്സരത്തിൽ തീർത്തു. അതിശക്തമായ പോരാട്ടം കണ്ട 5 സെറ്റ് വാശിയേറിയ മത്സരത്തിൽ 2 നെതിരെ 3 സെറ്റുകൾക്ക് ആണ് അർജന്റീന ജയം കണ്ടത്.

അതിശക്തമായ പോരാട്ടം കണ്ട ആദ്യ സെറ്റിൽ 25-23 നു അവസാന നിമിഷങ്ങളിൽ ആണ് ബ്രസീൽ സെറ്റ് കൈവിട്ടത്. എന്നാൽ രണ്ടും മൂന്നും സെറ്റുകളിൽ ബ്രസീൽ തിരിച്ചടിച്ചു. 25-20, 25-20 എന്ന സ്കോറിന് രണ്ടും മൂന്നും സെറ്റുകൾ നേടിയ അവർ 2-1 നു മുന്നിലെത്തി. എന്നാൽ നാലാം സെറ്റിൽ തിരിച്ചു വന്ന അർജന്റീന 25-17 സെറ്റ് നേടി മത്സരം അഞ്ചാം സെറ്റിലേക്ക് നീട്ടി. കടുത്ത പോരാട്ടം കണ്ട അഞ്ചാം സെറ്റിൽ 15-13 നേരിയ വ്യത്യാസത്തിൽ അർജന്റീന വോളി ബോളിലെ വലിയ ശക്തിയായ ബ്രസീലിനെ വീഴ്ത്തി. സൂപ്പർ താരം ഫെക്കുണ്ടോ കോന്റെ, ബ്രൂണോ ലിമ, മാർട്ടിൻ റാമോസ് തുടങ്ങിയവരുടെ മികവ് ആണ് അർജന്റീനക്ക് സ്വർണം സമ്മാനിച്ചത്.