കൊറിയയോട് ക്വാര്‍ട്ടറില്‍ കീഴടങ്ങി ഇന്ത്യ, ഇനി അഞ്ച് മുതല്‍ എട്ട് വരെയുള്ള സ്ഥാനങ്ങള്‍ക്കായി മത്സരിക്കും

Sports Correspondent

Download the Fanport app now!
Appstore Badge
Google Play Badge 1

ദക്ഷിണ കൊറിയയോട് ഏഷ്യന്‍ വോളിബോള്‍ ചാമ്പ്യന്‍ഷിപ്പിന്റെ ക്വാര്‍ട്ടര്‍ ഫൈനലില്‍ കീഴടങ്ങി ഇന്ത്യ. 1-3 എന്ന സ്കോറിനാണ് ഇന്ത്യ വീണത്. ആദ്യ രണ്ട് സെറ്റുകളും കൈവിട്ട ഇന്ത്യ മൂന്നാം സെറ്റ് നേടിയെങ്കിലും നാലാം സെറ്റിലും ഇന്ത്യ ദക്ഷിണകൊറിയയുടെ മുന്നില്‍ തളരുകയായിരുന്നു. സ്കോര്‍: 25-20, 25-23, 20-25, 25-21.

മറ്റൊരു ക്വാര്‍ട്ടര്‍ ഫൈനല്‍ മത്സരത്തില്‍ ഓസ്ട്രേലിയ പാക്കിസ്ഥാനെ 3-2 എന്ന സ്കോറിന് കീഴടക്കി. ആദ്യ രണ്ട് സെറ്റുകളും നേടി പാക്കിസ്ഥാന്‍ സെമിയിലേക്ക് എത്തുമെന്ന് കരുതപ്പെട്ടുവെങ്കിലും ഓസ്ട്രേലിയ മികച്ച പ്രകടനത്തിലൂടെ പാക്കിസ്ഥാനെ പിന്നീടുള്ള രണ്ട് സെറ്റുകളില്‍ നിഷ്പ്രഭമാക്കുകയായിരുന്നു. അവസാന സെറ്റില്‍ ഇരു ടീമുകളും ഒപ്പത്തിനൊപ്പം പോരാടിയെങ്കിലും ജയം ഓസ്ട്രേലിയയ്ക്കൊപ്പം നിന്നു. സ്കോര്‍: 21-25, 21-25, 25-18, 25-14, 15-13.