ലോക ഏഴാം നമ്പര്‍ താരങ്ങളെ പരാജയപ്പെടുത്തി മണികയും സത്യനും സെമിയിൽ

Sports Correspondent

Download the Fanport app now!
Appstore Badge
Google Play Badge 1

ബുഡാപെസ്റ്റിലെ ഡബ്ല്യുടിടി കണ്ടെന്റര്‍ ടൂര്‍ണ്ണമെന്റിലെ മിക്സഡ് ഡബിള്‍സ് ടൂര്‍ണ്ണമെന്റിൽ അട്ടിമറി വിജയവുമായി ഇന്ത്യയുടെ മണിക ബത്ര-സത്യന്‍ ജ്ഞാനശേഖരന്‍ കൂട്ടുകെട്ട്. ടൂര്‍ണ്ണമെന്റിലെ ഒന്നാം സീഡും ലോക റാങ്കിംഗിൽ ഏഴാം സ്ഥാനക്കാരുമായ സ്ലൊവാക്കിയന്‍ താരങ്ങളെ 3-2 എന്ന സ്കോറിന് പരാജയപ്പെടുത്തി ഇന്ത്യയുടെ ജോഡി സെമി ഫൈനലില്‍ എത്തുകയായിരുന്നു.

അവസാനത്തെ ഗെയിമിൽ 8-3ന് പിന്നിൽ പോയ ശേഷമായിരുന്നു ഇന്ത്യയുടെ താരങ്ങള്‍ വിജയം കുറിച്ചത്. സെമിയിൽ നാലാം സീഡുകളായ ബെലാറസിന്റെ ടീമിനെയാണ് ഇന്ത്യന്‍ താരങ്ങള്‍ നേരിടുക.