ഒമാന്‍ ഓപ്പണ്‍ ഫൈനലില്‍ കടക്കുവാനുള്ള അവസരം നഷ്ടപ്പെടുത്തി ഇന്ത്യയുടെ ഹര്‍മീത് ദേശായി

2020 ഒമാന്‍ ഓപ്പണ്‍ ടേബിള്‍ ടെന്നീസ് ചാമ്പ്യന്‍ഷിപ്പിന്റെ ഫൈനലില്‍ എത്തുവാന്‍ ലഭിച്ച മികച്ച അവസരം കൈവിട്ട് ഇന്ത്യയുടെ ഹര്‍മീത് ദേശായി. ഇന്ന് നടന്ന സെമി ഫൈനല്‍ മത്സരത്തില്‍ പോര്‍ച്യുഗലിന്റെ മാര്‍കോസ് ഫ്രെയിറ്റസിനെതിരെ ഒരു ഘട്ടത്തില്‍ 3-1ന് ലീഡ് ചെയ്ത ശേഷം 3-4 എന്ന സ്കോറിന് ഹര്‍മീത് ദേശായിയുടെ പരാജയപ്പെട്ടു. മത്സരത്തിലെ അവസാന മൂന്ന് ഗെയിമും നേടിയാണ് ടൂര്‍ണ്ണമെന്റിന്റെ ടോപ് സീഡാണ് ഫ്രെയിറ്റസ് ഫൈനലില്‍ കടന്നത്.

ആദ്യ ഗെയിം 11-5ന് വിജയിച്ച ദേശായി രണ്ടാം ഗെയിമില്‍ 4-8ന് പിന്നില്‍ പോയ ശേഷം 9-9ന് ഒപ്പമെത്തിയെങ്കിലും ഫ്രെയിറ്റസ് 11-9ന് ഗെയിം സ്വന്തമാക്കി. അടുത്ത രണ്ട് ഗെയിമും 11-6, 11-6 എന്ന നിലയില്‍ ദേശായി വിജയിച്ചുവെങ്കിലും അ‍ഞ്ചാം ഗെയിം 11-8ന് ഫ്രെയിറ്റസ് വിജയിച്ചു. ആറാം ഗെയിമില്‍ ബഹുഭൂരിപക്ഷവും മുന്നില്‍ നിന്ന് ശേഷം ഇന്ത്യന്‍ താരം 8-10ന് പിന്നില്‍ പോയെങ്കിലും ശക്തമായ തിരിച്ചുവരവ് നടത്തി സ്കോര്‍ 10-10ല്‍ എത്തിച്ചു. എന്നാല്‍ 13-11ന് ഗെയിം ഫ്രെയിറ്റസ് കൈക്കലാക്കി.

നിര്‍ണ്ണായകമായ ഏഴാം ഗെയിമില്‍ തീര്‍ത്തും നിരാശാജനകമായ പ്രകടനമാണ് ഇന്ത്യന്‍ താരത്തില്‍ നിന്ന് വന്നത്. 5-11 എന്ന സ്കോറിനാണ് മത്സരം ഇന്ത്യന്‍ താരം കൈവിട്ടത്.

സ്കോര്‍: 11-5, 9-11, 11-6, 11-6, 8-11, 11-13, 5-11

Loading...