ന്യൂസിലൻഡ് റഗ്ബി ടീമിന്റെ പുതിയ പരിശീലകനായി ഇയാൻ ഫോസ്റ്റർ ചുമതലയേറ്റെടുത്തു. മുൻ പരിശീലകനായ സ്റ്റീവ് ഹാൻസന്റെ അസിസ്റ്റന്റ് പരിശീലകനായിരുന്നു ഇത്ര കാലവും ഇയാൻ ഫോസ്റ്റർ. അവസാന എട്ടു വർഷമായി ഹാൻസന്റെ കൂടെ ഫോസ്റ്റർ ഉണ്ടായിരുന്നു. ഹാൻസന്റെ കോച്ചിംഗ് പോളിസികളുടെ തുടർച്ചക്ക് വേണ്ടിയാണ് ഫോസ്റ്ററിനെ തന്നെ ആൾ ബ്ലാക്സ് പരിശീലകനായി നിയമിച്ചത്.
2012ൽ പരിശീലകനായി എത്തിയ ഹാൻസൻ 2 തവണ ന്യൂസിലൻഡിനെ ലോക ചാമ്പ്യന്മാരാക്കിയിരുന്നു. ഈ കഴിഞ്ഞ ലോകകപ്പിന്റെ സെമി ഫൈനൽ ഇംഗ്ലണ്ടിനോട് തോറ്റ് കിരീടം നഷ്ടപ്പെട്ടതോടെയാണ് ഹാൻസൻ പരിശീലകൻ സ്ഥാനം ഒഴിഞ്ഞത്. ഇപ്പോൾ ഫോസ്റ്റർ രണ്ടു വർഷത്തെ കരാറാണ് ഒപ്പുവെച്ചിരിക്കുന്നത്.
