റഗ്ബി സെമിഫൈനലിലെ ഹാക്ക പ്രതികരണത്തിനു ഇംഗ്ലണ്ടിന് പിഴ

- Advertisement -

റഗ്ബി ലോകകപ്പിൽ മത്സരത്തിനു മുമ്പ് ന്യൂസിലാൻഡിന്റെ ഹാക്ക പ്രതികരണത്തിനു ഇംഗ്ലീഷ്‌ ടീമിന് 2000 പൗണ്ട് പിഴ. ന്യൂസിലാൻഡിന്റെ ഹാക്ക ഡാൻസിന്റെ സമയത്ത് ‘വി’ ആകൃതിയിൽ അണിനിരന്ന ഇംഗ്ലണ്ട് ടീം എതിർ ടീമിന്റെ പകുതി കടന്നു എന്ന കുറ്റത്തിനാണ് പിഴ നേരിടുന്നത്. റഗ്ബി നിയമപ്രകാരം മത്സരത്തിനു മുമ്പ് വെല്ലുവിളികൾ അനുവദനീയമാണ് എങ്കിലും ഒരു ടീമിനും എതിരാളിയുടെ പകുതി മുറിച്ചു കടക്കാൻ അനുവാദം ഇല്ല. എന്നാൽ പിഴക്ക് എതിരെ വിമർശനങ്ങളും ഉയരുന്നുണ്ട്. സാമൂഹിക മാധ്യമങ്ങളിൽ ഒക്കെ വലിയ രീതിയിൽ സ്വീകരിക്കപ്പെട്ട ഈ വീഡിയോ കണ്ടവർ ഏതാണ്ട് 40 ലക്ഷം പേരാണ്.

റഫറിയുടെ നിർദേശം അവഗണിച്ച ഇംഗ്ലണ്ട് സാംസ്കാരികമായ വെല്ലുവിളിയുടെ നിയമം ലംഘിച്ചു എന്നാണ് റഗ്ബി യൂണിയൻ പ്രതികരിച്ചത്. തങ്ങൾ ഒരു വെല്ലുവിളിയിലും കുലുങ്ങില്ല എന്ന സൂചനയാണ് ഇതിലൂടെ നൽകിയത് എന്നായിരുന്നു ഇംഗ്ലീഷ് നായകൻ ഓവൻ ഫെരൽ പ്രതികരിച്ചത്. അതേസമയം ഇംഗ്ലണ്ടിന്റെ പ്രതികരണം ഏറ്റവും മികച്ചത് ആയിരുന്നു എന്നാണ്‌ ഓസ്‌ട്രേലിയൻ പരിശീലകൻ സ്റ്റീവ് ഹാൻസൻ പ്രതികരിച്ചത്. ഏതായാലും മത്സരം ജയിച്ച ഇംഗ്ലണ്ട് പ്രതികരണത്തിൽ മാത്രമല്ല കളത്തിലും ന്യൂസിലാൻഡിനെ മറികടന്നു. 2011 ലോകകപ്പിൽ ഫ്രാൻസിനും സമാനമായ പിഴ ലഭിച്ചിരുന്നു.

Advertisement