വമ്പന്‍ തിരിച്ചുവരവ് നടത്തി ഓള്‍ ബ്ലാക്ക്സ്, ദക്ഷിണാഫ്രിക്കയോട് തോല്‍വിയ്ക്ക് പകരം വീട്ടി

- Advertisement -

51ാം മിനുട്ട് വരെ 6 -23 നു പിന്നിലായിരുന്ന ന്യൂസിലാണ്ട് 32-30 ന്റെ ജയം സ്വന്തമാക്കി ദക്ഷിണാഫ്രിക്കയോട് കണക്ക് തീര്‍ത്തു. ന്യൂസിലാണ്ടിന്റെ നാട്ടില്‍ ദക്ഷിണാഫ്രിക്കയോട് അപ്രതീക്ഷിത തോല്‍വി ടീം ഏറ്റുവാങ്ങിയെങ്കിലും അവസാന റൗണ്ട് മത്സരത്തിനു മുമ്പ് തന്നെ റഗ്ബി കിരീടം ന്യൂസിലാണ്ട് സ്വന്തമാക്കിയിരുന്നു. എന്നാല്‍ അന്നത്തെ തോല്‍വിയ്ക്ക് കണക്ക് തീര്‍ക്കാനായി എത്തിയ ന്യൂസിലാണ്ടിനു ഇത്തവണയും തുടക്കത്തില്‍ തിരിച്ചടിയായിരുന്നു ഫലം.

എന്നാല്‍ മത്സരത്തിന്റെ അവസാനത്തോടു കൂടി അചഞ്ചലമായ പോരാട്ട വീര്യം പ്രകടിപ്പിച്ച ഓള്‍ ബ്ലാക്ക്സ് അവസാന മിനുട്ടിലാണ് വിജയം ദക്ഷിണാഫ്രിക്കയില്‍ നിന്ന് തട്ടിയെടുത്തത്. മത്സരം അവസാനിക്കുവാന്‍ അഞ്ച് മിനുട്ടുള്ള 30-25നു ദക്ഷിണാഫ്രിക്കയായിരുനനു മുന്നില്‍. 59ാം മിനുട്ടില്‍ 30-13നു മുന്നിലായിരുന്ന ശേഷം ദക്ഷിണാഫ്രിക്കയ്ക്ക് ഒരു പോയിന്റു പോലും നേടാനായില്ലെങ്കിലും 19 പോയിന്റുകളുമായി ന്യൂസിലാണ്ട് ജയം ഉറപ്പാക്കി.

Advertisement