ഹൈദരാബാദ്, 01 ഫെബ്രുവരി 2022: 2022 ഫെബ്രുവരി 05-ന് ഹൈദരാബാദിൽ ആരംഭിക്കുന്ന റുപേ പ്രൈം വോളിബോൾ ലീഗിന്റെ ആദ്യ സീസണിൽ ഹൈദരാബാദ് ബ്ലാക്ക് ഹോക്സ് തങ്ങളുടെ ക്യാപ്റ്റനായി ഉത്തർപ്രദേശിൽ നിന്നുള്ള വിപുൽ കുമാറിനെ പ്രഖ്യാപിച്ചു. ചൊവ്വാഴ്ച നടന്ന വെർച്വൽ പത്രസമ്മേളനത്തിൽ ടീമിന്റെ പ്രിൻസിപ്പൽ ഉടമ അഭിഷേക് റെഡ്ഡിയാണ് ഇക്കാര്യം അറിയിച്ചത്, റൂബൻ വോലോച്ചിൻ – ഹെഡ് കോച്ച്, ടോം ജോസഫ് – അസിസ്റ്റന്റ് കോച്ച്, ക്യാപ്റ്റൻ വിപുൽ കുമാർ എന്നിവരും പത്ര സമ്മേളനത്തിൽ പങ്കെടുത്തു.
“ഞങ്ങളുടെ പ്രിൻസിപ്പൽ ഉടമ – അഭിഷേക് റെഡ്ഡി, ഹെഡ് കോച്ച് റൂബൻ വോലോച്ചിൻ, അസിസ്റ്റന്റ് കോച്ച് ടോം ജോസഫ് എന്നിവരോടും എന്നിൽ വിശ്വാസം അർപ്പിച്ച എല്ലാവർക്കും നന്ദി പറയാൻ ഞാൻ ആഗ്രഹിക്കുന്നു. ടീം മാനേജ്മെന്റിന്റെ പ്രതീക്ഷയ്ക്കൊത്ത് ഉയരാനും ടീമിനെ ഉയരങ്ങളിലെത്തിക്കാനും എന്റെ ഏറ്റവും മികച്ചത് ഞാൻ ചെയ്യുൻ. മത്സരത്തിൽ നമ്മൾ ഒരു യൂണിറ്റായി കളിക്കണം, ഒരുമിച്ച് മുന്നോട്ട് പോകണം. ഒരു സീനിയർ കളിക്കാരൻ എന്ന നിലയിൽ, ഞാൻ അത് ഉറപ്പാക്കും. എനിക്ക് കഴിയുന്നത് പോലെ യുവാക്കളെ സഹായിക്കും.” ക്യാപ്റ്റൻ ആയി ചുമതലയേറ്റ വിപുൽ കുമാർ പറഞ്ഞു.