ബെംഗളൂരു ബുള്‍സിനോട് 11 പോയിന്റിന്റെ തോല്‍വിയേറ്റു വാങ്ങി തമിഴ് തലൈവാസ്. ഇന്ന് നടന്ന രണ്ടാം മത്സരത്തില്‍ 48-37 എന്ന സ്കോറിനാണ് ബുള്‍സിന്റെ ജയം. ഇരു ടീമുകളിലെയും റെയിഡര്‍മാര്‍ തിളങ്ങിയ മത്സരത്തില്‍ 20 പോയിന്റ് വീതം നേടി തലൈവാസിന്റെ അജയ് താക്കൂറും ബെംഗളൂരുവിന്റെ പവന്‍ ഷെറാവത്തും ഒപ്പം നില്‍ക്കുകയായിരുന്നു. പകുതി സമയത്ത് 28-12നു വലിയ ലീഡ് ബെംഗളൂരു സ്വന്തമാക്കിയിരുന്നു.

റെയിഡിംഗില്‍ ഇരു ടീമുകളും ഒപ്പത്തിനൊപ്പമായിരുന്നുവെങ്കിലും ഒരു പോയിന്റിനു(31-30) ബെംഗളൂരു മുന്നിലായിരുന്നു. എന്നാല്‍ പ്രതിരോധത്തില്‍ ബെംഗളൂരു തമിഴ് തലൈവാസിനെ ബഹുദൂരം പിന്നിലാക്കിയിരുന്നു(12-5). രണ്ട് തവണ തലൈവാസ് ഓള്‍ഔട്ട് ആയപ്പോള്‍ ബെംഗളൂരു ബുള്‍സ് ഒരു തവണ പുറത്തായി.

Loading...