ദക്ഷിണേന്ത്യന്‍ ഡെര്‍ബിയില്‍ ടൈറ്റന്‍സിനെ കീഴടക്കി തമിഴ് തലൈവാസ്

- Advertisement -

ദക്ഷിണേന്ത്യന്‍ ടീമുകള്‍ ഏറ്റുമുട്ടിയ മത്സരത്തില്‍ തമിഴ് തലൈവാസിനു വിജയം. തെലുഗു ടൈറ്റന്‍സിന്റെ ശക്തമായ വെല്ലുവിളിയെ അതിജീവിച്ചാണ് തമിഴ് തലൈവാസ് വിജയം കുറിച്ചത്. ആദ്യം മുതലെ നേടിയ ലീഡ് നിലനിര്‍ത്താനായതും ടീമിനു ഗുണം ചെയ്തു. പകുതി സമയത്ത് ടീം 18-11നു മുന്നിലായിരുന്നു. ഫൈനല്‍ വിസിലിന്റെ സമയത്ത് 31-25 എന്ന സ്കോറിനായിരുന്നു തലൈവാസിന്റെ വിജയം.

തലൈവാസിനു വേണ്ടി ഏഴ് പോയിന്റ് നേടി പൊന്‍പാര്‍ത്ഥിപന്‍ സുബ്രമണ്യന്‍, മഞ്ജീത്ത് ചില്ലര്‍, അജയ് താക്കൂര്‍ എന്നിവര്‍ പ്രധാന സ്കോറര്‍മാരായപ്പോള്‍ ടൈറ്റന്‍സ് നിരയില്‍ രാഹുല്‍ ചൗധരി(6), വിശാല്‍ ഭരദ്വാജ്(5) എന്നിവരാണ് തിളങ്ങിയത്.

13-11നു റെയിഡിംഗിലും 15-9നു പ്രതിരോധത്തിലും തലൈവാസ് തന്നെയാണ് മുന്നിട്ട് നിന്നത്. ഒരു തവണ ടൈറ്റന്‍സിനെ ഓള്‍ഔട്ട് ആക്കുവാനും ടീമിനു സാധിച്ചു. എന്നാല്‍ 5-1നു അധിക പോയിന്റ് വിഭാഗത്തില്‍ തലൈവാസിനെ പിന്തള്ളുവാന്‍ ടൈറ്റന്‍സിനു സാധിച്ചു.

Advertisement