ഫോമിലേക്ക് തിരിച്ചെത്തി പട്ന, ബംഗാളിനെ തകര്‍ത്തത് 20 പോയിന്റിനു

Sports Correspondent

Download the Fanport app now!
Appstore Badge
Google Play Badge 1

ബംഗാള്‍ വാരിയേഴ്സിനെ കശക്കിയെറിഞ്ഞ് പട്ന പൈറേറ്റ്സ്. ഇന്ന് നടന്ന ആദ്യ പ്രൊ കബഡി ലീഗ് മത്സരത്തില്‍ 50-30 എന്ന സ്കോറിനാണ് പട്നയുടെ ആധികാരിക ജയം. പകുതി സമയത്ത് 22-14നു മുന്നില്‍ നിന്ന് ടീം രണ്ടാം പകുതിയില്‍ 28 പോയിന്റ് കൂടി നേടി. ദീപക് നര്‍വാല്‍(13), പര്‍ദീപ് നര്‍വാല്‍(11) എന്നിവര്‍ക്കൊപ്പം അഞ്ച് പോയിന്റ് നേടി ജയ്ദീപ് കൂടിയാണ് മത്സരം പട്നയ്ക്ക് അനുകൂലമാക്കി മാറ്റിയത്.

ബംഗാള്‍ നിരയില്‍ മനീന്ദര്‍ സിംഗ് ആണ് ടോപ് സ്കോറര്‍. 6 പോയിന്റാണ് താരം നേടിയത്. മൂന്ന് തവണ പട്ന ബംഗാളിനെ ഓള്‍ഔട്ട് ആക്കിയപ്പോള്‍ ഒരു തവണ പട്നയും ഓള്‍ഔട്ട് ആയി. 28-17നു റെയിഡിംഗിലും 15-10നു പ്രതിരോധത്തിലും പട്ന തന്നെയായിരുന്നു മുന്നില്‍.