വിജയ വഴിയിലേക്ക് തിരികെ എത്തി ഹരിയാന, അതിജീവിച്ചത് മുംബൈയുടെ വെല്ലുവിളി

- Advertisement -

തുടര്‍ തോല്‍വികളില്‍ നിന്ന് ഒടുവില്‍ ഹരിയാനയ്ക്ക് മോചനം. ഇന്നലെ നടന്ന രണ്ടാം മത്സരത്തില്‍ 35-31 എന്ന സ്കോറിനാണ് യു-മുംബയുടെ വെല്ലുവിളിയെ ഹരിയാന അതിജീവിച്ചത്. പകുതി സമയത്ത് 17-16നു മുംബൈ ആയിരുന്നു മത്സരത്തില്‍ മുന്നിട്ട് നിന്നത്. തുടക്കം മുംബൈ തീപ്പാറുന്ന പ്രകടനം പുറത്തെടുത്തുവെങ്കിലും ഇടവേള സമയത്ത് ടീമിനു ഒരു പോയിന്റ് ലീഡ് മാത്രമേ കൈവശപ്പെടുത്തുവാനായുള്ളു. എന്നാല്‍ രണ്ടാം പകുതിയില്‍ ലീഡ് കൈവശപ്പെടുത്തിയ ഹരിയാന 4 പോയിന്റ് വ്യത്യാസത്തില്‍ മുംബൈയെ മറികടക്കുകയായിരുന്നു.

15 പോയിന്റ് നേടിയി വികാസ് ഖണ്ഡോലയ്ക്ക് ഹരിയാന നിരയില്‍ പിന്തുണയുമായി നവീനും സുനിലും അഞ്ച് പോയിന്റ് വീതം നേടിയപ്പോള്‍ മുംബൈയ്ക്കായി സച്ചിന്‍ 11 പോയിന്റും വിനോദ് കുമാര്‍(6), രോഹിത് ബലിയന്‍(5) എന്നിവരും തിളങ്ങി.

20-19നു നേരിയ ലീഡ് റെയിഡിംഗിലും 12-10നു പ്രതിരോധത്തിലും ഹരിയാനയായിരുന്നു മുന്നില്‍. ഇരു ടീമുകളും മത്സരത്തില്‍ ഓരോ തവണ പുറത്തായി. അധിക പോയിന്റുകളില്‍ 1-0നു ഹരിയാനയായിരുന്നു മുന്നില്‍.

Advertisement