ലോ സ്കോറിംഗ് ത്രില്ലറില്‍ വിജയം ബംഗാള്‍ വാരിയേഴ്സിനു

Sports Correspondent

Download the Fanport app now!
Appstore Badge
Google Play Badge 1

വളരെ കുറച്ച് പോയിന്റുകള്‍ മാത്രം പിറന്ന മത്സരത്തില്‍ ബംഗാള്‍ വാരിയേഴ്സിനു വിജയം. പുനേരി പള്‍ട്ടനെ 26-22 എന്ന സ്കോറിനാണ് ബംഗാള്‍ വാരിയേഴ്സ് ഇന്ന് നടന്ന ആദ്യ മത്സരത്തില്‍ പരാജയപ്പെടുത്തിയത്. ഇടവേള സമയത്ത് 13-12 എന്ന സ്കോറിനു പൂനെ ആയിരുന്നു ലീഡെങ്കിലും രണ്ടാം പകുതിയില്‍ മത്സരം ബംഗാള്‍ സ്വന്തമാക്കുകയായിരുന്നു.

9 പോയിന്റ് നേടി മോറെയാണ് പൂനെയുടെ ടോപ് സ്കോറര്‍. ബംഗാളിനായി മനീന്ദര്‍ സിംഗ് ആറ് പോയിന്റും രവീന്ദ്ര രമേഷ് കുമാവത് അഞ്ച് പോയിന്റും നേടി. 13-12 എന്ന സ്കോറിനു റെയിഡിംഗില്‍ പൂനെ ആയിരുന്നു മുന്നിലെങ്കിലും 10-6നു ബംഗാള്‍ പ്രതിരോധത്തില്‍ മുന്നിട്ട് നിന്നു. ഒരു തവണ ബംഗാള്‍ പൂനെയെ ഓള്‍ഔട്ട് ആക്കിയ മത്സരത്തില്‍ അധിക പോയിന്റുകളില്‍ 3-2ന്റെ ലീഡ് പൂനെയ്ക്കായിരുന്നു.