മേരി കോമിന് സ്വർണം

Jyotish

Download the Fanport app now!
Appstore Badge
Google Play Badge 1

പോളണ്ടിലെ ഗ്ലിവൈസിൽ വെച്ച് നടന്ന പതിമൂന്നാമത് സൈലേഷ്യൻ ഓപ്പൺ ബോക്സിങ് ടൂർണമെന്റിൽ ഇന്ത്യയുടെ മേരി കോമിന് (48kg) സ്വർണം. അഞ്ചു തവണ ലോക ചാമ്പ്യനായ മേരി കോം ഈ വര്ഷം നേടുന്ന മൂന്നാമത്തെ സ്വർണമാണിത്. മറ്റൊരു ഇന്ത്യൻ താരമായ മനീഷ(54kg) വെള്ളി മെഡലും നേടി.

കസാക്കിസ്ഥാന്റെ ഐഗേരിം കസ്സനയേവയെ പരാജയപ്പെടുത്തിയാണ് മേരി കോം ഈ നേട്ടം സ്വന്തമാക്കിയത്. പരിക്ക് കാരണം ഇന്തോനേഷ്യയിൽ വെച്ച് നടന്ന ഏഷ്യൻ ഗെയിംസിൽ മേരി കോമിന് പങ്കെടുക്കാൻ സാധിച്ചിരുന്നില്ല. ഈ വർഷം ഗോൾഡ് കോസ്റ്റിൽ വെച്ച് നടന്ന കോമ്മൺ വെൽത്ത് ഗെയിംസിലും ഡൽഹിയിൽ നടന്ന ഇന്ത്യ ഓപ്പണിലും മേരി കോം സ്വർണം നേടിയിരുന്നു.