വേള്‍ഡ് ബാഡ്‍മിന്റണ്‍ ചാമ്പ്യന്‍ഷിപ്പ്, ആദ്യ ദിനം തിളങ്ങി ഇന്ത്യന്‍ താരങ്ങള്‍

Srikanth Kidambi (AP Photo/Kin Cheung)

ഗ്ലാസ്കോയില്‍ നടക്കുന്ന വേള്‍ഡ് ബാഡ്‍മിന്റണ്‍ ചാമ്പ്യന്‍ഷിപ്പിന്റെ ആദ്യ ദിനം തിളങ്ങി ഇന്ത്യന്‍ താരങ്ങള്‍. ശ്രീകാന്ത് കിഡംബി ഉള്‍പ്പെടെ ഏഴ് താരങ്ങളാണ് ആദ്യ ദിവസം വിജയം കൊയ്തത്. ആദ്യ ദിവസം ഇറങ്ങിയ ഇന്ത്യക്കാരില്‍ പരാജയം ഏറ്റുവാങ്ങിയത് ഡബിള്‍സ് വിഭാഗത്തില്‍ മനു അത്രി-സുമീത് റെഡ്ഢി സഖ്യം നേരിട്ടുള്ള സെറ്റുകള്‍ക്ക് പരാജയപ്പെട്ടത് മാത്രമാണ്. കൊറിയയുടെ ചുംഗ് യൂയി സോക്-കിം ഡുക്യോംഗ് സഖ്യത്തോട് നേരിട്ടുള്ള സെറ്റുകള്‍ക്കാണ് ഇരുവരും പരാജയപ്പെട്ടത്, സ്കോര്‍ : 24-22, 21-17.

ഇന്ത്യയുടെ ശ്രീകാന്ത് കിഡംബി നേരിട്ടുള്ള സെറ്റുള്‍ക്ക് റഷ്യയുടെ സെര്‍ജി സിറാന്റിനെ തകര്‍ത്തു(21-13, 21-12). സമീര്‍ വര്‍മ്മയും വനിത വിഭാഗത്തില്‍ റിതുപര്‍ണ ദാസ, തന്‍വി ലാഡ് എന്നിവരും വിജയം കൊയ്തു. വനിത ഡബിള്‍സില്‍ സഞ്ജന സന്തോഷ- ആരതി സാറ സുനില്‍ സഖ്യം, മിക്സഡ് ഡബിള്‍സ് ജോഡികളായ സാത്വിക്സായിരാജ്-മനീഷ, പ്രജക്ത സാവന്ത്-യോഗേന്ദ്രന്‍ കൃഷ്ണന്‍ എന്നിവരും വിജയത്തോടെ രണ്ടാം റൗണ്ടില്‍ കടന്നിട്ടുണ്ട്.

ഇന്ന് പിവി സിന്ധു, അജയ് ജയറാം, സായി പ്രണീത് തുടങ്ങിയ ഇന്ത്യന്‍ താരങ്ങള്‍ ഉള്‍പ്പെട്ട 10 മത്സരങ്ങളാണിന്ന് അരങ്ങേറുക.

കൂടുതൽ കായിക വാർത്തകൾക്ക് : www.facebook.com/FanportOfficial

Previous articleറൂണി @200, മൂന്നാം വട്ടവും എവർട്ടണെ തോൽപ്പിക്കാൻ കഴിയാതെ പെപ്പ്
Next articleഏകദിന തിരിച്ചുവരവ് ആഘോഷിച്ച് ഗെയില്‍, പാട്രിയറ്റ്സ് നോക്ഔട്ട് ഘട്ടത്തിലേക്ക്