തായ്‍ലാന്‍ഡ് ഓപ്പണ്‍, ഡബിള്‍സ് മത്സരങ്ങളില്‍ ഇന്ത്യയ്ക്ക് സമ്മിശ്ര ഫലം

- Advertisement -

തായ്‍ലാന്‍ഡ് ഓപ്പണ്‍ ഡബിള്‍സ് മത്സരങ്ങളില്‍ ഇന്ത്യയ്ക്ക് സമ്മിശ്ര ഫലം. പുരുഷ ഡബിള്‍സില്‍ ചിരാഗ് ഷെട്ടി – സാത്വിക് സായിരാജ് കൂട്ടുകെട്ട് വിജയം നേടിയപ്പോള്‍ ധ്രുവ് കപില-അര്‍ജ്ജുന്‍ എംആര്‍ കൂട്ടുകെട്ടിന് പരാജയം ആയിരുന്നു ഫലം. മിക്സഡ് ഡബിള്‍സില്‍ സിക്കി റെഡ്ഡി- സുമീത് റെഡ്ഢി കൂട്ടുകെട്ടിനും പരാജയമേറ്റുവാങ്ങേണ്ടി വന്നു.

ചിരാഗ്-സാത്വിക് കൂട്ടുകെട്ട് ദക്ഷിണ കൊറിയയുടെ ജുംഗ് കിം – യോംഗ് ലീ കൂട്ടകെട്ടിനെ 19-21, 21-16, 21-14 എന്ന സ്കോറിനാണ് പരാജയപ്പെടുത്തിയത്. 68 മിനുട്ടാണ് മത്സരം നീണ്ടത്. അതേ സമയം അര്‍ജ്ജുന്‍ – ധ്രുവ് ജോഡി മലേഷ്യന്‍ ടീമിനോട് 21-13, 8-21, 22-24 എന്ന രീതിയില്‍ പരാജയമേറ്റു വാങ്ങി. ആവേശകരമായ മൂന്നാം സെറ്റില്‍ വിജയം ആര്‍ക്ക് വേണമെങ്കിലും നേടാമെന്ന ഘട്ടത്തില്‍ നിന്നാണ് ടീം പരാജയപ്പെട്ടത്.

സിക്കി – സുമീത് കൂട്ടുകെട്ട് നേരിട്ടുള്ള ഗെയമികളില്‍ ഹോങ്കോംഗിന്റെ ജോഡിയോട് 20-22, 17-21 എന്ന സ്കോറിന് അടിയറവ് വഴങ്ങി.

Advertisement