സയ്യദ് മോഡി അന്താരാഷ്ട്ര ബാഡ്മിന്റണ്‍ ചാമ്പ്യന്‍ഷിപ്പിന്റെ രണ്ടാം റൗണ്ടില്‍ പുറത്തായി എച്ച് എസ് പ്രണോയ്‍യും സായി പ്രണീതും. പ്രണോയ് എട്ടാം സീഡ് ആയ വാംഗ് സു വെയോട് മൂന്ന് ഗെയിം പോരാട്ടത്തില്‍ ആണ് കീഴടങ്ങിയത്. ആദ്യ ഗെയിം 21-12ന് പ്രണോയ് അനായാസം സ്വന്തമാക്കിയെങ്കിലും പിന്നീടുള്ള ഗെയിമുകളില്‍ ഇന്ത്യന്‍ താരം തീരെ നിറം മങ്ങിപ്പോകുകയായിരുന്നു. സ്കോര്‍: 21-12, 10-21, 14-21.
അതെ സമയം സായി പ്രണീത് ജൂനിയര്‍ ലോക ചാമ്പ്യനായ കാന്‍ലാവുട് വിടിഡ്സാര്‍ണിനോട് നേരിട്ടുള്ള ഗെയിമിലാണ് പുറത്തായത്. 11-21, 17-21 എന്ന സ്കോറിനാണ് താരത്തിന്റെ തോല്‍വി.
