മലേഷ്യ മാസ്റ്റേഴ്സ് പുരുഷ വിഭാഗം സിംഗിള്സില് ഇന്ത്യന് പ്രാതിനിധ്യം അവസാനിച്ചു. ഇന്ന് നടന്ന ക്വാര്ട്ടര് മത്സരത്തില് മൂന്ന് ഗെയിം പോരാട്ടത്തിനൊടുവില് ഇന്ത്യന് താരം ശ്രീകാന്ത് കിഡംബി അടിയറവ് പറഞ്ഞതോടെയാണ് ഇന്ത്യന് പ്രതീക്ഷകള് പുരുഷ വിഭാഗത്തില് അവസാനിച്ചത്. ആദ്യ ഗെയിം നേടിയ ശേഷമാണ് കിഡംബിയുടെ മത്സരത്തിലെ തോല്വി.
ദക്ഷിണ കൊറിയയുടെ വാന് ഹോ സണ് ആണ് ഇന്ത്യന് താരത്തിനു തോല്വി സമ്മാനിച്ചത്. 23-21, 16-21, 17-21 എന്ന സ്കോറിനു 72 മിനുട്ട് നീണ്ട മത്സരത്തിനു ശേഷമാണ് കിഡംബിയുടെ തോല്വി.