സയ്യദ് മോഡി അന്താരാഷ്ട്ര ബാഡ്മിന്റണ് ചാമ്പ്യന്ഷിപ്പിന്റെ സെമിയില് കടന്ന് സൗരഭ് വര്മ്മ. ഇന്ന് ജൂനിയര് ലോക ചാമ്പ്യനായ തായ്ലാന്ഡിന്റെ കുന്ലാവുട് വിടിഡ്സാര്ണിനെ നേരിട്ടുള്ള ഗെയിമുകളില് പരാജയപ്പെടുത്തിയാണ് സൗരഭ് സെമി യോഗ്യത ഉറപ്പാക്കിയത്. 40 മിനുട്ട് നീണ്ട പോരിന് ശേഷം 21-19, 21-16 എന്ന നിലയിലായിരുന്നു സൗരഭിന്റെ വിജയം.
അതേ സമയം ശ്രീകാന്ത് കിഡംബി ക്വാര്ട്ടറില് പരാജയമേറ്റു വാങ്ങി. നേരിട്ടുള്ള ഗെയിമിലെങ്കിലും പൊരുതിയാണ് ശ്രീകാന്ത് കീഴടങ്ങിയത്. ദക്ഷിണ കൊറിയയുടെ വാന് ഹോ സണിനോട് 18-21, 19-21 എന്ന സ്കോറിനാണ് കിഡംബിയുടെ പരാജയം.