റിയോയിൽ വെള്ളി, ടോക്കിയോയിൽ വെങ്കലം, സിന്ധു ഇന്ത്യയുടെ അഭിമാനം

Pvsindhu

റിയോയിലെ വെള്ളി മെഡലിന് പിന്നാലെ ടോക്കിയോയിൽ വെങ്കല മെഡലുറപ്പാക്കി ഇന്ത്യയുടെ പിവി സിന്ധു. ഇന്ന് ചൈനയുടെ ഹേ ജിംഗ് ബിയോവോയ്ക്ക്തിരെ നേരിട്ടുള്ള ഗെയിമിലായിരുന്നു സിന്ധുവിന്റെ വിജയം. സ്കോര്‍: 21-13, 21-15

ആദ്യ ഗെയിമിൽ 4-0ന് സിന്ധു ലീഡ് നേടിയെങ്കിലും ഹേ ബിംഗ് ജാവോ 5-5ന് മത്സരത്തിലൊപ്പമെത്തുന്ന കാഴ്ചയാണ് കണ്ടത്. ആദ്യ ബ്രേക്കിന് 11-8 ന്റെ നേരിയ ലീഡ് സിന്ധു നേടി. ഇടവേളയ്ക്ക് ശേഷം സിന്ധു തുടരെ പോയിന്റുകളുമായി 15-9ന്റെ ലീഡ് നേടി. മികവ് തുടര്‍ന്ന സിന്ധു 20-12ന് എട്ട് പോയിന്റുകള്‍ സ്വന്തമാക്കിയ സിന്ധു ആദ്യ ഗെയിം 21-13ന് സ്വന്തമാക്കി.

രണ്ടാം ഗെയിമിലും സിന്ധു 4-0ന്റെ ലീഡ് നേടിയെങ്കിലും ചൈനീസ് താരം 5-4ന് ഒപ്പമെത്തുന്നതാണ് കണ്ടത്. ആദ്യ ഗെയിമിലേത് പോലെ സിന്ധുവിന് രണ്ടാം ഗെയിമിന്റെ ബ്രേക്കിന് പോകുമ്പോളും 11-8ന്റെ ലീഡ് നേടി. ഇടവേളയ്ക്ക് ശേഷം മൂന്ന് പോയിന്റുകള്‍ തുടരെ നേടി ഹേ ബിംഗ് ജിയോവോ ഒപ്പമെത്തി മത്സരം കടുപ്പിച്ചു.

അതിന് ശേഷം മൂന്ന് പോയിന്റ് നേടി സിന്ധു തന്റെ ലീഡ് പുനഃസ്ഥാപിക്കുന്ന കാഴ്ചയാണ് കണ്ടത്. ആധിപത്യം തുടര്‍ന്ന സിന്ധു ഗെയിം 21-15ന് സ്വന്തമാക്കി മത്സരവും വെങ്കല മെഡലും സ്വന്തമാക്കി.

 

Previous article100 മീറ്റർ സെമിയിൽ ഏഷ്യൻ റെക്കോർഡ് തകർത്തു സു! ഫൈനലിൽ ജമൈക്കൻ താരങ്ങളില്ല
Next article100 മീറ്ററിൽ ഇറ്റാലിയൻ പതാക പാറിച്ചു മാർസൽ ജേക്കബ്സ്