ഓസ്ട്രേലിയന് ഓപ്പണ് ആദ്യ റൗണ്ടില് വിജയം പിടിച്ചെടുത്ത് ഇന്ത്യയുടെ സമീര് വര്മ്മ. ടൂര്ണ്ണമെന്റിന്റെ 6ാം സീഡായ സമീര് വര്മ്മ മൂന്ന് ഗെയിം പോരാട്ടത്തിലാണ് മലേഷ്യയുടെ ലോക റാങ്കിംഗില് 20ാം നമ്പര് താരമായ സീ ജിയ ലീയെ വീഴ്ത്തിയത്. 61 മിനുട്ട് നീണ്ട മത്സരത്തില് ആദ്യ ഗെയിം സമീര് ജയിച്ചപ്പോള് രണ്ടാം ഗെയിമില് താരം പിന്നില് പോയി.
മൂന്നാം ഗെയിമില് ശക്തമായ തിരിച്ചുവരവ് നടത്തി ഇന്ത്യന് താരം മത്സരം സ്വന്തമാക്കി. സ്കോര് 21-15, 16-21, 21-12.