സൈന രണ്ടാം റൗണ്ടില്‍, പ്രണോയ് പുറത്ത്

- Advertisement -

തായ്‍ലാന്‍ഡ് ഓപ്പണിന്റെ രണ്ടാം റൗണ്ടില്‍ കടന്ന് സൈന നെഹ്‍വാല്‍. ഇന്ന് നടന്ന മത്സരത്തില്‍ മലേഷ്യയുടെ കിസോണ സെല്‍വദുരൈയ്ക്കെതിരെ നേരിട്ടുള്ള ഗെയിമിലാണ് സൈനയുടെ വിജയം. സ്കോര്‍ 21-15, 21-15. അതേ സമയം പുരുഷ വിഭാഗം സിംഗിള്‍സില്‍ എച്ച് എസ് പ്രണോയ് പുറത്ത് ആയി.

മൂന്ന് ഗെയിം നീണ്ട മത്സരത്തില്‍ ലോക പത്താം നമ്പര്‍ താരത്തോടാണ് ഇന്ത്യന്‍ താരം പരാജയപ്പെട്ടത്. മലേഷ്യന്‍ താരം സീ ജിയ ലീയോട് 13-21, 21-14, 21-8 എന്ന സ്കോറിനാണ് പ്രണോയ് കീഴടങ്ങിയത്. ഇതോടെ സിംഗിള്‍സില്‍ ഇന്ത്യന്‍ പ്രാതിനിധ്യം സൈനയിലും കിഡംബിയിലും മാത്രമായി ഒതുക്കി.

Advertisement